“Bilbao Zerbitzuak erakundearen barne-funtzionamendurako jarraibideak kontratazioaren arloan” erakundearen Administrazio Kontseiluak onartu zituen gobernu-organo horrek 2018ko ekainaren 15ean egindako bilkuran.

 “Bilbao Zerbitzuak erakundearen barne-funtzionamendurako jarraibideak kontratazioaren arloan” erakundearen Administrazio Kontseiluak onartu zituen gobernu-organo horrek 2018ko ekainaren 15ean egindako bilkuran.

Aipatutako jarraibideetako 3. kapituluak Kontratazio Mahaia kide anitzeko organo gisa eratzeko beharra jasotzen du, eta kontratazio-organoari lagunduko dio Erakundeak egiten dituen kontratuen esleipenean, prozedura ireki, arrunt eta sinplifikatuetan, elkarrizketa lehiakorrean, lizitazio negoziatuan eta berrikuntzarako elkartzean.

Sumarioko prozedura ireki sinplifikatuaren bidez izapidetutako kontratuetan, kontratu txikietan eta publizitaterik gabeko prozedura negoziatuetan ez da nahitaezkoa izango kontratazio-mahaiaren laguntza.

Bilbao Zerbitzuak erakundearen estatutuen 10.2 f) eta g) artikuluetan ezarritakoarekin bat etorriz, Lehendakaritzari dagokio Administrazio Kontseiluari proposatzea zer erabaki hartu behar dituen, eta, bereziki, erakundearen antolaketa-egitura; beraz, 2019ko maiatzaren 26an egindako toki-hauteskundeetatik sortutako korporazio berria eratzearen ondorioz, Administrazio Kontseiluak 2019ko urriaren 8an egindako bilkuran Bilboko Kontratazio Mahaiaren osaera onartu du, aldeko 8 botorekin, kontrako 0rekin eta 2 abstentziorekin.

• • Lehendakaria:
  • Yolanda Díez Saiz, Bilbao Zerbitzuak erakundeko presidentea, titular gisa.
  • Jon Bilbao Urquijo, Bilbao Zerbitzuak erakundeko presidenteordea, ordezko gisa.
  • Batzordekideak:

Gerentziaren ordezkari gisa:

• • José Antonio Fernández Celada, Zuzendari kudeatzailea, titular gisa.
  • Adriana Mª Soga Guinea, Aholkulari juridikoa, ordezko gisa.

Erakundearen ekonomia- eta finantza-arloko kontrol-funtzioa dutenen ordezkari gisa

• • Javier León López, Zerbitzu Ekonomikoetako burua, titular gisa.
  • Ana María Barrutia Gastaca, Administratiboa, ordezko gisa.

Erakundearen aholkularitza teknikoaren eginkizuna dutenen ordezkari gisa

• • Xabier Begoña Ellacuria, Zerbitzu Tekniko Anitzeko burua, titular gisa.
  • María Jesús Menica Bengoetxea, Administratiboa, ordezko gisa.
  • Idazkaritza:
  • Marina Lizarralde Palacios, Bilboko Udaleko Osasun eta Kontsumo Arloko Administrazio zuzendariorde juridikoa, titular gisa.
  • Javier Victoria de Lecea Echebarria, Bilboko Udaleko Osasun eta Kontsumo Arloko Idazkaritza Teknikoaren azpiarloko burua, ordezko gisa.

Era berean, udal-ordezkaritza duten talde politikoetako ordezkariak Kontratazio Mahaira joan ahal izango dira, hitzarekin baina botorik gabe, udal-gobernua sostengatzen ez duten udal-talde politiko bakoitzeko ordezkari baten parte-hartzearen bidez, arlo horretako kontrol- eta fiskalizazio-funtzioak errazteko.

MGZ sustatzailea Erribera Merkatua aukeratu du, bihar Bilbao Arenan egingo den topaketaren pisaketa ofiziala egiteko lekua

MGZ sustatzailea Erribera Merkatua aukeratu du, bihar Bilbao Arenan egingo den topaketaren pisaketa ofiziala egiteko lekua. Biharko borroka Kerman Lejarragaren eta David Avanseyanen artean izango da, irabazlea wélter pisuaren Europako Txapelketaren garailea izango da.

Pisuari dagokionez, ez dira inolako sorpresarik egon, biak behar den pisua bete dute, hau da, 66,700kilo baino gehiago ezin dute pisatu. Kasu honetan, Kermanek 66,500 pisatu du eta bere aurkaria, Avanseyanek, bera baino 100 gramo gutxiago.

Kermanek izugarrizko arrakasta du gazteen artean eta bere alboan beti jarraitzaile pila bat izaten ditu. Nola ez, ekitaldi garrantzitsu honetan ez dira jarraitzaileak falta izan. Hauek uneoro egon dira Kerman animatzen, ondorengo oihuekin, “Let´s go Kerman”; “jo ta ke irabazi arte” eta “300”pelikularen garrasi klasikoarekin. Baina jarraitze onak direnez, aurkaria, hau da, Avenesyan, ez dute gutxietsi eta behar izan denean txaloz murgildu dute.

Azken urteotan Bilboko hilerria hainbat berriztapen egin ditu bertan dauden estatuetan eta hilarrietan.

 Azken urteotan Bilboko hilerrian, hainbat berriztapen lan egin ditu, estatuetan, hilarrietan eta monumentuetan. Izan ere, denbora pasa ahala bere lilura galdetzen dute.

Esku Hartzeko Planan kontratatutako lau pertsonek garbiketa lanak, finkatze eta berriztapen lanetan egon dira, hain zuzen ere, Bilboko hilerriko panteoiak lantzen. Hala nola, kripta, umeen zirkuko panteoia, Oiz Mendiko panteoia, Casilda Iturrizar Andrearen panteoia…

Lanen helburu nagusia piezek higadurarekiko eta eragile klimatologikoekiko esposizioaren ondorioak ekiditea edo zuzentzea izan dira, izan ere, eguraldia dela eta, askotan, pieza horiek jatorrizko itxura galtzen baitute. Horretarako, kasu guztietan eskulturen eta artelanen azaleko garbiketa egin da, haien narriadura geldiarazteko, baina denboran zehar sortutako “patina” galtzeko bezain zehatza izan gabe.

Eskulturak eta artelanak garbitu ondoren, junturak garbitu dira eta silizezko hondarra duen karezko mortero bat aplikatu da. Horri kolore mineral bat gehitu zaio, esku hartzen den eskulturarekin edo arkitektura-multzoarekin harmonizatzen dena.

Proiektu hau behar bezala burutzeko, UPV/EHUko irakasle eta ikertzaile baten laguntza izan dugu. Hark Bilboko Hilerriko panteoiak, eskultura-piezak eta apaindura-elementuak Esku Hartzeko Planaren diseinua gainbegiratu du, eta prozesu osoan kultura-ondasunak zaharberritzen dituzten lau pertsonei lagundu die, astero 20 bisita eginez, programatutako zaharberritze- eta kontserbazio-lanei buruz aholkatzeko.

Azken urteotan Bilboko hilerriaren lorategian hainbat hobekuntza egin dira.

Azken urteotan Bilboko hilerria hainbat hobekuntza egin ditu, hala nola, lorategiak, eskuragarritasuna, argiztapena… Modu honetan, hiritar guztiak hilerriak eskaintzen dituen instalazioaz gozatu ahal izateko inolako arazo barik.

Hilerriaren helburu nagusia, hilerriko fauna eta flora hobetzea da, izan ere, modu honetan, hiritarrak gune eroso batez gozatzeko aukera izango dute. Honako hau lortzeko ondoren azalduko diren aldaketak egin dira.

Lehenik eta behin, 4 palmondoren inausketa eta mantendua egin da. Hau da, adar lehorrak, sasiak eta landare-hondarrak kendu dira hazten dauden adar osasuntsuak aurkitu arte. Bigarrenik, Bilboko hilerria inguratzen duten horma guztien landareen garbiketa egin da. Hirugarrenik, hilerriko sarrera nagusian era askotako zuhaixken landaketa egin da. Ondoren, errausketa-labera sarbidean landare eta zuhaixka usaintsuak landatu dira inguru atseginago bat egiteko.

Aipatutako aldaketaz gain, beste hainbat egin dira. Hala nola, tamaina handiko zuhaitzen ordezkapena beste zuhaixka espezie batzuengatik, txikiagoak, aireko zirkulazioan arazorik ez eragiteko. Hilerriko sarreraren aurreko zuhaitzen ordezkapena landare eta zuhaixkagatik. Horrela sartzean, kapera eta klaustroa hobeto ikusten dira. Soropil eta zuhaixken landaketa Oiz Mendiaren tragediaren oroimenaren monumentuari garrantzia emateko. Bulegoa aurreko plaza berrian lorategi txiki baten sorrera. Azkenik, adakera eta inausketa hondar guztien birrinketa eta konpost-egiteko gunearen lekualdaketa.

Juan Mari Aburtok, Juan Carlos Anduezak eta Miguel Moradok ONCEren kupoi berezia aurkeztu dute, Erriberako Merkatuaren 90. urteurrena dela eta.

Juan Mari Aburto Bilboko Alkateak, Juan Carlos Andueza ONCEren Euskadiko Lurralde Ordezkariarekin eta Miguel Morado ONCEren Euskadi eta Kantabriako Joku-Buruarekin batera, ONCEk zapatu honetan, abuztuak 24, Erriberako Merkatuaren 90.urteurrenari eskainiko dion kupoi berezia aurkezteko ekitaldian parte hartu du gaur goizean Udaletxeko Arabiar Aretoan.

Bost milioi eta erdi aleko zabalkundea duela, ONCEren zapatu honetako kupoiak Erriberako Merkatua du ikusgai Bilboko Itsasadarraren gainean eta San Antongo eliza eta zubia atzean dituela. Juan Mari Aburto Alkateak esan duenez, “ez da hau ONCEk kupoia Bilbori eskaini dion lehenengo aldia, izan ere, azken bi hamarkadak errepasatuz gero, gure hiriaren sinbolo nagusiak ONCEren kupoiaren irudian agertu dira hainbat aldiz; hala nola, Athletic Club taldea, San Tomasetako Azoka, Euskalduna Jauregia, Guggenheim Museoa, Abandoko Geltokia, Udaletxea bera edo On Migel Unamuno, haren jaiotzaren 150. urteurrenean”.

ONCEri Bilborekin eta bilbotarrekin betidanik erakutsi duen atxikimendua eskertu ondoren, Alkateak zorterik onena opa die zapatuko kupoia erosten duten guztiei eta “saria Bilbon geratzea” desiatu du.

90 urteko historia itsasadarraren ondoan

Erriberako Merkatua 1929ko abuztuaren 22an inauguratu zen, Pedro Ispizua arkitektoak egindako proiektu arrazionalistari jarraituz. Hormigoi armatuzko eraikina zen; garairako oso modernoa, funtzionala eta monumentalista. 1971an, Mercabilbaoren inaugurazioaren eraginez, Erriberako Merkatuak jardueraren zati handi bat galdu zuen, Zazpi Kaleetako nahiz Bilbo Zaharreko bezeroentzako auzo-merkatu bihurtu zelarik.

Bizkaia hondatu zuten 1983ko uholdeen ondoko berreraiketan eraldaketa sakona egin zitzaion. Erriberako Merkatuak Udal Horniketa Merkatu Osatuenaren Guinness Errekorra lortu zuen 1990an, izan ere, une horretan merkaturik handiena zen saltzaile eta postu kopuruari dagokionez, baita Europako merkatu estalirik handiena ere, 10.000 metroko koadroko azalerari esker.

2008an merkatuaren egituraz egindako azterlanaren harira, sakoneko eraberritze integrala bideratu eta esparruak eta ekipamenduak modernizatu ziren, itsasadarraren gaineko zirga-bidea berreskuratuz. 2012an, hiru urteko lanen ondoren, Emilio Puertas arkitektoak izenpetutako proiektua osatu eta Bilboko egungo Erriberako Merkatua inauguratu zen.

Kupoi berezia

ONCEk 3.400 afiliatu eta 540 saltzaile inguru ditu Euskadin, eta aurten 22 milioi euro banatu ditu dagoeneko, inoizko markarik handiena 2018an lortu zuelarik, 37 milioi eurorekin.

ONCEk zapatuan, hilak 24, Erriberako Merkatuaren 90. Urteurrenari eskainiko dion kupoiak bost milioi eta erdi aletako zabalkundea izango du, eta asteburuko kupoia izanik, sari bereziak banatuko ditu. ONCEren produktuak Salmenta Terminaletan, www.juegosonce.es webgune ofizialean eta baimendutako establezimenduetan eskura daitezke.

Hauexek dira ONCEk Bilbori azken bi hamarkadetan eskainitako kupoi aipagarri batzuk: Athletic Cluben mendeurrena (1998ko azaroak 16-19); Guggenheim Museoaren hamargarren urteurrena (2007ko urriak 21); Euskalduna Jauregia (2007ko ekainak 8); San Tomasetako Azoka (2009ko abenduak 27); Bilbo, Kirolaren Europako Hiria (2012ko ekainak 3); Bilbo World Cities Summiten egoitza (2013ko ekainak 9); Migel Unamunoren jaiotzaren 150. urteurrena (2014ko irailak 29); Loiuko Aireportua (2015ko urriak 27); Udala egungo eraikinera aldatu izanaren 125. urteurrena (2017ko apirilak 18); Bilbo, Ekonomia Sozialaren Foro Globalaren egoitza (2018ko urriak 3) eta Abandoko Geltokiko erlojua (2019ko ekainak 27).

Bilbok gertakari garrantzitsua jasoko du gaur, Erriberako Merkatuko Sukaldaritza Eskolaren irekierarekin

Bilbok gertakari garrantzitsua jasoko du gaur, Erriberako Merkatuko Sukaldaritza Eskolaren irekierarekin. Osasun eta Kontsumo Sailaren esku dagoen Bilbao Zerbitzuak-en eta Bilboko Ostalaritza Goi Eskolaren (ESHBI) arteko lankidetzaren ondorioz, udal ekipamenduaren bigarren solairuan jarriko da martxan.

Alfonso Gil Alkateorde eta Mugikortasunaren, Ingurumenaren, Hiri Berroneratzearen eta Garapen Osasungarriaren Politiken Zinegotzi Koordinatzaileak; Yolanda Díez Osasun eta Kontsumo Zinegotziak; eta Joseba Lozano Bilboko Ostalaritza Goi Eskolako (ESHBI) Zuzendariak, hiriburuak izango dituen su berriak aurkeztu dituzte prentsaurrekoan. Bertaratu diren kazetariek “ezusteko” pintxo gozoa prestatzeko aukera izan dute, sukaldari baten jarraibideak jarraituz, eta unean bertan emango zaizkien osagaiekin eta tresnekin.

Beste behin, Bilbao Zerbitzuak-en eta ESHBIren interesek eta helburuek bat egin dute Erriberako Merkatuko Sukaldaritza Eskola izango den ekimen berri honetan. Hitzarmenaren bitartez egituratutako ekintza bateratuak, merkataritza eta gastronomia tradizionalaren balioen transmisioa sustatzeaz gain, Erriberako Merkatuaren jarduerari balio erantsia ematen lagunduko du, Merkatua bera eta Bilboko Alde Zaharra merkataritzarako eta aisiarako erreferentziazko gune gisa kokatuz eta indartuz. Kulturari eta ezagutzaren sorkuntzari ere lagunduko dio, ESHBI goi mailako koalifikazio zentroa baita, sukaldaritzako arteen, sukaldaritzara aplikatutako teknologiaren, gastronomiaren eta osasunaren prestakuntzan eta berrikuntzan.

Erriberako Merkatuko Sukaldaritza Eskola berriak, “Eskuak zikintzeko” aukera emango duten banakako 12 sukaldaritza postu ditu, ikasleek, sukaldariak aurretik azaldutako eta egindako errezetak prestatu beharko baitituzte. Horrez gain, irakasleak produktuen koalitateak ere azalduko dizkie partaideei, eta baita klasean proposatutako platerak prestatzeko erabili beharreko teknikak ere.

ESHBIk gustu guztietarako ikastaro programa diseinatu du, oso gai anitzekin. Nazioarteko sukaldaritza: sushia, pasta, cevicheak, fideo asiarrak, tex-mex…; euskal sukaldaritza: bakailaoa, tradizionala, pintxoak, sukalkiak eta marmitakoak, euskal postreak…; eta bestelako sukaldaritzak, denboraldi bakoitzekoa, saltsa eta sukaldaritzako fondo ikastaroa, hastapenekoa, hirugarren adinari zuzendutakoa, ikasleei zuzendutakoa…

200 zenbakiko postua (30 metro karratu) eta horren aurrean dagoen merkataritza gunea (52 metro karratu) hartzen dituen Erriberako Merkatuko Sukaldaritza Eskolan aurrera eramango diren ekintzak hauek dira:

• • Zaleentzako ikastaro laburrak: eskaintza gizarte, kultura, aisia, kirol, lan… arloko elkarteei eta kolektiboei, bi orduko ikastaro laburrak egiteko. Ikastaro horietan, hiriko edo lurralde historikoko gainerako lekuetako zaleek Sukaldaritza Eskolako prestakuntza jaso ahal izango dute.
  • Sukaldaritza blokea: irailetik aurrera “sukaldaritza blokeak” egingo dira. Ikastaro horiek hainbat saioko iraupena izango dute, sukaldaritzako ikuspegi zabalagoa jaso nahi duten pertsonei zuzenduta, sukaldaritzako teknikak indarrean jartzeko, produktuak eta horien ezaugarriak hobeto ezagutzeko eta zenbait plater egiteko. Klase horiek, ikastaro laburrek bezala, izaera praktikoa izango dute, eta 4 saiok osatuko dituzte.
  • Esperientzia gastronomikoak: gure produktu gastronomikoei eta horiek prestatzeko moduari buruz ikasteko eta toki enblematiko batean, Erriberako Merkatuan, bazkari batez gozatzeko aukera. Hasteko, bisita merkatuko postuetara, sukaldariari erosketetan lagunduz eta produktu freskoenen koalitateak zuzenean ezagutuz. Esperientzia horien ondoren showcooking bat etorriko da, eta bertan, sukaldariak platerak prestatuko ditu, aurretik erositako produktuekin. Esperientzia gastronomikoetan bazkaria eskaintzen zaie partaideei, pintxoen dastatze menua edo bakailaoz eta txuletaz osatutako euskal menua.
  • Turistentzako proposamen gastronomikoak: Erriberako Merkatuko partaide bilakatzea, ez soilik bisitari gisa, baita postuetako bezero gisa ere. Beraz, helburua esperientzia gastronomikoa bizitzea izango da, Merkatuan bertan produktuak erosiz eta Eskolan prestatuz. Produktu hori hoteletan, tour-operadoreetan, turismo hartzaileetan, eta baita gure inguruko enpresetan ere eskaini daiteke, “prestakuntza pildora” formatuarekin, Erriberako Merkatuko saltokietara zuzenduta egongo den erosketarekin.
  • Prestakuntza/aurkezpenak udal merkatuetako merkatarientzat: produktuei eta prestakuntza alternatibei buruzko ikastaro monografikoak, udal merkatuetako postuetako bezeroen erosketak merkatarien bitartez sustatzeko. Merkatariek euren produktuak bezero leialen aurrean aurkezteko aukera izango lukete, edo, denboraldiaren hasierarekin bat etorriz, produktuak sukaldean lantzeko moduak erakutsi, saio laburren bitartez.
  • Merkatarientzako koktelak: hainbat ospakizunetan, eta eskala txikian, udal merkatuetako merkatariei eskainitako zerbitzuak izango lirateke, eta ez ustiapenerako bidea.
  • Eskolei, ikastolei, akademiei… zuzendutako jarduera gastronomiko hirueledunak: jarduera horien barruan bisita egingo litzateke Erriberako Merkatura, eta gai bat landu gune gastronomikoan. Ikasleen soslaiaren arabera, jarduera horietan parte hartzen dutenen eta Ikasgela Gastronomikora doazenen artean ESHBIko ikasle izaeko hautagai posibleak lortzen lagun dezake. Jarduerak euskaraz, gaztelaniaz eta ingelesez eskainiko dira, eskariaren arabera.
  • Gazteentzako ikastaroak: Sukaldean autonomia lortzeko helburuarekin, ekintza hau ikastetxeen, ikastolen, unibertsitateen… bitartez zabalduz.
  • Umeentzako tailerrak: hainbat adinetara, eskolako oporraldietara… egokitutako tailerrak. Beste erakunde batzuekin paketeak ere eratu daitezke, horien jarduera osatuz.
  • Enpresentzako eta hitzartutako taldeentzako tailerrak: enpresentzako jarduera gastronomikoak, prestakuntza jardunaldiak, coaching jarduerak, talde lanak… osatuz. Baita hitzartutako taldeentzako eta lagun taldeentzako jarduerak eta tailerrak ere.
  • Hirugarren adinera zuzendutako sukaldaritza: hirugarren adineko kolektiboei zuzendutako sukaldaritza jarduerak eta tailerrak.
  • Produktuen dastaketa: sentimenen bitartez, modu eta teknika desberdinekin prestatutako produktu baten aukera gastronomikoak ezagutzeko edo aurkitzeko.
  • Euskarazko jarduera gastronomikoak euskaltegientzat: “Arratsalde bat merkatuan” edo erosketak eta sukaldaritza klaseak euskaraz, besteak beste.

Ikastaro guztiak praktikoak izango dira, eta ikasleek eurek prestatutako janariak dastatu ahal izango dituzte. Partaide bakoitzak bere sukaldeko postua, lehengaia eta sukaldariak aurretik azaldutako eta egindako errezetak prestatzeko beharko dituen tresna guztiak edukiko ditu. Ez da aurretiazko ezagutzarik eskatzen, ikastaroak profesionalak ez diren pertsonentzat pentsatuta daudelako eta aisia gastronomiko proposamen bikainak direlako. Izen emateak. ESHBIren webgunearen bitartez egingo dira: www.escuelahosteleria.com.

Joan den uztailaren 4an Erriberako Merkatuko Sukaldaritza Eskola ireki zen, Bilbao Zerbitzuak-en eta Bilboko Ostalaritza Goi Eskolaren arteko lankidetzaren ondorioz.

Bilbok oso une garrantzitsua bizi izan zuen joan den uztailaren 4an, Erriberako Merkatuko Sukaldaritza Eskola ireki zenean, Osasun eta Kontsumo Sailaren esku dagoen Bilbao Zerbitzuak-en eta Bilboko Ostalaritza Goi Eskolaren (ESHBI) arteko lankidetzaren ondorioz, udal ekipamenduaren bigarren solairuan martxan jarriz. Beste behin, Bilbao Zerbitzuak erakundearen eta ESHBIren interesek eta helburuek bat egin dute Erriberako Merkatuko Sukaldaritza Eskola ekimen berri honetan. Hitzarmenaren bitartez egituratutako ekintza bateratuak, merkataritza eta gastronomia tradizionalaren balioen transmisioa sustatzeaz gain, Erriberako Merkatuaren jarduerari balio erantsia ematen lagunduko du, Merkatua bera eta Bilboko Alde Zaharra merkataritzarako eta aisiarako erreferentziazko gune gisa kokatuz eta indartuz. Kulturari eta ezagutzaren sorkuntzari ere lagunduko dio, ESHBI goi mailako koalifikazio zentroa baita, sukaldaritzako arteen, sukaldaritzara aplikatutako teknologiaren, gastronomiaren eta osasunaren prestakuntzan eta berrikuntzan.

Erriberako Merkatuko Sukaldaritza Eskola berriak, “Eskuak zikintzeko” aukera emango duten banakako 12 sukaldaritza postu ditu, ikasleek, sukaldariak aurretik azaldutako eta egindako errezetak prestatu beharko baitituzte. Horrez gain, irakasleak produktuen koalitateak ere azalduko dizkie partaideei, eta baita klasean proposatutako platerak prestatzeko erabili beharreko teknikak ere.

ESHBIk gustu guztietarako ikastaro programa diseinatu du, oso gai anitzekin. Nazioarteko sukaldaritza: sushia, pasta, cevicheak, fideo asiarrak, tex-mexa…; euskal sukaldaritza: bakailaoa, tradizionala, pintxoak, sukalkiak eta marmitakoak, euskal postreak…; eta bestelako sukaldaritzak, denboraldikoa, saltsa eta sukaldaritzako fondo ikastaroa, hastapenekoa, hirugarren adinari zuzendutakoa, ikasleei zuzendutakoa… (www.escuelahosteleria.com).