EU | ES

2024ko uztailaren 19a, ostirala

Hasiera       Web mapa          Kontaktua        Salaketen kanala

2024ko uztailaren 19a, ostirala
2024ko uztailaren 19a, ostirala

Parte-hartze arrakastatsua Bilboko hilerriak hartutako lehen bisita gidatuan

Ekainaren 9an Bilboko Hilerrira bisita gidatuen programa hasi zen, Bilbao Zerbitzuak-ek aurten antolatutako 2024ko agenda kulturalaren barruan kokatzen dena hilerria herritarrei hurbiltzeko asmoarekin.

Lehenengo bisitak hogei bat pertsona bildu zituen, eta gogobetetze-inkesten emaitzak aztertu ondoren, arrakasta izan zuela esan daiteke. Ordu eta erdi inguruz, hilobiek, mausoleoek eta panteoiek ezkutatzen dituzten istorioetan murgiltzeko aukera izan zuten bertaratutakoek. Gaia “Pertsonaia ospetsuak” zen, eta ibilbidean zehar kirolaren, politikaren, kulturaren edo industriaren munduko hainbat pertsonaia ospetsuren bizitza ezagutzeko aukera eman zen, gaur egun Bilboko Udal Hilerriko harresien artean bakean daudenak.

“Bisita-programa honen helburua hilerriak duen ondare garrantzitsuari balioa ematea da, kulturari, historiari, arteari, paisaiari eta hiletei dagokienez. Eta oraingoz erantzuna positiboa izaten ari da. Izan ere, uztaileko eta iraileko bisita antzeztuak ia beteta daude”, nabarmendu du Alvaro Pérez Bilboko Udaleko Osasun eta Kontsumo zinegotzi ordezkariak.

Hurrengo bisita gidatua, “Artea duen hilerria”, larunbat honetan, ekainaren 15ean, 12etan izango da, eta alde arkitektoniko, artistiko eta paisajistikoak izango ditu ardatz, kanposantuaren azken 120 urteetan bizi izandako bilakaera eta historia ikusteko.

Bilboko Udal Hilerriaren alderdi orokor guztiak ezagutu nahi dituztenentzat beste bisita gidatu bat egongo da ekainaren 23an. Bi orduz, esparru historiko honi laguntzen dioten historia, kultura eta kondairak balioetsiko dira. Eta 28an, “Gerra-gunea” ibilbidearen bitartez, XX. mendean Bilboren historia astindu duten gertaera mingarrienak gogoratuko dira.

Irudiak

Santimami Auzoa, 4. 48170 Zamudio. Bizkaia  944 231 019

Santimami Auzoa, 4. 48170 Zamudio. Bizkaia | 944 231 019

Santimami Auzoa, 4. 48170 Zamudio. Bizkaia | 944 231 019