EU | ES

2024ko otsailaren 23a, ostirala

Hasiera       Web mapa          Kontaktua        Salaketen kanala

2024ko otsailaren 23a, ostirala
2024ko otsailaren 23a, ostirala

Urriko ostiral eta larunbatak askotariko sukaldaritzari eskainiko zaizkio Erriberako Merkatuan

Bilboko Ostalaritza Goi Eskolak (ESHBI) sukaldean izango ditu bilbotarrak urriko ostiral eta larunbatetan, tailer gastronomiko ugari eskainiz. “Asteburuetan, beti izaten dugu denbora libre gehiago, eta une aproposa da ESHBIk proposatzen dizkigun ikastaroez patxadaz gozatzeko. Oraingo honetan askotariko sukaldaritzakoak izango dira, errezeta eta teknika sorta zabala bilduz, eta, gainera, familian parte hartzea sustatuz”, adierazi du Álvaro Pérez Alonso Bilboko Udaleko Osasun eta Kontsumo Arloko zinegotzi ordezkariak.

Gastronomia begetarianoa maite duten guztientzat, Erriberako Merkatuko Sukaldaritza Eskolak errezeta gozoak modu praktikoan eta errazean prestatzen ikasteko ikastaroa jasoko du. Ostiral honetan, urriaren 6a, Mikel Escudero ESHBIko sukaldariak bere ezagutzak partekatu ditu bi plater begetariano prestatzeko: alberjinia currya eta brokoli, babarrun eta edamame entsalada lima eta kokoarekin.

Italiako sukaldaritza gustuko dutenentzat, urriaren 14an, larunbata, risotto ikastaroa izango da, 11:00etatik 13:00etara. Benetako risottoak prestatzen ikasiko da, eta testura krematsu eta zaporetsu hori lortzeko huts egiten ez duten teknikak ezagutuko dira. Ikastaro horretan risottoa milanesa erara eta perretxikoekin prestatuko dira.

Eta postrerako beti tartea uzten dutenentzat, urriaren 20an, ostirala, 18:30etik 20:30era, gazta-tarta gozoak egiteko piztuko dira suak. Gozogintzako ikastaro praktiko horrek gazta tarta klasikoa hotza zein labean egindako gazta tarta goxoa prestatzen irakatsiko du. Gainera, familiako sukaldaritza-esperientzia baten bila dabiltzanentzat, urriaren 21ean, larunbata, 11etatik 13etara, familiari zuzendutako sukaldaritza ikastaro berezian gazta-tartek protagonista izaten jarraituko dute.

Azkenik, baina ez garrantzi gutxiagorekin, euskal sukaldaritzak ere bere ikastaroa izango du urriaren 13an, ostirala, 18:30etik 20:30era, bakailaoa pil pilean eta bakailaoa bizkaitar erara prestatzeko errezeta ikonikoekin.

Sukaldaritza ikastaroak Erriberako Merkatuan

Irudiak

Santimami Auzoa, 4. 48170 Zamudio. Bizkaia  944 231 019

Santimami Auzoa, 4. 48170 Zamudio. Bizkaia | 944 231 019

Santimami Auzoa, 4. 48170 Zamudio. Bizkaia | 944 231 019