Azaroaren 1ean Bilboko Hilerrira hurbil litekeen jendetzak bizikidetza-arazorik sor ez dezan; aparkalekuko ibilgailuak sartzeak eta irteteak sortzen dituzten arazoak direla medio, Bilboko Udaltzaingoaren laguntza izango du Bilbao Zerbitzuak erakundeak. Aurreko urteetan bezala, Udaltzainek pertsonen eta ibilgailuen joan-etorriak antolatuko dituzte sarrera nagusian.

Osasun eta Kontsumo Saileko zinegotzi ordezkari Álvaro Pérez Alonsok adierazi bezala, “gomendioa joateko garraio publikoa erabiltzea da, aldez aurretik eta modu mailakatuan”. Beren ibilgailuetan lekualdatzen diren pertsonek hilerriko sarrera nagusitik bakarrik sartu ahal izango dira, Txorierriko BI 737-Erandio/Larrabetzu errepidetik bertatik. Ibilgailuek horretarako erreserbatutako eta egokitutako espazioetan aparkatu beharko dute.

Mugikortasun urriko bisitariak Bilbao Zerbitzuak hilerriaren barrualdetik mugitu ahal izateko, gogorarazi du gurpildun 4 aulki elektriko dituela, hilerriko bulegoetan hala eskatzen duten pertsonen eskura.

Domu Santu Eguna dela eta, egun hauetan Bilboko eta Deustuko udal hilerriak bisitatzen dituzten pertsonek ez dute inolako arazorik izango. Bilboko hilerri nagusiko bulegoan jende-pilaketak saihesteko, urriaren 28an eta 29an eta azaroaren 1ean, Bilbao Zerbitzuak erakundeak zerbitzua indartuko du pertsona batekin 11etatik 17etara (joan den asteburuan ere egin zuen). Era berean, urriaren 21etik azaroaren 1era bitartean, ofizioetako langileak txaleko islatzaile horiz identifikatuta egongo dira gainerako esparruetako arreta hobetzeko asmoz.

Deustuko Hilerrian ere ofizioetako pertsona batek familiei arreta-zerbitzua eskainiko die azaroaren 1ean, 10etatik 14etara.

Bilboko Udaleko Osasun eta Kontsumo Arloko zinegotzi delegatu Álvaro Pérez Alonsok herritarrek izan ditzazketen zalantzak argitzeko deia egin die. “Askotan gertatzen zaigu ez dakigula oso ondo nola mugitu hilerriko barrualdetik, ez dugulako aurkitzen non dagoen bilatzen gabiltzan puntu zehatza, non dauden beharrezkoak ditugun zerbitzuak … sortzen diren zalantza guztiak argitzeko helburuarekin, langile gehiago egongo dira egun hauetan Bilboko hilerrietan”.

Datorren asteazkenean, azaroak 1, Domu Santu Egunean, Bilboko eta Deustuko udal hilerriak zein ordutegitan bisita daitezke? Jaieguneko aurreko egun hauetan edozein unetan gerta dakigukeen galdera da. Zentzu horretan, Bilbao Zerbitzuak erakundeak gogorarazi duenez, Bilboko Udal Hilerria irekita egongo da 8etatik 18etara, neguko ohiko ordutegian (urritik maiatzera luzatzen dena). Deustuko hilerriaren ordutegia 8etatik 15etara izango da, azaroaren 1ean izan ezik, arratsaldeko 18ak arte irekita mantenduko dela.

Ehunka lagun hurbilduko dira egun hauetan bilboko hilerrira, gehien maite izan dutenak oroitzeko eta berriz elkartzeko keinu gisa. Hori horrela, eta dena prest egon dezan harrera onena egiteko, Bilbao Zerbitzuak erakundeak urteroko ekintza-plana aktibatu du, Bilboko eta Deustuko udal-hilerriek kalitatezko zerbitzua eta ingurunearekiko eta familiekiko errespetuzkoa eskain dezaten. “Ahal den neurrian, aldez aurretik joatea aholkatzen da, modu mailakatuan eta garraio publikoan, leku horietarako sarbideak trafikoz arintze aldera”, eskatu du Álvaro Pérez Alonso Bilboko Udaleko Osasun eta Kontsumo Arloko zinegotzi ordezkariak.

Gauzak horrela, erabiltzaileek beraiek jarriko dute nota. Bilbao Zerbitzuak erakundeak herritarrei ematen dizkien zerbitzuak hobetzen jarraitzeko, urriaren 28an eta 29an eta azaroaren 1ean hilerrira joaten diren bisitariei inkesta bana emango zaie iristen direnean, ordura arte egindako hobekuntzak eta jasotako zerbitzuak baloratzeko. 3.000 inkesta banatzea aurreikusi da.

Bilboko Udal Hilerria irekita egongo da 8etatik 18etara, neguko ohiko ordutegian. Deustuko hilerriaren ordutegia 8etatik 15etara izango da, azaroaren 1ean izan ezik, 18ak arte luzatuko dela.

Arreta presentziala ere indartuko da Bilboko bulegoetan urriaren 29an eta 30ean eta azaroaren 1ean, 8:30etik 17etara. Deustuko Hilerrian ere ofizioetako pertsona batek familiei arreta-zerbitzua eskainiko die azaroaren 1ean, 10etatik 14etara.

Bilboko udaltzainek parte hartuko dute Bilbao Zerbitzuak erakundeak martxan jarritako operatiboan, jardunaldiaren ohiko igarotzea bermatzeko.

Bilboko Udaleko Osasun eta Kontsumo zinegotzi delegatu Álvaro Pérez Alonsok –hilerria bisitatuko du azaroaren 1ean, 11etan- aldez aurretik, modu mailakatuan eta garraio publikoan joatea aholkatu du.

VI. Kontzertu Lirikoa Hilerriko Kaperan 13etan izango da “Bilbao Bel Canto” ren eskutik. Kontzertua sarrera librea izango du lekua bete arte, eta zuzenean emango da TeleBilbao tokiko telebista-katetik eta Bilbao Zerbitzuak YouTube kanalaren bidez.

Bilboko udal hilerriak prest daude datorren azaroaren 1ean, Domu Santu Egunean, jende ugariren bisita jasotzeko. Gure kulturan oso errotuta dagoen tradizioa da eta besperako egunetan ospatzen da. Hori horrela, urtero bezala, Bilbao Zerbitzuak erakundeak ekintza-plan bat aktibatu du, Bilboko eta Deustuko udal-hilerriek kalitatezko zerbitzua eta ingurunearekiko eta familiekiko errespetuzkoa eskain dezaten. “Ahal den neurrian, aldez aurretik joatea aholkatzen da, modu mailakatuan eta garraio publikoan, leku horietarako sarbideak trafikoz arintze aldera”, eskatu du Álvaro Pérez Alonso Bilboko Udaleko Osasun eta Kontsumo Arloko zinegotzi ordezkariak.

Zein ordutegitan bisita daitezke Bilboko eta Deustuko hilerriak?

Bilboko Udal Hilerria irekita egongo da 8etatik 18etara, neguko ohiko ordutegian (urritik maiatzera luzatzen dena). Deustuko hilerriaren ordutegia 8etatik 15etara izango da, azaroaren 1ean izan ezik, arratsaldeko 18ak arte irekita mantenduko dela.

Aurrez-aurreko langile gehiago eta identifikagarri, Domu Santu Egunean zalantzak argitzeko

Egun hauetan Bilboko udal hilerriak bisitatzen dituzten pertsonek ez dute inolako arazorik izango. Hiriburuko hilerri nagusiko arreta-zerbitzuan pilaketak saihesteko helburuarekin, bulegoetako aurrez aurreko zerbitzuan pertsona bat gehiago egongo da urriaren 28an eta 29an eta azaroaren 1ean. Ondorioz, arreta emateko zerbitzuaren ordutegia goizeko 11etatik arratsaldeko 17etara izango da. Era berean, urriaren 21etik azaroaren 1era bitartean, ofizioetako langileak txaleko islatzaile horiz identifikatuta egongo dira gainerako esparruetako arreta hobetzeko asmoz. Deustuko Hilerrian ere ofizioetako pertsona batek familiei arreta-zerbitzua eskainiko die azaroaren 1ean, 10etatik 14etara.

Udaltzainek ibilgailuen joan-etorria eta sarrera antolatulatuko dute

Asteburu honetan, urriak 28 eta 29, eta azaroaren 1ean Bilboko Hilerrira etor litekeen jendetzak esparru barruan bizikidetza-arazorik sor ez dezan, aparkalekuko ibilgailuak sartzeak eta irteteak sortzen dituzten arazoak direla eta, Bilboko Udaltzaingoaren laguntza izango du Bilbao Zerbitzuak erakundeak. Hori horrela, Bilboko Udaltzaingoak etengabeko zerbitzu berezia emango du sarbideetako trafikoa antolatzeko eta segurtasuna bermatzeko.

Osasun eta Kontsumo Saileko zinegotzi ordezkariak dioen bezala, garraio publikoan joateko gomendioa egin bada ere, beren ibilgailuan joaten direnek hilerriko sarrera nagusitik bakarrik egin beharko dute, Txorierriko BI 737-Erandio/Larrabetzu errepidetik bertatik. Ibilgailuek horretarako erreserbatutako eta egokitutako espazioetan aparkatu beharko dute.

Erabiltzaileek berek nota jarriko diote eskainitako zerbitzuei

Bilbao Zerbitzuak erakundeak herritarrei ematen dizkien zerbitzuak hobetzen jarraitzeko, urriaren 28an eta 29an eta azaroaren 1ean hilerrira joaten diren bisitariei inkesta bana emango zaie iristen direnean, ordura arte egindako hobekuntzak eta jasotako zerbitzuak baloratzeko. 3.000 inkesta banatzea aurreikusi da.

Musika ez da faltako VI. Kontzertu Lirikoarekin, 13etan Kaperan

Domu Santu Egunean musikak protagonismo berezia hartuko du Kontzertu Lirikoarekin. Aurten seigarren edizioa beteko du eta azaroaren 1ean, 13etan, Kapera girotuko du, Bilboko Gotzainak eskainiko duen 12etako mezaren amaieran. “Jardunaldiaren une oso berezia izaten da kontzertua, musikak berak hartzen ari den mailagatik baina tokiagatik ere; Kapera Bilboko Udal Hilerrian dagoen punturik ederrenetako eta interes bereziko bat”, adierazi du Osasun eta Kontsumo Arloko zinegotzi delegatu Álvaro Pérez Alonsok.

“Bilbao Bel Canto” musika-taldeak joko du, eta Patricia Sesar sopranoa, Martín Barcelona tenorea, Clara Junguitu, biolina, Miren de Diego, biola, eta Iñaki Belasko, pianoa, osatzen dute. Bilboko musikari hauek ibilbide ezaguna dute arlo artistikoan, ahotsean zein instrumentuan, eta prestakuntza sendoa eta eguneratua gure mugetatik kanpoko hainbat ekitalditan.

VI. Kontzertu Liriko honetan musikako hainbat erro biltzen dituzten 14 obra interpretatuko dira; Kapera bezalako marko paregabean eta Domu Santu bezalako egun garrantzitsu batean.Filmetako soinu banden abestiak, abesti sakroa, nazioarteko lirikako lanak, ariak, erromantzak eta operako bikote ospetsuenak, zarzuela eta euskal zortzikoak interpretatuko dira besteak beste.

Kontzertuko sarrera librea izango da edukiera bete arte, baina Klaustroaren kanpoko megafoniaren bidez eliz zeremonia eta kontzertu lirikoa entzun ahal izango dira. Bertan egon ezin diren pertsonenek kontzertua denbora errealean ikusi eta entzun ahal izango dute TeleBilbaotokiko telebista-kateaan edota Bilbao Zerbitzuak YouTube plataforman.

Osasun eta Kontsumo Saileko zinegotzi ordezkariaren bisita azaroaren 1ean

Azaroaren 1ean, Domu Santu Egunean, Bilboko Udaleko Osasun eta Kontsumo Saileko zinegotzi delegatua den Álvaro Pérez Alonsok, Bilboko Udal Hilerria bisitatuko du jaieguna dela eta. Ehunka lagun hurbilduko dira egun hauetan bilboko hilerrira, gehien maite izan dutenak oroitzeko eta berriz elkartzeko keinu gisa. Zinegotziak berak ere ohoratuko du bere presentziarekin jai-hitzordua.

Bilbao Zerbitzuak-ek urtean zehar doan eskaintzen duen kultur jarduera programaren barruan, Bilboko Udal Hilerriko Kaperak Iñaki Bermudez eta Yume Takasaki musikarien “Fantasie” saxofoi eta piano kontzertua hartu zuen joan den larunbatean, ikusmena zein entzumena musikari-bikote birtuosoaren talentutik urrundu ezinik egon ziren bertaratutako ikus-entzuleen gozamenerako.

Kapera Bermudezen saxofoiaren eta Takasakiren pianoaren magiaz bete zen ordubeteko kontzertuan. Kontzertuan estilo eta aldi desberdinetako obren programa zabala landu zen, Telemannetik saxofoiaren errepertorio klasikoaren gaur egungo konposatzaileenganainoko bidaia. Errezitaldiak kronologikoki nahastu zituen piezak, estilo desberdinak kontrastatzeko eta, horrela, errepertorio klasikoaren barruan hain ezaguna ez den instrumentu horren alderdi desberdinak erakusteko.

Ikus-entzuleen artean, Álvaro Pérez Alonso Bilboko Udaleko Osasun eta Kontsumo Arloko zinegotzi ordezkariak ez zuen hitzordua galdu gura izan. Interpreteen maila goraipatzeaz gain –“zentzumenetarako plazer handia izan da entzutea, are gehiago Kapera zoragarri honen babesean”–, Hiriko hilerri nagusiak artearen, historiaren, kulturaren eta ondarearen ikuspegitik duen balio handia ezagutzera emateko jendea erakartzeko Bilbao Zerbitzuak-ek urtean zehar doan eskaintzen dituen kultur jardueren programari balioa eman zion.

“Oraingo honetan, musikaren talentu gazteen babesarekin eta bultzadarekin lotu da, Iñakirekin eta Yumerekin, hain zuzen ere. Izan ere, kulturaren sustapena da Bilbao Zerbitzuak-en Bilboko hilerrirako kultur programako jarduera guzti-guztiekin lortu gura dugun helburuetako bat. Eta ikus-entzuleen begikotasunak, “Fantasie” kontzertu hau bezalako topaketa bereziak programatzera animatzen gaitu, Bilboko Hilerriaren bertsio aktiboena eta biziena erakutsiz. Eskerrak eman gura dizkiegu”, amaitu zuen Álvaro Pérez Alonsok.

Iñaki Bermudez saxofoi-jotzailearen eta Yume Takasaki piano-jotzailearen emanaldia, urtean zehar hiriko hilerri nagusiak artearen, historiaren, kulturaren eta ondarearen ikuspegitik duen balio handia ezagutzera emateko ikus-entzuleak erakartzeko helburuarekin Bilbao Zerbitzuak-ek doan eskaintzen duen kultur jardueren programaren barruan dago.

“Artearen eta kulturaren sustapena da beti gure helburua, oraingo honetan talentu gazteen babesarekin, bultzadarekin eta sustapenarekin lotuta”, azaldu du Álvaro Pérez Alonso Bilboko Udaleko Osasun eta Kontsumo Arloko Zinegotzi Ordezkariak.

Bilboko Udal Hilerriko Kaperak “Fantasie” saxofoi eta piano kontzertua hartuko du larunbat honetan, irailak 23, eguerdiko 12etan, Iñaki Bermudez eta Yume Takasaki musikarien eskutik.

Emanaldia, urtean zehar Hiriko hilerri nagusiaren artearen, historiaren, kulturaren eta ondarearen ikuspegitik duen balio ezagutzera emateko, jendea erakartzeko helburuarekin Bilbao Zerbitzuak-ek doan eskaintzen duen kultur jardueren programaren barruan dago. Oraingo honetan, musikaren talentu berrien laguntzari eta bultzadari lotuko zaio, gonbidatutako bikote artistiko gazteari, hain zuzen ere.

Kontzertuak estilo eta aldi desberdinetako obren egitarau zabala hartuko du, Telemannetik saxofoiaren errepertorio klasikoaren gaur egungo konposatzaileenganainoko bidaia. Errezitaldiak kronologikoki nahastuko ditu abestiak, estilo desberdinak kontrastatzeko eta, horrela, errepertorio klasikoaren barruan hain ezaguna ez den instrumentu horren alderdi desberdinak erakusteko.

Iñaki Bermudez (Sopela), bere ametsa egia bihurtuz, nazioarteko bakarlari ibilbidea eta ganbera musika uztartzen dituen saxofoi jotzaile klasiko profesional gaztea da. 2019az geroztik, Dadario Woodwinds artista familiako kide da, eta musikagilearen eta interpretearen arteko harremanean sakontzera zuzentzen du bere musika-lana; musikaz duen kontzeptua bere sortzailearen ezagutzatik ikusteko modua aurkitzera; eta horrek mundu fantastikoan murgiltzera darama. Bertan, bere sentimenduak agerian uzten ditu, obraren esentziari leial, betiere.

Bestalde, Yume Takasakik (Yokohama) oso txikitatik izan zuen harreman estua pianoarekin, lau urte zituenetik. Tokioko Musika Elkargoaren Bekaren laguntzarekin, 2015ean Yusuke Kikuchiren eta Tomoaki Yoshidaren klasera batu zen. 2019an lortu zuen lizentziatura, eta urtebete geroago, 2020an, Ganbera Musikako lizentziatura. 2018az geroztik, Parisko Musika eta Dantza Kontserbatorio Nazionalean ikasten du, eta zerbaitek definitzen badu, ganbera-musikarekiko duen grina da. Horrela, proiekzio handiko hainbat taldetako partaide da.

“Artearen eta kulturaren sustapena da Bilbao Zerbitzuak-en Bilboko hilerrirako kultur programaren barruko jarduera guzti-guztiekin lortu gura dugun helburuetako bat. Eta ikus-entzuleen begikotasunak, “Fantasie” kontzertu hau bezalako topaketa bereziak programatzera animatzen gaituen erantzun bikaina ematen digu. Eskerrak eman gura dizkiegu. Kontzertu horren bidez, gure babesa erakutsi gura diegu Iñaki Bermudez eta Yume Takasaki bezalako talentu gazteei” azaldu du Álvaro Pérez Alonso Bilboko Udaleko Osasun eta Kontsumo Arloko Zinegotzi Ordezkariak.

“Gainera, beti da plazerra hainbesteko historia biltzen duen Bilboko Hilerriko Kaperan berriro elkartzea, oraingo honetan, urtean zehar eskaintzen ditugun ikus-entzule guztientzako kultur jardueren programaren barruan ilusio bereziz itxaroten genuen doako topaketa ospatzeko, Bilboko Udal Hilerria bertsiorik aktibo eta bizienean ezagutzera emateko, jendea erakartzeko asmoz”, esanez parte hartzera animatzen gaitu Pérez Alonsok.

Klima-aldaketaren ondorioak gero eta nabariagoak dira, eta horietako bat muturreko beroa da. Bilbao Zerbitzuak gogorarazten du Bilboko Udalak babesleku klimatikoen sare bat duela, herritarrek erabil ditzaketen 130 gune edo eraikinez osatua, eta horietako bat Bilboko hilerria dela.

“Bilboko hilerriak, bere landaretza eta itzal ugariari esker, pertsonen sentsazio termikoa hobetzen du, bero-egunetan babes naturala izanik. Gainera, hainbat iturri ditu freskatzeko eta hidratatzeko”, azaldu du Alvaro Perez Alonso Bilboko Udaleko Osasun eta Kontsumo Arloko zinegotzi ordezkariak.

Joan den uztailaren 8an Bilbao Zerbitzuak, Bizkaiko Elkarte Artistikokoarekin (Asociación Artistica Vizcaina) elkarlanean antolatutako Gaueko Bisita Antzeztuaren bigarren edizioa ospatu zen Bilboko Hilerrian. Ibilbidean zehar, bertaratutakoek istorioak eta pertsonaiak ezagutu ahal izan zituzten gauean egindako antzezpenen bidez, “guztion eskura Bilbao Zerbitzuak YouTubeko kanalean”, gonbidatu du Bilboko Udaleko Osasun eta Kontsumo Arloko zinegotzi delegatu Álvaro Pérez Alonsok.

Bilbao Zerbitzuak, bilbotar guztiek esperientzia liluragarri horretaz gozatzeko aukera izatea nahi duenak, hasieratik amaierara grabatu zuen ibilbide osoa. “Zalantzarik gabe, ekitaldira joaterik izan ez zuten edo, besterik gabe, berpiztu nahi duten pertsona guztientzako aukera da”.

Esperientzia honetan zehar, ikusleak Bilboko hiriaren parte izan ziren pertsonaia historikoen bitartez iraganak bizia nola hartzen duen lekuko dira. Bizkaiko Elkarte Artistikoko aktoreek honako pertsonaia hauek antzeztu zituzten: Santiago Herrero Ruiz, Man uhartean hilezkor bihurtu zen espainiar motoziklismoaren legenda; Gabriel Aresti Segurola, bilbotar idazle eta euskarazko poeta; Simón Cabido Gil, aktore eta umorista, Croqueta andrearen pertsonaiaren interpretazioagatik ospetsua; Casilda Iturrizar, Bilboko kale-izendegian bi kale dituen pertsona bakarra; Rafael Moreno Aranzadi (Pichichi) Athleticeko futbolaria; eta Recaredo Uhagón Vedia, Bide, Kanal eta Portuetako ingeniaria, Bilboko saneamendu-lanak egin zituena.