14.mendean, Herri Gutunak Bilbon asteko merkatu bat egiteko eskubidea eman zuen.
Merkatu hau gaur egun Erriberako Merkatu handia eta modernoa dagoen lekuan zegoen.

Merkatuaren lekua ez da aldatu, baina hiriaren espazioak asko eraldatu dira.
14.mendean, leku honetan hiribilduko lehenengo plaza zegoen.
Plazaren inguruan zenbait eraikin enblematiko zeuden, hala nola Udaletxe zaharra, zubi zaharra eta San Anton Eliza.
Zubiak eta Elizak hiribilduaren ezkutua osatzen dute.

Postuak teilape batek estaltzen zituen.
Teilape hau 18. mendean amaieran desagertzen da eraikin egonkorrago bat eraikitzean.

Garai honetan, Europan teknika eta material berriak agertzen dira eta merkatu estaliak zabaltzen dira.
Honek hiru nabe dituen burdinaz eta kristalez egindako egitura bat eraikitzea eragiten du.
Horrek guztiak 19. mendeko gizarte industrialaren behar berriak betetzen zituen.

Hiribilduan merkatu gehiago zeuden.
Ezkerraldeko hertzean antzeko merkatu bat eraiki zen, eremu horretan hiria asko hazi baitzen.

Garai honetan Bilbo asko eraldatzen eta hazten zegoen.
Horregatik, San Antoneko zubia eta Udaletxe Zaharra eraitsi ziren.

Garai honetan aldatzeko lehenengo proposamenak egin ziren.
1927an Pedro Ispizua arkitektoak bere lehenengo diseinua aurkeztu zuen.
Diseinu hori aldatu egingo da eraikina egiten den bitartean.

Aldaketa horietako batzuk oso garrantzitsuak izan ziren, hala nola eraikinean beste solairu bat jartzea.
Lehen aurrekontua milioi eta erdi pezeta baino gehiagokoa zen.
Azkenean asko gehiago izan zen arkitektoak egin zituen aldaketengatik.

Arkitektoak 134 metroko oinplano ia angeluzuzeneko eraikin bat proposatu zuen.
Bi solairutan antolatuta zegoen:

Beheko solairua haragi eta arrainentzat zen, eta solairu osoa garbitu zitekeen.
Goiko solairua gainerako salgaietarako bideratuta zegoen.
Arkitektura lan garrantzitsuagoa zuen, argia zentsu eta albo puntu batetik sartzen baita.
Izan ere, erdiko zati bat salmenta-postuek dituzten gainerako espazioak baino altuagoa zen.

Sarrera nagusia harmailadi nagusi bat zuen, kupula oktogonal batean amaitzen zena.
Kupula hau absideekin apaindutako 8 dorrerekin markoztatuta zegoen eta sarerako eskailerak ere bazituzten.

Inaugurazioa 1929ko abuztuaren 22an egin zen, Aste Nagusian, eta Miguel Primo de Rivera bertaratu zen.

Merkatuak handizkariei zerbitzua eskaintzeari utzi zion.
Orduan jendearen zerbitzura dagoen benetako merkatua bihurtzen da.

Hirigune historikoa izaera nazionaleko Multzo Historiko Artistiko izendatu zen azaroaren 9ko 3290/1972 Dekretuaren bidez (1972/10/28ko EHAAn).

Garai honetan uholdeak egon ziren eta merkatua larri hondatuta geratu zen.
Martin Peña Páramo udal arkitektoak Erriberako pasabidetik gertu dagoen absidea birmoldatu zuen.

Hurrengo urteetan zehar 2. solairua hustu egin zen merkatu tradizionalaren ereduan eragina izan zuen krisi larri batengatik.
Ekintza batzuk egiteko erabiltzen zen soilik.

1990.urtean Erriberako Merkatua Guinness liburuan sartu zen Europako hornikuntza-merkatu estali handiena bezala.
10.000 metro karratu zituen eta Europako gainerako merkatuak baino postu eta merkatari gehiago zituen.

1995ean, Eusko Jaurlaritzak abenduaren 29ko (1996/01/16ko EHAAn) 1995/543 Dekretua onartu zuen.
Horrela, Erriberako Merkatua monumentu-multzo gisa kalifikatutako Hirigune Historikoaren kultura-ondasun deklarazioari atxiki zitzaion.

Euroestudios enpresak ikerketa bat egin zuen egitura segurua ote zen jakiteko.
Merkatua birmoldatzeko posibilitatea aztertu zuen.
Ikerketa horrek egiturak inolako patologiarik ez zuela ebatzi zuen.

2003an zehar, Udalak eta merkatariek merkatua birmoldatzeko eta modernizatzeko prozesua hasi zuten.
Birgaitze-proiektu bat egin zen.

2008ko maiatzean, Udalak merkatuaren kudeaketa zuzena hartu zuen bere gain.
Labein ingeniaritzak eraikinaren beste azterketa bat egin zuen.
Azterketaren arabera, hormigoizko egitura ez zen segurua.

2009ko uztailean, San Antoneko eremuan obrak hasi ziren.
Lehenengo fasean merkatua eraisten da eta gero berreraikitzen da.
Arkitektoa Emilio Puertas izan zen.
8 dorreak eta Mesedeetako absidea baino ez zituen utzi.
Baina azkenean, absidea ere eraitsi zen Mesedeetako eta merkatuaren arteko eremua handitzeko.

2010ean, Udalak San Antongo absidearen babesa kentzeko espedientea izapidetzeko eskatu zuen.
2010eko urriaren 14ko ebazpenean egin zen ofiziala (2010/11/9ko EHAA).

2013an zehar, Erriberako Merkatuak bere ateak berriz ireki zituen.
Merkatu berriak abangoardia eta tradizioa batzen ditu.
Material berriek, Ispizuaren antzinako formek eta koloreek Bilboko hiribilduaren izaera nabarmentzen dute, iragana ahaztu gabe etorkizunari begiratuz.