Bilbao Zerbitzuak benetako integrazioarekin konpromisoa berretsi du Libu Liburu-dendak antolatutako bilketa solidarioarekin bat eginez

Atzo, hilak 11, elkartasunak Erriberako Merkatua hartu zuen Zubietxe Elkarteak Libu Liburu-denda egitasmoaren bitartez abian jarri duen liburu bilketa berriarekin. Hirugarren urtez jarraian, Bilbao Zerbitzuak-ek bat egin du ekimenarekin gizarte-bazterketa jasateko arriskuan dauden pertsonak ikusarazteko; ikasteko, lan egiteko eta benetan integratzeko espazioen alde eginez.

Hain zuzen ere, eta gure gizartean oraindik dauden desberdintasun sozialak agerian uzteko asmorekin, Bilboko Udaleko Osasun eta Kontsumo Arloko zinegotzi delegatua, Álvaro Pérez, merkatutik bertatik liburu-dendaraino abiatu den giza katearen parte izan da berriro. «Hirugarren urtez jarraian babesten gaude kultura eta irakurketa lotura gisa erabiltzen dituen sentsibilizazio eta jasangarritasun proiektu solidario hau. Gaurko erronka horrelako ekimenak babestea eta ikusaraztea da», gogorarazi du zinegotziak. Ekitaldia amaitzeko, Txani Rodríguez idazleak Giza Eskubideen aldeko manifestua irakurri du.

Nolanahi ere, hala nahi duten pertsonek urtarrilaren 2ra arte utzi ahal izango dituzte jada nahi ez dituzten liburuak, eta bigarren bizitza izaten jarrai dezaketenak, merkatuko hainbat gunetan prestatuko diren edukiontzietan.

Libuk 10 urte bete ditu

Gaur ere, liburu-dendak bere 10. urteurrena ospatuko du, jardueraz betetako aste osoko programazioarekin: bere idazketa tailerren erakusketa bat egongo da, Giza Eskubideekin lotutako collage ezberdinak, zuzeneko musika emanaldi bat izango da ostiralean, eta larunbatean Poesia Lehiaketa Nazionalaren sari banaketa hartuko du.

Ekimen honen bidez, Bilbao Zerbitzuak eta Libu liburu-dendak gizarteratzearekin, kulturarekin eta iraunkortasunarekin duten konpromisoa indartzen dute, ikasteko eta elkartzeko gune berrien sorrera bultzatuz.