Ehorzketa-unitate bat eskuratzea

Zer da?

Emakida-araubideko ehorzketa unitate bat eskuratzeak denbora-tarte batean titularrak espazio hori erabiltzeko eskubidea izango duela esan nahi du, gorpuzkiak, errautsak edo gorpuak lurperatzeko, unitate motaren arabera.

Nori dago zuzenduta?

- Edozein pertsona fisikoa.
- Administrazio bezala aitortutako erlijio-komunitateak, ongintza- edo ospitale-komunitateak, elkarteak, fundazioak eta irabazi-asmorik gabeko erakundeak, beraien kideek, asiloek edo harreran hartutakoek erabiltzeko.
Emakida-eskubidetik kanpo geratzen dira: merkataritza-erakundeak edo irabaziak dituztenak, bereziki aseguru-konpainiak edo antzekoak. Beren bazkideak ehorzteko eskubidea ziurta dezatela.

Zer da ehorzketa-unitate bat?

Gorpuak, gorpuzkiak edo errautsak gordetzeko behar bezala egokitutako toki bat, osasun-araudiak eta Bilboko Hilerrien Arautegiak adierazten duten denboran.

Zer motatako ehorzketa unitate eskuratu ahal dira Bilboko Udal Hilerrian?

- Kapera Handia
- Panteoi Handia
- 1. mailako panteoia.
- 2. mailako panteoia
- 3. mailako panteoia
- Hilobia
- Hormako errauts-kutxatila nitxoa
- Hezur-nitxoa (gorpuzkiak edo errautsak)
Aurrerago azaltzen diren unitate bakoitzaren ezaugarriak ikusi.

Ehorzketa unitateak saltzen edo alokatzen dira? Betirako dira edo denbora mugatu baterako?

Ehorzketa unitate bat ezin da ez erosi ezta alokatu ere. Administrazio-emakida baten bidez lortzen da, eta ez da betiko, epe mugatu baterako eskuratzen da.
Emakidak lurperatze-unitatearen espazioa erabiltzeko eskubidea ematen du soilik.

Zenbat denborarako eskura daitezke?

Ehorzketa unitatea	Emakidaren iraupena
Kapera Handia, Panteoi Handia, 1. mailako panteoia, 2. mailako panteoia, 3. mailako panteoia, Hilobia, Hormako errauts-kutxatila nitxoa	50 urte
Nicho osario	25 urte

Ehorzketa unitate bat epeka eskura daiteke?

Bai. Bilbao Zerbitzuak onartu du panteoiak eta hilobiak epeka ordaintzea.
Emakidak ordaintzeko epea 60 hilekoa izango da gehienez.
Adibidez:

Deskribapena	Prezioa	Kuota kop.	Hileko kuotaren zenbatekoa
1. mailako panteoia	18.000 €	48	404,41 €
1. mailako panteoia	18.000 €	60	329,47 €
2. mailako panteoia	15.000 €	48	337,01 €
2. mailako panteoia	15.000 €	60	274,56 €
3. mailako panteoia	12.000 €	48	269,61 €
3. mailako panteoia	12.000 €	60	219,65 €
Hilobia	9.000 €	48	202,21 €

Epeka ordaintzeak ondorengoa esan nahi du:
- Altxaera eskaera egiten den unean ordaindu beharko da.
- Banku-kontuaren zenbaki bat eman beharko da.
- Diruaren legezko interes-tasa aplikatuko zaio, urtero Estatuko Aurrekontu Orokorren Legean ezarritakoa, %25 gehituta. Interes tasa hori igotzen bada, adostutako prezioa aplikatzen jarraituko du Bilbao Zerbitzuak. Tasa gutxituz gero, murrizketa aplikatuko da interesdunaren mesedetan.
- Eskatzaileak finantzaketa-plana sinatu beharko du.
- Interesdunak ordainketa osoa behin egitea erabakitzen badu, interesak jada egindako ordainketen arabera birkalkulatuko dira, ordainketa osoa egin arte.
- Ondoz ondoko bi hileroko ordaintzen ez badira, lurperatze-unitatea udalaren titulartasunera igaroko da.

Zer eskubide du ehorzketa-unitate baten titularrak?

- Gorpuak, gorpuzkiak edo errautsak uzteko erabiltzeko eskubidea, emakida irauten duen bitartean.
- Ehorzteko eta ezkontza-ahaidetasunezko edo odolkidetasunezko 4. mailara arteko ahaideen ehorzketarako erabiltzeko eskubidea.
- Baita, salbuespenezko kasuetan, harreman berezia duten beste pertsona batzuk lurperatzeko ere.

Zer da panteoi bat eta zer koste du?

Ehorzketa-unitate bat da, hainbat hilkutxa hartzeko gaitasuna duena.
Lurpeko espazio bat du, apalekin (kripta), non hilkutxak uzten diren, eta kanpoko altxaera apaingarri bat dauka.
Hilkutxen ehorzketa kopurua unitateak duen apal kopuruaren araberakoa izango da.

Deskribapena	Apal kopurua	Kripta	Altxaera	Mantentze-lanen urteko tasa
Kapera Handia	18	€ 60.000	7.000 €	93 €
			12.000 €
Panteoi Handia	12	€ 40.000	5.000 €	93 €
			10.000 €
1. mailako panteoia	9	18.000 €	2.500 €	93 €
			7.000 €
2. mailako panteoia	6	15.000 €	1.500 €	47 €
			5.000 €
3. mailako panteoia	3	12.000 €	1.500 €	47 €

Altxaeren prezio-aldea kanpoko eraikuntza-motaren araberakoa da: altxaera arrunta edo altxaera eraikia.
Kripten prezioek ez dute BEZik, eta gainerako prezioei BEZaren % 21 gehitu behar zaie.

Zer da hilobi bat eta zer koste du?

Ehorzketa-unitate bat da, eta gehienez hiru hilkutxa har ditzake.
Lurpeko espazio bat du, apalik gabea (kripta), non hilkutxak uzten diren, eta kanpoko altxaera apaingarri bat dauka.

Deskribapena	Hilkutxa	Kripta	Altxaera	Mantentze-lanen urteko tasa
Hilobia	3	9.000 €	500 €	28 €

Kripten prezioek ez dute BEZik, eta gainerako prezioei BEZaren % 21 gehitu behar zaie.

Zer da hormako errauts-kutxatila nitxoa eta zer koste du?

Hilkutxa bat jartzeko gaitasuna duen horma batean dagoen lurperatze unitate bat da. Erabat eraikita eta marmolezko plaka batez itxita ematen da. Plaka horren gainean ezin dira apaingarriak jarri, inskripzioak bakarrik egin daitezke.

Deskribapena	Hilkutxa	Unitatea	Mantentze-lanen urteko tasa
Hormako errauts-kutxatila nitxoa	1	3.000 €	19 €

Ehorzketa-unitatearen prezioa BEZetik salbuetsita dago.
Tasaren prezioari BEZaren % 21 gehitu behar zaio

Zer da hezur-nitxo bat?

Hormako errauts-kutxatila nitxoen itxurako ehorzketa-unitatea da, baina txikiagoa, eta gorpuen hondarrak edo errautsezko kutxatilak hartzeko erabiltzen da.
Esleipena egiteko, ezinbestekoa izango da berehala lurperatzea eta lurperatu beharreko lehen pertsona Bilbon erroldatuta egotea.
Erabat eraikita eta marmolezko plaka batez itxita dago ematen da.
Plaka horren gainean ezin dira apaingarriak jarri, inskripzioak bakarrik egin daitezke.

Deskribapena	Unitatea	Mantentze-lanen urteko tasa
1. mailako hezurtegia	900 €	9,30 €
2. mailako hezurtegia	478,40 €	9,30 €

Ehorzketa-unitatearen prezioa BEZetik salbuetsita dago.
Tasaren prezioari BEZaren % 21 gehitu behar zaio

Non kontsultatu ditzaket prezio guztiak?

Bilboko Udalak urtero emakiden prezioak onartzen ditu, eta, azkenean, Ordenantza Fiskaletan jasotzen dira, besteak beste, honako hauek arautzen baitituzte:
- Kontzesioen bidezko aprobetxamendua udal-hilerrietan (18. ordenantza fiskala, J epigrafea)
- Hileta-zerbitzuak (17. ordenantza fiskala, E epigrafea).
Hemen kontsulta dezakezu Ordenantza:
www.bilbao.eus > Udala > Udal araudia > Ordenantzak > Ordenantza fiskalak eta prezio publikoak.

Nor arduratzen da bere kudeaketaz?

Harrera eta izapideak: Bilbao Zerbitzuak erakundeko Herritarren Arretako langileak.
Ebazpena: Bilbao Zerbitzuak erakundeko Zuzendaritza.

Kontaktuaren datuak

Hilerriak behar bezala kudeatu ahal izateko, titularrak informatuta eduki ahal izateko edo, behar izanez gero, harremanetan jartzeko, oso garrantzitsua da informazioa eguneratuta edukitzea.
Horregatik, edozein aldaketaren berri emateko eskatzen dizugu, ez bakarrik helbideari buruzkoa, baita harremanetarako baliabideei buruzkoa ere, hala nola telefono edo posta elektronikoa.
Horretarako, honako inprimakia erabil dezakezu.

Ez badut erantzunik jasotzen, ze ondorio ditu isiltasun administratiboak?

Kontrakoa. Lurperatze unitatea ez zaiola eman esan nahi du.

Nola tramitatu daiteke?

Internet bidez
Erregistro elektronikoa: https://bilbaozerbitzuak.bilbao.eus.
Gau eta egun.
Urteko egun guztietan.
Frogagiri elektronikoa egiten da berehala.

Bulegoan
Bilbao Zerbitzuaken bulegoak: Santimami auzoa, 4. 48170 Zamudio.
Astelehenetik ostiralera: 8etatik 14etara.
Ekaina, uztaila, abuztua eta irailean: 8etatik 13etara.
Frogagiria berehala ematen da, eskaera bere zenbakiarekin erregistratu ondoren.

Posta arruntez edo mezulari bidez
Bilbao Zerbitzuak:
Santimami auzoa, 4. 48170 Zamudio.
Bilbao Zerbitzuakeko Administrazioak jasotzen du.
Astelehenetik ostiralera: 8etatik 13etara.
Posta arruntez: frogagiria postaz bidaltzen da, jaso izanaren adierazpenik gabe.
Mezulari bidez: frogagiria berehala ematen da, eskaera erregistratu ondoren.

Aurretik telefonoz kontsulta eginez
944 231 019
Astelehenetik ostiralera: 8etatik 14etara.
Ekaina, uztaila, abuztua eta irailean: 8etatik 13etara.

Erantzuteko epeak betetzeko

Eskabidea osoa bada, epeak Bilbao Zerbitzuak erakundean aurkeztu eta erregistratzen denetik aurrera izango dira.
15 egun balioduneko epean jakinaraztera konprometitzen gara da (larunbat, igande eta jaiegunetan kenduta).
Izapideak egiteko behar den azken dokumentua jasotzen den unean epeak hasten dira.

Zerbitzuari buruzko kontsultak, kexak edo iradokizunak egiteko

- Udal postontzia. "Zure Udalak entzuten zaitu"
- Bilbao Zerbitzuak erakundea: formularioa bete jakinarazpenaren arrazoia adieraziz https://bilbaozerbitzuak.bilbao.eus orrialdean.

Tramitazio presentziala

Eskabidea

Tramitazio elektronikoa

e-tramitatu