Fair Saturday jaialdiaren musikak Erriberako Merkatua berotuko du berriz

Larunbat honetan, hilak 29, Erriberako Merkatua Fair Saturday jaialdiaren agertoki bihurtuko da berriro ere. Aurten, tokiko artista berrien musikak Retina Bizkaia Begisare erakundea ardatz izango dute; Bizkaiko, Arabako eta Gipuzkoako elkarteak biltzen dituen erretinako herentziazko distrofiek kaltetutako pertsonen erakundea.

«Gaitz hauek ikusraztea, ikerketa sustatzea eta kaltetuentzako eta haien familientzako laguntza-sareak osatzea ezinbestekoa da. Retina Bizkaia Begisare bezalako elkarteen lanari esker, desberdintasunak ezabatzeko bidean aurrera egiten dugu, ikusmen-desgaitasuna duten pertsonen gizarte-ongizatea eta bizi-kalitatea sustatuz», adierazi du Álvaro Pérezek, Bilboko Udaleko Osasun eta Kontsumo zinegotzi ordezkariak.

Edizio berri honetan, 10 emanaldi izango dira, goizeko 11:00etatik arratsaldeko 19:30ak arte. Horrela, agertokitik pasako dira Jad Gift, Madera Ilegal, Blue Velvet, Oihane Durán, Julen Burgos, Jon Moma, Sunmusic, Naia Aguiló, Aintzane Arzamendi, eta Le Monk.