Egoitza elektronikoaren bidez gestio bat egiterakoan, egoitzak hura egin den data eta ordua markatzen ditu.

Data eta ordu horiek izango dira baliodunak, eta ez kudeaketa egiten duen ordenagailuarenak.

Espainiako Armadaren Errege Behatokia izango da data eta ordu ofizialak markatzen dituena.

Bilbao Zerbitzuak erakundearen egoitza elektronikoa zerbitzu honekin lotuta dago. Horregatik ordu bera markatzen dute.

Administrazioaren aktibitatea epeetan neurtzen da.

Epe horiek urteetan, hilabeteetan edo egunetan neurtu ahal dira.

Oso ohikoa da epeak egun baliodunetan ezartzea. Kasu horretan, egun baliogabeak zeintzuk diren jakin behar dugu, hau da, zeintzuk EZ diren kontatzen.

Orokorrean, egun baliogabeak larunbatak, igandeak eta jaiegunak dira.

Aitzitik, epea egun naturaletan ezartzen bada, egutegiaren egun guztiak kontatuko ditugu jarraian, egunik kendu gabe.

Pertsona batek egun baliogabe batean kudeaketa bat egiten duenean, hurrengo egun balioduneko lehen ordua izango da agertuko diren eta kontuan hartuko diren eguna eta ordua.

Kasu batzuetan, arau batzuek ahalbidetzen dute egun baliogabeak kudeaketa jakin baten aurkezpen-datatzat hartzea.

Kasu horietan, araudian kudeaketa hori egun baliogabe batean egin daitekeela ezarriko da.