Albia taldeak 2.000 poltsa birziklagarri banatu ditu Erriberako Merkatuan

Albia Taldeak, ehorzketa-sektoreko erreferentziazko enpresak, gizartea sentsibilizatzeko ekintza egin du gaur goizean Erriberako Merkatuan. Konpainiak kotoi birziklatuarekin egindako oihalezko 2.000 poltsa baino gehiago banatu ditu jasangarritasunaren eta ingurumenaren zaintzaren aldeko apustua areagotzeko, Agenda Berdean ezarritako ekintza-ildoari jarraituz.

Ekimen horri esker, Albia Taldea gizarte-erantzukizun korporatiboko estrategian zentratu da, eta ingurumenaren hezkuntzan eta ingurunearen zaintzan parte hartzera gonbidatu ditu bilbotarrak.