Azaro honetan Erriberako Merkatuko Sukaldaritza Eskolako sutegietara batzea erabakitzen duten pertsonen erronka mahaikideak harritzea izango da. Oraingo honetan, eta aprobetxatuz gabonak bueltan direla, parte-hartzaileek hainbat ikastaro izango dituzte, Koreako sukaldaritzatik hasita. Asiako gastronomiaren munduan sartu nahi dutenek eskolara joan ahal izango dira hilaren 4an eta 11n.

Halaber, sukaldaritza osasungarria maite dutenentzat beste prestakuntza bat egongo da hilaren 13an, eta barazkijaleentzat ere bai, baina 29an, 11etan.

Itsasoko produktuek eta ehizako haragiak ere hartuko dituzte ESHBIko sutegiak: euskal legatz tradizionalaren ikastaro batekin, hilaren 22an (11 o), eta basurde eta orein haragiaren beste formakuntza batekin, 27an. Jaki begetarianoen ikastaroa eta legatzaren errezetak izan ezik, gainerako ikastaroak 18:30ean emango dira.

Vietnamgo eta Japoniako sukaldaritza protagonista izango da hil honetan Erriberako Merkatuko Sukaldaritza Eskolan. Asiako gastronomiaren munduan murgildu nahi dutenek gyozak, atun gorriaren tartarra, oilaskozko udona, miso zopa eta beste hainbat errezeta ikasi ahal izango dituzte urriko asteazkenetan (8, 15, 22 eta 29) emango den Japoniako sukaldaritza ikastaroan. Horrez gain, Vietnamgo errezeta berriak ikasi nahi dituztenek ere; Bún chere platera edo Vietnamgo roltxo ikonikoak (freskoak eta frijituak), beste ikastaro bat izango dute urriaren 23an.

Halaber, hilaren azken egunean, urriaren 31n, zezen-buztanari buruzko ikastaro bat egingo da, errezeta klasikoa elaborazio original eta moderno bihurtzeko. Prestakuntza guztiak 18:30ean izango dira.

Tokiko merkataritzari balioa ematea, hurbileko produktuen kontsumoa sustatzea eta Bilboko sei udal-merkatuek gizarte- eta kultura-topagune gisa duten zeregina indartzea izan da beti Bilbao Zerbitzuak-ek jarraitu duen ibilbide-orria. Sustapen- eta balio-lan horrek bultzatuta, Bilboko sei merkatuak (Erribera, Deustu, Zabalgunea, Labayru, Otxarkoaga eta Trauko) indartzeko eta protagonismoa emateko komunikazio-kanpaina bat kontratatzea onartu da.

Ekimena, Merkatuen Plan Estrategikoaren eta 2023 – 2027 Agintaldi Planaren barruan kokatua, urteko azken hiruhilekoan garatuko da, kalean dinamizatzeko ekintzekin ere. Kanpaina honen bidez, 91.597 euroko aurrekontuarekin, tokiko merkataritza lehiakorragoa eta berritzaileagoa egin nahi da, merkatuak herritarren erreferentziazko eta konfiantzazko gune gisa kokatuz. Parte hartu nahi duten enpresek urriaren 17ra arte izango dute eskatutako dokumentazio guztia aurkezteko. Nolanahi ere, lizitazioari buruzko informazio guztia eskuragarri dago Bilbao Zerbitzuen webgunearen kontratatzailearen profilan.

«Apustua argia da: udal-merkatuen sarea modernizatzea eta indartzea, azalera handien eta online merkataritzaren aurrean alternatiba iraunkor eta hurbil gisa», azpimarratu du Bilboko Udaleko Osasun eta Kontsumo Arloko zinegotzi delegatu Álvaro Pérez Alonsok.

Era berean, proiektua bat dator Bilboko Balioen Gutuna eta Garapen Jasangarrirako Helburuak (GJH) osatzen dituzten gizarte-justiziaren, ingurumen-jasangarritasunaren, konpromisoaren eta osasunaren balioekin.

Open House Bilbao Jaialdiaren edizio berriak, arkitekturaren ate irekien jaialdi handiena, berriro deskubritutzen du hiria irailaren 29tik eta urriaren 5era arte, «Zentzumenen hiria» lelopean. Oraingo honetan ere, Erriberako Merkatuko eraikin enblematikoa bisitaldiak barne hartzen dituen lekuetako bat izango da, zehazki urriaren 5ean, 10etatik 19etara.

OPEN guneetara egiten diren bisita guztiak bezala, Erriberako Merkatukoa guztiz doakoa izango da, eta eta ez du izena eman beharrik izango. Taldeka egingo dira, iriste ordenaren arabera, ilara zainduz, eta aurretik merkatua sakon aztertu eta bisitatu duten boluntarioek gidatuko dute.

«Jaialdi honek gure hiriari eta inguruari buruz gehiago jakin nahi izatera bultzatzen gaitu. Erriberako Merkatua bisitatzea aukera bikaina da auzokideek eta bisitariek hiria arkitekturaren eta hirigintzaren bidez berraurkitzeko», adierazi du Alvaro Pérez Alonso Bilboko Udaleko Osasun eta Kontsumo Arloko zinegotzi ordezkariak.

Bilboko Udal Merkatuek, hirian diharduten seiek (Erribera, Zabalgunea, Deustu, Labayru, Otxarkoaga eta Trauko), gaurtik aurrera neguko ordutegia berreskuratuko dute, bilbotarren eta bisitarien ohiturei egokituz.

Bilboko Udal Merkatuen ordutegiak hauek dira:

Hil honetan Erriberako Merkatuko Sukaldaritza Eskolak hainbat ikastaro eskainiko ditu errezeta ezberdin eta goxoekin jendea erakartzen arrakasta izateko. Itsasoko produktuei dagokienez, gaur eta datorren ostegunean, hilak 11, sushi ikastaro bat izango da; larunbat honetan, hilak 6, atuna eta izokina marinatzen ikasi nahi dutenentzako prestakuntza emango da; eta 19an bakailaoa bizkaitar erara eta bakailaoa pil pilean egiteko errezetarik onenak partekatuko dira.

Japoniako shoyu ramen eta ramen de miso errezeta tipikoak ere irail honetan egingo dira (irailak 5), baita neguko hotzari aurre egiteko Asiako zopa-errezeta goxoak ere (irailak 12).

Irailaren 10ean eta 17an, asteazkenetan, sukaldaritza mexikarra izango da protagonista sutegietan; eta 25ean, Peruko sukaldaritzaren sekreturik onenak azalduko dira. Horrez gain, apar eta sifoi ikastaro bat izango da 24an, eta 25ean bao ogiak sukaldatzeko beste bat.

Ikastaro guztiak 18:30etik aurrera izango dira. «Ikasturte berria gure mahaiak beteko dituzten zapore eta usain berriekin hastea baino gauza hoberik ez dago», animatu du Alvaro Perez Bilboko Udaleko Osasun eta Kontsumo zinegotziak.

Uda honetan mahaia kolorez eta zaporez bete nahi dutenek oraindik aukera dute Erriberako Merkatuko eskolako sukaldaritza ikastaroetan izena emateko. Izan ere, uztailaren 8an eta 15ean, bertaratutakoek udako hainbat errezeta prestatuko dituzte, hala nola sukalkiz betetako tomateak mihilu-purearekin, barazki kurruskarien erroilu vietnamdarrak edo hegaluzea tipularekin.

Halaber, itsasoa maite dutenek uztailaren 12an eta 17an bakailaoaren eta legatzaren errezeta tradizionalak prestatuko dituzte, hurrenez hurren. Eta 16an ikastaro bat eskainiko da itsasoko eta lurreko platerekin: sukalkia eta marmitakoa.

Ikastaro guztiak 18:30ean izango dira.

Udako errezetak Erriberako Merkatuko sukaldaritza eskolan daude jada, non hamar bat prestakuntza eskainiko diren ekainaren 28tik uztailaren 17ra arte. Lehenengo jardunaldia txipiroiak izango ditu protagonista, itsas zaleentzat. Nolanahi ere, arraina maite dutenentzat bestelako formakuntzak egongo dira ere; zehazki, uztailaren 12an eta 17an, bakailao eta legatz errezeta tradizionalak prestatuko dira, hurrenez hurren. Halaber, uztailaren 16an itsasoko eta lurreko platerei buruzko ikastaroa eskainiko da, sukalkia eta marmitakoa, hain zuzen ere.

Tokiko produktuei txinparta ateratzen dieten sasoiko errezeta berriak prestatzen ikasi nahi dutenentzat beste formakuntza bat egongo da uztailaren 8an eta 15ean, eta beste bat hilaren 5ean, familiei zuzenduta.

Uztailaren 2an kroketak izango dira sukaldaritza-eskolako sutegietako protagonistak, baina Asiako sukaldaritzak ere bere lekua izango du uztailaren 4an eta 11n, hurrenez hurren, ogi bao eta arroz-asiarrei buruzko ikastaroekin.

Goxoak gustuko dituztenentzat ere gazta tarta ikastaroa izango da uztailaren 3an. Prestakuntza guztiak 18:30ean izango dira, familia-jarduera izan ezik, 11etan izango baita.

Ekainaren 15ean, igandea, Bilboko hainbat Udal Merkatuk ordutegiak aldatuko dituzte irailaren 15era arte, biak barne, uda garaian erosketak egitea errazteko.

Ordutegia mantenduko duten udal-merkatuak Zabalgunea edo Traukoa izango dira. Deustukoa adibidez, egun horretatik aurrera 8etatik 14etara irekiko da astelehenetik larunbatera eta uztaileko ostiraletan 17etatik 19:30era. Otxarkoagakoa ere 8etatik 14etara irekiko da astelehenetik larunbatera eta 17etatik 19:30era ostiral eta jai bezperetan. Labayrukoak berriz, 9etatik 14etara emango du zerbitzua astelehenetik larunbatera eta 17etatik 20etara ostiral arratsaldeetan. Abuztuan zerbitzua hiru merkatuetan murriztuko da, Deustukoan eta Otxarkoagan ostiral arratsaldeetan itxita egongo da eta Labayrun zuzenean ez da arratsaldeko zerbitzurik egongo.

Erriberako azoka, bestalde, 8etatik 14:30era egongo da irekita astelehenetik ostegunera, 8etatik 14:30era eta 17etatik 20etara ostiral eta jai-bezperetan, eta 8etatik 15etara larunbatetan.

Maiatzaren bigarren hamabostaldian Erriberako Merkatuko Sukaldaritza Eskolako sukaldeek Mexikoko janarian, garagardoetan eta tartar on baten elaborazioan jarriko dute arreta. Gauzak horrela, Mexikoko gastronomian murgildu nahi dutenek aukera izango dute bihar arratsaldeko 18:30etatik aurrera. Eta asteazkenean garagardozaleek uztartzearen munduan murgiltzeko aukera izango dute, 18:30etatik aurrera.

Udaberriko hil honetan ere, 30ean zehazki, izokin eta atun gorriari buruzko tartar ikastaro batekin itxiko da. Prestakuntza ere 18:30etatik aurrera izango da.