Erriberako merkatuko Sukaldaritza eskolak legatz errezetekin eta bao ogiarekin hasiko du ikasturtea

Irail honetan, Erriberako Merkatuko Sukaldaritza eskolak hasiera emango dio ikasturte berriari, legatz errezeta tradizionalekin eta baita modan dagoen Asiako bao ogia egiteko gakoekin ere.

Oraingo honetan, euskal sukaldaritza tradizionalak estreinatuko ditu suak, legatzarekin prestatutako bi errezetarekin: ondarrutar eran eta saltsa berdean. Sukaldaritza zaleei zuzendutako formazio hau ostiral honetan izango da, irailak 11, 18:30ean.

Bestalde, Asiako kontinentera bidaia hilaren 18an izango da, ordu berean (18:30). Bertaratzen direnek ahate kurruskarizko baoa eta pulled pork baoa prestatu ahal izango dituzte, eta, horrez gain, ahosgaiak bereganatzen ari den ogi mota hau egiten ikasiko dute.