Blue Marlin TV britainiarrak sukaldaritza programa bat grabatuko du Erriberako Merkatuan

Erresuma Batuko Blue Marlin TV ekoiztetxeak “James Martin´s Spanish Adventure” sukaldaritza saioa grabatuko du apirilaren 20an Erriberako Merkatuan. Grabazioan zehar, telebista saioari izena ematen dion sukaldaria merkatuan zehar ibiliko da, bertako postuak bisitatuko ditu eta saskia produktu onenekin beteko du, prestatu gura duen menua kontatzen duen bitartean.

Erriberako Merkatua programak bisitatuko dituen Hiriko gune enblematiko eta aipagarrienen ibilbidearen parte da. Hiriko jatetxe eta gozotegi ezagunenak ere ibilbide horren parte izango dira. Gainera, saioari amaiera bikaina emateko, James Martinek zenbait plater prestatuko ditu oraindik zehaztu barik dagoen Bilboko espazioren batean egongo den unitate mugikorrean.