Bilbao Zerbitzuak aldizkariaren webgune berria "irakurketa errazaren" formatura egokitu da

«Irakurketa erraza» formatuko informazioa eskuratzeko eskubidea Bilboko Udalaren 2019-2023 aginte-planean aitortuta dago. Plan horren 10.4 ekintzaren helburua da «herritarrei ematen zaien informazioa hobetzea, irisgarritasun unibertsalaren eta denontzako diseinuaren ikuspegitik», «Gardentasunari, parte-hartzeari, zorroztasunari eta kudeaketa onari» buruzko 10. jarduketa-ildoari dagokiona. Herritarrentzat interesgarriena den informazio eta dokumentazioari buruzko «irakurketa errazaren» kontzeptuaren garapen gisa, bere web orri berria egiteko, IFLAren (International Federation of Library Associations and Institutions) eta Inclusion Europe-ren nazioarteko jarraibideei jarraitu die, hizkuntzari, edukiari eta formari dagokienez, eskuragarritasun kognitiboa errazteko helburuarekin, hau da, informazioa errazago ulertzeko helburuarekin.

Irakurketa-demokraziaren eta irakurketaren bidezko gizarteratzearen printzipioan oinarrituta, «Irakurketa erraza» pertsona guztien bizi-kalitatea aberasteko bidea da. Eta, bereziki, kolektibo hauei egiten die mesede: adimen-desgaitasuna duten pertsonei, narriadura kognitiboa duten adinekoei eta irakurtzeko edo ulertzeko zailtasunak dituzten pertsonei. Horretarako, edukiak hizkuntza erraz eta argia erabiliz aurkezten ditugu.