Laster hasiko dira Bilboko hilerriko 44. etxadiko panteoi komunitarioetan, gorpuzkiak lurpetik ateratzeko lanak

Bilbao Zerbitzuak-ek ohiko zereginekin jarraitzen du Bilboko Hilerrian: berdeguneak mantentzea, espazio komunak hobetzeko lanak… eta, gura duenak, legezko epeak amaitu ondoren hildako senideen gorpuak panteoi komunitarioetan lurperatzeko aukera izaten jarrai dezan, Bilboko udal-hilerrian erabilgarri dagoen espazioa berreskuratzen eta optimizatzen dugu.

Horretarako, 2021eko azarotik 2022ko maiatzera bitartean, 2002ko ekainaren 11tik 2007ko apirilaren 6ra bitartean egindako aldi baterako ehorzketei dagozkien Bilboko Hilerriko 44. etxadiko 1etik 260ra bitarteko panteoi komunitarioetako gorpuzkiak lurpetik aterako dira.

Aldez aurretik, senideei gutun bidez emango zaie lan horien berri, gorpuzkiak eskuratzeko interesa duten adieraz dezaten. Eskatzen ez diren gorpuzkiak hezurtegi orokorrean utziko dira. Interesdunek idatziz eskatu beharko dituzte gorpuzkiak, jakinarazpena egin eta 30 eguneko epean, bide hauetako edozein erabiliz:

• Hilerriko bulegoetan, 8:30etik 14:00etara, astelehenetik ostiralera. Santimami auzoa 4, 48170 – Zamudio. Aurretik telefonoz hitzordua eskatzea komeni da.
• Posta arruntez.
• Posta elektronikoz: https://bilbaozerbitzuak.bilbao.eus
• Egoitza elektronikoaren bidez: https://bilbaozerbitzuak.bilbao.eus