Maiatzaren 3an Bilbok jada ez dauden amak gogoraraziko ditu hilerriak hartuko duen poesia errezitaldi klasikoarekin

Bilbao Zerbitzuak-ek bake eta lasaitasun giroa eskainiko die berriro familiei ohiko poesia errezitaldiarekin. Oraingoan ere, Bizkaiko Elkarte Artistikoak eta LauKote emakume abesbatzak parte hartuko dute

Maiatzeko lehen igandean, ohikoa denez, Bilbao Zerbitzuak-ek omenaldia egingo die berriz ere gurekin ez dauden amei, emakumez osaturiko poesia errezitaldi berri batekin. Errezitaldia Udal Hilerriko kaperan izango da, hilaren 3an, 12etan, eta bake eta lasaitasun giroa eskainiko die familiei, baita maite dituzten pertsonen berotasun eta maitasunak babestuta sentitzeko gune bat ere.

Errezitaldia Bizkaiko Elkarte Artistikoak eskainiko du 15 poesia abestuz. Oraingoan, rapsodekin batera, LauKote emakumezko abesbatzako emakumeen ahotsak izango dira ere, 5 musika-piezarekin.

Aurreko urteetan bezala, ekitaldia amaitzean, 100 bitxilore bouquet edo sorta banatuko zaizkie bertaratutakoei, izakinak agortu arte.

Mugarri kultural gehiago hilerrian

Aurtengo kultur programazioak mugarri garrantzitsu gehiago izango ditu, hala nola pistetan eta enigmetan oinarritutako esperientzia interaktibo berria, bisita gidatu eta antzeztuen ziklo berria, film laburren lehiaketa, aire zabaleko pintura lehiaketa, saxofoi eta piano kontzertua edo Santu Guztien jaiaren ospakizuna, besteak beste.