EU | ES

2023ko maiatzaren 28a, igandea

Hasiera       Web mapa          Kontaktua        Irisgarritasuna

2023ko maiatzaren 28a, igandea
2023ko maiatzaren 28a, igandea

Sukaldaritza ikastaro berriak Erriberako Merkatuan, sasoiko produktuei ahalik eta etekinik handiena ateratzeko

Apirilean, Bilboko Ostalaritza Goi Eskolak (ESHBI) ikastaro berriak eskainiko ditu Erriberako Merkatuan dagoen Sukaldaritza Eskolan, oraingo honetan uda aurreko hilabeteetako produktu tipikoei, orburuari, zainzuriei edo legatzari, besteak beste, ahalik eta etekinik handiena ateratzeko.

Urteko sasoiaren arabera, Erriberako Merkatuko postuek produktu batzuk edo besteak eskaintzen dituzte; horregatik, Sukaldaritza Eskolak ematen dituen ikastaroak aukera paregabea dira errezeta berriak ezagutzeko eta ondoren erabiliko diren trikimailuak ikasteko.

Apirilean, Mikel Escudero ESHBIko sukaldariak Bilboko Udal Merkatuetako postuetako sasoiko produktuak erabiliko dituen sukaldaritza ikastaroa emango du. Ikastaroa hiru klasetan banatuko da, apirilaren 12, 19 eta 26an, 18:30ean.

Lehenengo saioan, bertaratzen direnek plater hauek egiten ikasiko dute: orburuak iberikoz eta ahuntz-gaztaz egindako kremarekin, eta zainzuri zuriak babekin eta txerri-kokospearekin. Bigarren saiorako, chefak, batetik, gari-zainzuri, perretxiko eta barazki salteatua eta bestetik, sepia baratxuriarekin patata-aparrarekin prestatzen ikasteko tailerra prestatu du. Ikastaroei amaiera emateko, apirilaren 26an, ilar kremarekin betetako legatza eta atun gorri tatakia prestatzeko piztuko dira Sukaldaritza Eskolako sutegiak.

Irudiak

Santimami Auzoa, 4. 48170 Zamudio. Bizkaia  944 231 019

Santimami Auzoa, 4. 48170 Zamudio. Bizkaia | 944 231 019

Santimami Auzoa, 4. 48170 Zamudio. Bizkaia | 944 231 019