Datorren domekan, Bilboko hilerriak omenaldia egingo die jada gure artean ez dauden amei

Jada gure artean ez dauden amak gogora ekartzeko eta familiak maite dituzten pertsona guztiekin bake- eta lasaitasun-giroan egon daitezen, Bilbao Zerbitzuak erakundeak poesia-errezitaldi bat antolatu du -emakumezkoen talde bokal batekin batera-, 12etan, Bilboko Hilerriko Kaperan.

Maiatzeko lehenengo domeka guztietan legez, Bilbao Zerbitzuak-ek Amaren Eguna ospatuko du maiatzaren 5ean Bilboko Udal Hilerrian. Omenaldi honen bidez, Bilbao Zerbitzuak erakundeak familiak batu nahi ditu jada gure artean ez dauden amak gomuta ditzaten, maite dituzten pertsonen eta senideen babesarekin eta maitasunarekin.

Ekitaldia igandean izango da, 12etan, kaperan. Poesia-errezitaldi bat izango da, emakumezko talde bokal batekin batera. Ekitaldian 100 margarita/lore sorta banatuko zaizkie bertaratutakoei, agortu arte.

Kultura biziko hilerria

Bilbao Zerbitzuak-ek Bilboko hilerrian diseinatu duen kultur programazioaren barruan, orientazio-proba bat eta dagoeneko ez gure artean dauden mendizaleen omenezko ekitaldi bat ere egingo dira. Baina beste jarduera asko ere bai, ohiko jarduerez gain, hala nola, aire zabaleko pintura-lehiaketa, saxo- eta piano-kontzertua edo Domu Santu egunaren ospakizuna, aurten lehenengo aldiz film laburren lehiaketa bat egingo delako.