Erriberako Merkatuko postuek ongi etorria emango diote Gabonetako erosketen hilabeteari

Badator abendua eta, berarekin, Bilboko milaka familia biltzen dituzten Gabonetako bazkari eta afarien garaia. Hiriko Udal Merkatuetako postuak prest daude, senideak eta lagunak harritzeko asmoz euren errezeta eta plater gogokoenak prestatzeko behar dituzten osagaien bila bertara hurbilduko diren bilbotarrak hartzeko.

“Gabonak dira beti lan gehien dagoen garaia, baina, aldi berean, garairik bereziena gure Udal Merkatuentzat. Familiek, erosketak egiteaz gain, elkarrekin egiten dituzte, eta polita da ikustea, askotan, bisita hori konpainian egiten dela”, adierazi du Yolanda Díez Bilboko Udaleko Alkateorde eta Osasun eta Kontsumo Saileko Zinegotziak.

Izan ere, kalitate eta prezio ezin hobeak dituzten produktuak eskaintzeaz gain, Erriberako Merkatua etxeko txikienekin bisitatzeko leku ezin hobea da, aukera gastronomiko berriak deskubritu ahal izan ditzaten, gustukoen dituzten produktuekin saskia betetzen laguntzen duten bitartean.