Bilbao Zerbitzuak aurrera doa etengabe 2023an Bilboko Udal Hilerria ekintza kulturalez beteko duen programazioarekin. Bilbao Zerbitzuak-ek profesionalei zein zaleei zuzendutako II. Argazki Lehiaketa deitu du. Apirilaren 22ko, larunbateko, goizean, hilerria hainbat ikuspuntutatik erretratatuko dute. Egun horretako beste ekitaldi aipagarri bat poesia eta musika klasiko errezitaldia izango da, 12etatik aurrera Kaperan.

Lehiaketa 8:30etan hasi eta 13:30ak arte luzatuko da, eta Bilboko Udal Hilerriko kultura eta ondare arkitektoniko, artistiko eta paisajistikoari balioa ematea du helburu. Horrela, irudiaren bidez hilerria modurik egokienean sustatzen duten eta prestigioa ematen dioten argazkiak sarituko dira. Parte hartzeko nahikoa da adin nagusikoa izatea. Edozein nazionalitate edo bizilekutako zaleak edo profesionalak izan daitezke, eta ezin izango dute lan-harremanik izan Bilbao Zerbitzuak-ekin. Parte hartzaileek apirilaren 21eko 10ak baino lehen gauzatu beharko dute izen ematea, Bilbao Zerbitzuak-en webgunean horretarako irekitako atalaren bidez, eta apirilaren 22an bertan sortu beharko diren bi lanekin gehienez lehiatuko dira. Egun horretan bertan, 8:30etik 9:30era, jaso beharko dira parte hartzeko behar diren akreditazioak, eta argazkiak 13:30 arte atera ahal izango dira. Ondoren, parte hartzaileek 13:45ak arteko epea izango dute argazkiak Bilbao Zerbitzuak-en bulegoetan entregatzeko.

Gaia hileta-arteari buruzkoa izango da, adierazpenik zabalenean, eta garrantzi berezia izango dute monumentu-, paisaia- eta berezitasun-alderdiak, hileta-sinbologiak eta ondare-balioak, bai eta Bilboko udal-hilerriko barrutian dagoen bake- eta harmonia-sentsazioa islatzeak ere. Informazio gehiago nahi izanez gero, lehiaketaren oinarriak kontsultatu eta deskargatu ahal izango dira Bilbao Zerbitzuak-en webgunean.

Jardunaldia ez da horretara mugatuko. Eguerdiko 12etan, poesia eta musika klasikoa maite dutenek Bizkaiko Arte Elkartearen eskutik Kaperan egingo den poesia errezitaldira joateko aukera izango dute. Bilbao Zerbitzuak-en YouTube kanalaren bidez ere jarraitu ahal izango da zuzenean. Besteak beste, Francisco Villaespesa, Pablo Neruda, Miguel Hernández eta Gioconda Belli poeta unibertsalen 15 poema errezitatuko dira, Loly Rubio, Santiago Liberal Expósito eta Carma Albert rapsoden ahotsetan. Poesia irakurketa, bost pieza musikalekin osatuko duten Zuriñe De Diego (biolina) eta Miren De Diego (biola) artisten musika interpretazioak lagunduko du.

“Tokiko kultura eta ondarea sustatzen laguntzea da Bilboko Udal Hilerriak urtean zehar eskainiko duen programazio osoaren azken helburua, baita bigarren argazki-lehiaketa honena eta poesia eta musika klasiko errezitaldiarena ere” azaldu du Yolanda Díez Bilboko Udaleko Alkateorde eta Osasun eta Kontsumo Zinegotzi Ordezkariak.

Bilbao Zerbitzuak aurrera doa etengabe 2023an Bilboko Udal Hilerria ekintza kulturalez beteko duen programazioarekin. Bilbao Zerbitzuak-ek profesionalei zein zaleei zuzendutako II. Argazki Lehiaketa deitu du. Apirilaren 22ko, larunbateko, goizean, hilerria hainbat ikuspuntutatik erretratatuko dute. Egun horretako beste ekitaldi aipagarri bat poesia eta musika klasiko errezitaldia izango da, 12etatik aurrera Kaperan.

Lehiaketa 8:30etan hasi eta 13:30ak arte luzatuko da, eta Bilboko Udal Hilerriko kultura eta ondare arkitektoniko, artistiko eta paisajistikoari balioa ematea du helburu. Horrela, irudiaren bidez hilerria modurik egokienean sustatzen duten eta prestigioa ematen dioten argazkiak sarituko dira. Parte hartzeko nahikoa da adin nagusikoa izatea. Edozein nazionalitate edo bizilekutako zaleak edo profesionalak izan daitezke, eta ezin izango dute lan-harremanik izan Bilbao Zerbitzuak-ekin. Parte hartzaileek apirilaren 21eko 10ak baino lehen gauzatu beharko dute izen ematea, Bilbao Zerbitzuak-en webgunean horretarako irekitako atalaren bidez, eta apirilaren 22an bertan sortu beharko diren bi lanekin gehienez lehiatuko dira. Egun horretan bertan, 8:30etik 9:30era, jaso beharko dira parte hartzeko behar diren akreditazioak, eta argazkiak 13:30 arte atera ahal izango dira. Ondoren, parte hartzaileek 13:45ak arteko epea izango dute argazkiak Bilbao Zerbitzuak-en bulegoetan entregatzeko.

Gaia hileta-arteari buruzkoa izango da, adierazpenik zabalenean, eta garrantzi berezia izango dute monumentu-, paisaia- eta berezitasun-alderdiak, hileta-sinbologiak eta ondare-balioak, bai eta Bilboko udal-hilerriko barrutian dagoen bake- eta harmonia-sentsazioa islatzeak ere. Informazio gehiago nahi izanez gero, lehiaketaren oinarriak kontsultatu eta deskargatu ahal izango dira Bilbao Zerbitzuak-en webgunean.

Jardunaldia ez da horretara mugatuko. Eguerdiko 12etan, poesia eta musika klasikoa maite dutenek Bizkaiko Arte Elkartearen eskutik Kaperan egingo den poesia errezitaldira joateko aukera izango dute. Bilbao Zerbitzuak-en YouTube kanalaren bidez ere jarraitu ahal izango da zuzenean. Besteak beste, Francisco Villaespesa, Pablo Neruda, Miguel Hernández eta Gioconda Belli poeta unibertsalen 15 poema errezitatuko dira, Loly Rubio, Santiago Liberal Expósito eta Carma Albert rapsoden ahotsetan. Poesia irakurketa, bost pieza musikalekin osatuko duten Zuriñe De Diego (biolina) eta Miren De Diego (biola) artisten musika interpretazioak lagunduko du.

“Tokiko kultura eta ondarea sustatzen laguntzea da Bilboko Udal Hilerriak urtean zehar eskainiko duen programazio osoaren azken helburua, baita bigarren argazki-lehiaketa honena eta poesia eta musika klasiko errezitaldiarena ere” azaldu du Yolanda Díez Bilboko Udaleko Alkateorde eta Osasun eta Kontsumo Zinegotzi Ordezkariak.

Bilboko Udal Hilerria emozio giroan murgildu da gaur, aita guztiei gogoraraziz euren gorputza jada gure artean ez dagoen arren, buruan eta bihotzean bertan jarraitzen dutela. Eguneko unerik berezienen artean nabarmentzekoak dira bertaratutakoei 100 primula vulgaris alba plena edo San Jose lore eman zaien unea eta Yolanda Díez Bilboko Udaleko Alkateorde eta Osasun eta Kontsumo zinegotzi ordezkariak Angela Figuerak bere aitaren oroimenez idatzitako poemetako bat irakurri duenekoa.

Izan ere, eguerdiko 12etako poesia-errezitaldiak Hilerriko Kaperan zentratu ditu begirada guztiak. Bizkaiko Elkarte Artistikoaren eta Bilbao Bel Canto String Duet-eko musikari bilbotarren eskutik, Zuriñe de Diego biolinean eta Miren de Diego biolarekin, poesia errezitaldiak jende ugari bildu du. Poesia irakurketa Bizkaiko Elkarte Artistikoaren hiru rapsodek egin dute, Fernando Zamorak, Mari Carmen Pérezek eta Blanca Tinaquerok. Ekitaldirako berariaz aukeratutako 15 poema errezitatu dituzte, 55 minutu ingurutan.

Gaurko ekitaldiarekin ireki da Bilbao Zerbitzuak-ek antolatutako 2023ko Bilboko Hilerriko Kultur Programa. “Bilboko Udal Hilerriaren aberastasun artistikoa sustatzea, balioestea eta ezagutaraztea helburu duen jarduera programa zabal eta oparoa da, Hiriaren ondare kulturalaren, historiko-artistikoaren, paisajistikoaren eta hilerrikoaren parte garrantzitsuaren gordailu delako. Ez dagoelako hilerri hil bat baino gauza ilunagorik. Ez da horrela izan behar, hilerriek bizirik egon behar dute. Herritarren zerbitzura egon behar dute, eta urtean zehar programatutako ospakizunetan modu aktiboan parte hartzera gonbidatzen zaituztegu, aita guztiak omentzeko antolatu dugun ospakizun honetan, besteak beste”, nabarmendu du Yolanda Díez Bilboko Udaleko Osasun eta Kontsumo zinegotzi ordezkariak.

“Bilbao Zerbitzuak-etik bertako kultura eta ondarea sustatzen lagundu gura dugu, eta uste dugu hilerrira egindako bisitak aukera ezin hobea direla Bilbo eta bertako biztanleak sakonago ezagutzeko”, adierazi du Diezek.

Bilboko Udal Hilerriak omenaldi berezia egingo die aita guztiei datorren igandean, martxoaren 19an. Egun hunkigarri horretan falta diren aitak gogoratzeko asmoz, Bilbao Zerbitzuak-ek poesia eta musika klasiko errezitaldia antolatu du Bizkaiko Arte Elkartearen eta Bilbao Bel Canto String Duet-eko musikari bilbotarren eskutik, Zuriñe de Diego biolinean eta Miren de Diego biolarekin. Ekitaldi horrekin inauguratuko da 2023ko Bilboko Udal Hilerriko kultur agenda.

Ekitaldia 12etan izango da Kaperan eta musika klasikoak lagundutako poesia errezitaldia hartuko du. Gainera, primula vulgaris alba plena edo San Jose lore 100 loreontzi emango zaizkie ekitaldira bertaratzen direnei, izakinak agortu arte.

“Aurten, 2023an, Bilboko Udal Hilerria bizia ospatzeko, gure memoria sozial propioa eta kolektiboa berreskuratzeko leku gisa aurkezten jarraitu gura dugu, hilerriari balioa gehituz, ondare aberastasunaz eta historiaz gain eskaintzen duen bakeaz eta soseguaz goza dezagun. Ziur nago edizio berri honetan programatutako jarduerek artea, batez ere poesia eta musika, maite duten guztien onarpena izango dutela”, adierazi du ekitaldian zehar Yolanda Díez Bilboko Udaleko Alkateorde eta Osasun eta Kontsumo zinegotzi ordezkariak. Zinegotziak, Angela Figuerak bere aitaren oroimenez idatzitako poemetako bat errezitatuko du.

Poesia irakurketa Bizkaiko Elkarte Artistikoaren hiru rapsodek egingo dute, Fernando Zamorak, Mari Carmen Pérezek eta Blanca Tinaquerok. Ekitaldirako berariaz aukeratutako 15 poema errezitatuko dituzte, 55 minutu ingurutan.

• Osasun eta Kontsumo Sailak, Bilbao Zerbitzuak-en bidez, hilerriko ondare arkitektonikoa, artistikoa eta paisajistikoa sustatu eta balioetsiko ditu, hilerrira hurbiltzen diren pertsonak zaintzea helburu duten hainbat jardueraren bidez. Horretarako, ohore- eta oroitzapen-ekitaldiak egingo ditu hilerrian pertsona maiteen eta hurbilekoen omenez.
• Aurtengo programazioak 6 mugarri garrantzitsu izango ditu, lehenengoa martxoan, gurasoei omenaldia egiteko ekitaldia.
• Aurtengo berrikuntzak, Domu Santu egunari lotutako sukaldaritza-errezeten I. lehiaketa eta zenbait musika-kontzertu, azaroaren 1aren inguruan hauek ere.
• Bilboko Udal Hilerriak lehen saria jaso zuen Ingurumen Ekimen Onenaren kategorian, eta hirugarrena Jarduera Publiko Onenaren kategorian, Espainiako Hilerrien 2022ko Lehiaketan.
• 2022an, Bilbao Zerbitzuak-ek hainbat jarduera bultzatu ditu, bai instalazioak bai zerbitzua optimizatzeko.

Yolanda Díez Bilboko Udaleko alkateorde eta Osasun eta Kontsumo Saileko zinegotzi ordezkariak eta José Antonio Fernández Bilbao Zerbitzuak erakundeko gerenteak prentsaurrekoa egin dute gaur goizean, Bilboko udal-hilerria 2023an kultura-jarduerez beteko duen programazioaren xehetasun guztiak emateko. “Bilboko udal hilerriak duen arte-aberastasuna sustatzea, balioestea eta ezagutaraztea helburu duten jarduera-programa zabala eta aberatsa da, ondare kultural, historiko-artistiko, paisajistiko eta hileta-ondarearen zati garrantzitsu bat baitauka” adierazi du Yolanda Díezek. Aurtengo programazioak 6 mugarri garrantzitsu izango ditu: Aurrenekoa martxoaren 19an (domeka) izango da, Aitaren Egunaren barruan. Hurrenkeraren arabera, honako ekintza hauek nabarmenduko ditugu: apirilaren 22an, II. argazki-lehiaketa eta poesia-errezitaldia; maiatzaren 7an (domeka), Amaren Eguna; ekainaren 3an, pintura azkarreko II. Lehiaketa aire zabalean eta poesia-errezitaldia Bilboko hilerrian; udan, uztailaren 1ean, bisita pertsonaia ospetsuen hilobietara, gauez; Domu Santu Egunari lotutako I. sukaldaritza-lehiaketa, eta, urtea amaitzeko, ohi bezala, Bilboko Udal Hilerriak omenaldia egingo die hildako guztiei, azaroaren 1ean, Domu Santu Egunean. “Bilbao Zerbitzuak erakundeak tokiko kultura eta ondarea sustatzen lagundu nahi du, eta uste dugu hilerria bisitatzea aukera ezin hobea dela Bilbo eta bertako biztanleak sakonago ezagutzeko”. Horregatik, eta 2022an antolatu genituen jarduerek arrakasta izan zutela ikusita, leku hori beste modu batera ezagutzeko beste aukera bat eskaintzen dugu” gehitu du Bilbao Zerbitzuak erakundeko gerente José Antonio Fernándezek.

Martxoaren 19an, omenaldia aita guztiei

Martxoaren 19an (domeka), aita guztiei omenaldia egiteko ekitaldia. Ekitaldia 12etan egingo da, Bilboko Udal Hilerriko kaperan, eta familiei aukera emango die maite dituzten pertsona guztiekin bake- eta lasaitasun- giroan egoteko eta joandako aitak gomutatzeko. Jarduera poesia-errezitaldi bat izango da, musika klasikoarekin batera. Ondoren, 125 San José lore banatuko dira loreontzitan bertaratutakoen artean.

Apirilaren 22an (zapatua), II. argazki-lehiaketa

Bigarren urtez jarraian, apirilaren 22an II. argazki lehiaketarako deialdia egingo da. Horren bidez, profesionalek eta argazkilaritza-zaleek hilerriarekin lotutako erretratuak eta irudiak aurkeztuko dituzte. Lehiaketa 9:00etan hasi eta 14:00ak arte luzatuko da, eta hilerriko kultura eta ondare arkitektoniko, artistiko eta paisajistikoa nabarmendu nahi ditu.

Maiatzaren 7an, omenaldia ama guztiei

Martxoan aitekin bezala, hilerriak omenaldia egingo die amei ere. Ekitaldia maiatzaren 7an (domeka) egingo da, 12etan. Bilbao Zerbitzuak elkartearen helburua da, Amaren Egunaren ospakizunaren bitartez, familiek gogoratzea zein garrantzitsua den maite ditugunekin eta hurbilekoekin egotea eta merezi duten maitasuna ematea. Jarduera poesia-errezitaldi bat izango da, emakumezko talde bokal batek lagunduta. Era berean, 125 bouket/margariten lore-sorta/lore bariatu banatuko dira bertaratutakoen artean, agortu arte.

Ekainaren 4an, pintura azkarreko II. lehiaketa, aire zabalean

Bilbao Zerbitzuak erakundeak Bilboko hilerriaren aire zabaleko pintura azkarreko II. lehiaketa deituko du ekainaren 3an, hilerriko aberastasun artistiko, kultural, historiko-artistiko, paisajistiko eta hileta arloko aberastasunari balioa emateko. Hileta-artearekin lotutako pinturak aurkeztuko ahal izango dituzte parte-hartzaileek, arreta berezia ipinita alderdi monumental, artistiko, paisajistiko eta ezohikoei, hileta-sinbologiari eta ondare-balioari, baita Bilboko udal-hilerriaren esparruan dagoen bake- eta harmonia-sentsazioari buruzkoa ere. Pinturako II. lehiaketa 08:30etik 14etara egingo da. Halaber, poesia-errezitaldi bat egingo da, musika klasikoarekin batera, egun berean, 12:00etan, Bilboko udal-hilerriko kaperan. 55 minutuko iraupena izango du, gutxi gorabehera.

Uztailaren 1ean, gaueko ibilbidea pertsona ospetsuen hilobietatik

Bilboko hilerrian, uztailaren 1ean, gaueko bisita bat egingo da, antzeztua eta gidatua, aurrerago zehaztuko den ordutegian, 21etatik edo 21:30etik eta 22:30era edo 23etara bitartean. Bisita horretan, bertaratutakoek hilerrian ibili eta hura deskubrituko dute, inoiz imajinatu ez duten moduan eta kandelen argitan. Bisitan, hilerrian lurperatutako zenbait pertsonaia ospetsuren istorioa antzeztuko da, txistu-musikarekin eta musika klasikoarekin lagunduta. Era horretan, bada, gizarteari hurbilduko diogu hileta-kultura, “tresna pedagogiko” baten moduan, osagai batzuk eta besteak nahastuko dituen ekimen batean, bitariko formatu batekin, alegia, bisita gidatu eta “performance” gisara.

Azaroaren 1ean, omenaldia hildako guztiei

Domu Santu egunean, azaroaren 1ean, Bilboko hilerriak VI. Kontzertu Lirikoa antolatu du. Kontzertua azaroaren 1ean (martitzena) egingo da, 13:00etatik 14:15era bitartean, eta, bertan, maite izan ziren eta utzi gintuzten pertsonak gomutatuko ditugu, konpositore ospetsuenen (Mozart, Puccini, Verdi, Donizetti, Bach, Schubert, Sorozabal, Webber, Caccini, Franck, Morricone) musika-lan sakratuen hautaketa zainduaren eta delikatuaren interpretazioaren bidez. Kontzertu lirikoan Bilbao Bel Canto Elkarteko soprano batek, tenore batek, biolin batek, biola batek eta piano batek hartuko dute parte. Gainera, bertaratu ezin diren pertsonentzat, ekitaldia zuzenean emango dute Telebilbao tokiko telebista-katearen bitartez.

Domu Santu Egunari lotutako sukaldaritzako errezeten I. lehiaketa

Aurten, nobedade gisa eta Domu Santu Egunari lotutako sukaldaritzako errezetak gogoratu eta sustatzeko, Bilbao Zerbitzuak erakundeak data horri lotutako sukaldaritzako errezeten I. lehiaketa deituko du. Lehiaketan parte hartu nahi dutenek beren errezeta gogokoenak helaraziko dizkiote Bilbao Zerbitzuak erakundeari, osagaiak eta nola egiten dituzten deskribatuz, edozein bitartekoren bidez, baita bideo bidez ere. Ondoren, Bilboko Goi Mailako Ostalaritza Eskolako (ESHBI) sukaldariek osatutako epaimahai batek bi errezetarik onenak aukeratuko ditu, eta haien egileak gonbidatuko ditu Erriberako Merkatuko Sukalde Eskolan egin ditzaten, ESHBIko arduradun batekin batera. Telebilbaok grabatu egingo du errezeta nola egiten den eta bere programazioaren barruan emango du.

Musika kontzertuak

Iaz egin zen bezala, Bilbao Zerbitzuak erakundeak berriz antolatu nahi du saxo- eta piano-kontzertua, Iñaki Bermúdez saxofonistaren eskutik. Eguna oraindik zehaztu barik dago. Gainera, Bilboko hilerrira bigarren musika-kontzertu bat eramateko lanean ari dira. Akordioren bat lortu bezain laster, ekitaldi horien datak argitaratuko dira.

Espainiako Hilerrien 2022ko lehiaketaren irabazlea

Iaz, Bilboko Udal Hilerriak lehenengo saria irabazi zuen Espainiako Hilerrien Lehiaketan, Ingurumen Ekimen Onenaren kategorian, eta hirugarren saria lortu zuen Jarduera Publiko Onenaren kategorian. Epaiaren arabera, Bilboko Udal Hilerria bat dator uriko ingurumen-estrategiarekin, CO2ren arloan neutrala izateko, klima-aldaketaren aurrean erresilentzia izateko eta ingurumen-kalitatean osasungarria izateko erronka betetzeko. Horretarako, 266 eguzki-plaka fotovoltaiko instalatu ditu atmosferara isurtzen diren berotegi-efektuko gasak murrizteko, bai eta osasunerako kaltegarriak diren kutsatzaile atmosferikoak murrizteko ere. Gainera, 2022. urtearen amaieran, ibilgailu-flota berritu zuen, eta errekuntzako lehengo ibilgailuen ordez elektriko berriak jarri zituen. Epaimahaiak bigarren sari bat eman zuen, oraingoan Jarduera Publiko Onenaren kategorian, 2022ko uztailean egindako gaueko bisita gidatuagatik eta antzerkiagatik.

2022KO jarduketa nagusiak

Eguzki-plaka fotovoltaikoak instalatzeaz eta ibilgailu-flota berritzeaz gain, Bilbao Zerbitzuak erakundeak hainbat jarduketa egin ditu Bilboko udal-hilerrietan. Alde batetik, galeria edo klaustrorako sarbidea hobetu egin da, bi espaloi beheratuta, eta Kaperaren alboetan sarbide-arrapala bana egiteko esku hartu baita; hala, hobetu egin da Bilboko udal-hilerrira joaten diren bisitarien –bereziki, mugikortasun urria pertsonena– bizi-kalitatea. Era berean, urte osoan zehar pintatu, garbitu, landareak eta parterreak zaindu, zuhaitzak inausi eta zuhaixkak inausi ohi dira, eta lorezaintza egokitzeko hainbat lan egin dira hainbat lekutan. Bestalde, atmosferara isurtzen diren berotegi-efektuko gasak murrizte aldera, funtzionatzeko erregai fosilak baliatzen zituzten inausteko makinak, sasi-garbitzeko makinak, erremintak eta abarrak berritu eta baliokide elektrikoekin ordeztu ditu Bilbao Zerbitzuak erakundeak. Era berean, Bilboko hilerriko zuhaitz, zuhaixka eta belar-landare espezie bakoitzaren inbentario zehatza egin da, eta eraikin guztien irisgarritasuna eta argiztapena hobetzeko proiektu bat idatzi da.

2023ko Bilboko hilerriko kultur agenda (PDF)

Ordainagiriak otsailaren 20tik martxoaren 27ra kobratuko dira.

Titularrei ordainketa errazteko, ohikoez gain, online ordaintzeko modalitate berriak gehitu dira Euskadiko Ordainketa Pasabidearen bitartez.

Bilbao Zerbitzuak-ek otsailaren 20an irekiko du Bilboko eta Deustuko hilerrietako elementu komunak kontserbatzeko, mantentzeko eta garbitzeko zerbitzuak emateagatiko tasak ordaintzeko epea. Tasa horren ordainketa helbideratuta dutenei epealdiaren azken egunean kobratuko zaie, errekargurik gabe, hau da, martxoaren 27an. Bankuan helbideratuta ez dauden gainerako ordainagirietan, ordaintzeko epea otsailaren 20tik martxoaren 27ra artekoa izango da.

Ordainketa Kutxabanken edo BBVAren edozein bulegotan egin ahal izango da, banketxe bakoitzak ezarritako egun eta orduetan, titularrek etxean jasoko duten inprimakia aurkeztuz. Berritasun gisa, aurten, titularrei izapidea errazteko, ordainketa Euskadiko Ordainketa Pasabidearen bidez ere izapidetu ahal izango da: aipatutako erakundeen banka elektronikoaren bidez, Bizum, MiPago Wallet edo edozein kreditu-txartel erabilita. Bide horri erabilita ordaintzeko, nahikoa izango da ordainagiriaren QR kodea eskaneatzea eta ordainketa-metodoa aukeratzea edo eskatutako datuak sartzea. Epea igarotakoan, ordainagirien ordainketa betearazpen-bidetik eskatuko da, dagokion errekarguarekin.

Helbideratu gabeko kasu horietan, Bilbao Zerbitzuak-ek hurrengo urteetarako, ordainagiriari dagokion atalean bankuko datuak emateko eta adierazitako bitartekoen bidez helarazteko aukera eskaintzen du.

Kanpaina honetan 20.659 dira tasa hori ordaindu behar duten Deustuko eta Bilboko udal-hilerrietako emakidak, kapera, panteoi, hilobi edo horma-hobi izan. Bilbao Zerbitzuak-ek 429.203,05 € bilduko ditu kontzeptu horrengatik (zeharkako zergak kanpo).

Gaur egun, zenbait emakida mugaeguneratu barik daude norbanakoen eskuetan, eta ez dago horien helbide eguneraturik. Hori dela eta, informazio hori eman dezatela eskatzen zaie titular horiei, erakundeak eskura dituen harremanetarako bitartekoen bidez, jakinarazpenak epearen barruan bidali ahal izateko eta etorkizunean tasa horren errekargurik egon ez dadin.

Kontserbazio-tasa horren bidez, Bilboko eta Deustuko Udal hilerrietako eremu komunak, bideak, zuhaitzak eta instalazio orokorrak kontserbatzen, mantentzen eta garbitzen laguntzen da, emakiden titularren kontura. Ehorzketa-unitateak garbitzea eta mantentzea ez da sartzen, horien erantzukizuna emakidaren titularrarena baita.

• • Ehuneko ehun elektrikoa den eta zero igorpeneko “0” etiketa duen flota berriak, 5 ibilgailu osagarri, lanerako furgoneta 1, hileta-zerbitzuen erabilerarako furgoneta 1 eta 2 turismo ditu.
  •  Erregai fosilak erabiltzen zituzten erremintak eta makina txikiak, inausgailuak edo sasiak kentzeko makinak, besteak beste, ere ordeztu dira, eta horien ordez kutsagarriak ez diren erreminta elektriko baliokideak eskuratu dira.

Bilbao Zerbitzuak-ek Udal Hilerrien parke mugikorra berritu du, eta ibilgailu zaharren ordez ibilgailu seguruagoak eta jasangarriagoak eskuratu ditu. Flota berriak 5 ibilgailu osagarri, lanerako furgoneta 1, hileta-zerbitzuen erabilerarako furgoneta 1 eta 2 turismo ditu, ehuneko ehun elektrikoa da, zero emisioko “0” etiketa elektrikoa du, eta 28 urte zituzten errekuntzako bost ibilgailu ordezkatu ditu, gasolinazkoak eta dieselak, eta 15 urte zituzten zuten eta kutsatzaileagoak ziren beste hiru.

Horrez gain, Bilbao Zerbitzuak-ek erregai fosilak erabiltzen zituzten erremintak eta makina txikiak horien baliokide elektrikoengatik ordeztu ditu, inausgailuak eta sasiak garbitzeko makinak, besteak beste.

Yolanda Díez Bilboko Udaleko Alkateorde eta Osasun eta Kontsumoko zinegotziak adierazi duenez, “energia aurrezteko eta energia berriztagarriak, energia-eraginkortasuna eta mugikortasun jasangarria sustatzeko eta ezartzeko ekimena da, eta, aldi berean, jasangarritasunarekin eta ingurumen eragina, berotegi-efektua eta kutsadura termikoa murriztearekin dugun konpromisoa sendotzen dugu”.

Ibilgailu berriek langileak leku batetik bestera eramateko segurtasun eta ahalmen handiagoa ematen dute. Horrela, Udal Hilerrietan erabiltzen den materiala garraiatzeko zama-espazio zabala dagoenez, Bilboko Hilerriaren barruan erabiltzeko edo objektuak eta pertsonak Deustuko Hilerrira edo Hiriko Udal Merkatuetara eramateko erabiliko dira.

Zerbitzuaren kalitatea hobetzeko asmoz, Bilbao Zerbitzuak-ek neurri berriak ezarri ditu, Bilboko Udal Hilerriko autokontsumo energetikoa, besteak beste. Horretarako, hamar eraikinen estalkien gainean 266 eguzki-plaka instalatu dira edo Bilboko Hilerriko sarrerako aparkaleku publikoan lau ibilgailu elektriko aldi berean kargatzeko bi karga-puntu instalatu dira, besteak beste.

Tresna hau Bilboko hilerrian eta Deustuko hilerrian dago erabilgarri eta bisitariei aukera ematen die gehien maite dituzten pertsonen hilobiak azkarrago eta zehaztasun handiagoz identifikatzeko.

Joan den azaroaren 1ean, 2022ko Domu Santu egunean, behin-behinekoz jarri zen martxan zerbitzua eta 1.000 erabiltzaile baino gehiago izan ditu.

Bilbao Zerbitzuak etxadien koloreak erreferentziatuko dituen mapa bat ezarri nahi du, hilobiak kokatzea errazagoa izan dadin.

Bilboko Udaleko Osasun eta Kontsumo Sailak tresna telematiko berria jarri du abian Bilboko eta Deustuko udal-hilerrietako hilobiak aurkitzeko, web-orrian dagoen inprimaki erraz baten bidez. Joan den azaroaren 1ean, 2022ko Domu Santu egunean, behin-behinekoz jarri zen martxan zerbitzu berri hau eta 1.000 erabiltzaile baino gehiago izan ditu.

Lan informatiko sakon baten ondoren, udal-artxiboetan dauden ehunka mila identitate eta eguneroko gorabeherak (ehorzketa berriak edo lekualdatzeak) sisteman sartu dira, posible da hilerri biak ireki zirenetik lurperatu den edozein pertsona aurkitzea. Gainera, hilerriaren planoa ere erakusten da, hobiaren edo nitxoaren kokapen zehatza adierazten duena.

“Hurbiltzen diren pertsona asko, senideak eta maite dituzten pertsonak bisitatzeaz gain, Bilboko Hilerriko ondare arkitektonikoa miresten eta korridore amaigabeetan ibiltzen dira. Horregatik, Bilbao Zerbitzuak erakundeak egonaldia erraztu nahi die bisitariei lokalizazio-tresna berri honekin”, adierazi du Yolanda Díez Bilboko Udaleko Osasun eta Kontsumo Saileko zinegotzi ordezkariak.

Tresna erabilgarria, intuitiboa eta praktikoa da, eta, urrats erraz batzuei jarraituz, eskatutako informazioa lortzen da. Izenaren, lehen abizenaren, bigarren abizenaren eta heriotza-urtearen arabera egin daiteke bilaketa. Pertsonaren izena oso arrunta bada, bilatzaileak hildakoaren bigarren abizena eskatuko du eta horrela behin eta berriro. Pertsona aurkitu ondoren, ordenagailuak zehazki adieraziko du non dagoen ehorzketa lekua, etxadia, zenbakia, hilobia/panteoia/nitxoa eta, kasu gehienetan, gutxi gorabeherako kokapena duen planoa.

Bilbao Zerbitzuak mapa intuitiboago bat lantzen ari da, etxadien koloreak aipatuko dituena eta bilaketa erraztuko duena, hobeto ikus dadin. Tresna honetako datuak erregistratzeko prozesua datu publikoekin egiten da eta Datu Pertsonalak Babesteko eta Eskubide Digitalak Bermatzeko Legearen arabera egiten da; beraz, erabat segurua da.

Bilbao Zerbitzuak erakundeak beste zerbitzu bat ere jarri du martxan, 3D kamera bidezko digitalizazioaren bidez 3.500 argazki esferiko baino gehiago hartu dituena. Funtzio horri esker, erabiltzaileek paseo birtuala egin dezakete Bilboko Hilerritik, Google Mapsen bidez.

Hauek dira Bilboko Udal Hilerrietako tresna birtualetarako estekak:

• Bilboko Hilerrian hilobiak aurkitzeko lokalizatzailea
• Deustuko Hilerrian hilobiak aurkitzeko lokalizatzailea

Bilboko Udal Hilerriak Ingurumen Ekimen Onenaren kategorian lehen postua lortu du eta “Adiós Cultural” aldizkariak antolatutako Espainiako Hilerrien Lehiaketako Jarduera Publiko Onenaren atalean hirugarrena. Yolanda Díez alkateorde eta Osasun eta Kontsumoko zinegotziak balioa eman dio “Bilboko Udalaren estrategiari, udal-hilerriak modernitatera egokitutako zerbitzuaren bertsio berri bat izan daitezen”. Yolanda Díez alkateorde eta Osasun eta Kontsumo Saileko zinegotziak “Adiós Cultural” aldizkariak Bilboko hilerriari eman dion saria –Ingurumen Ekimen Onenaren atalean- jaso du gaur, Madrilen. Bilboko hilerriak hirugarren saria ere eskuratu du Jarduera Publiko Onenaren kategorian. Yolanda Díezek, hunkituta, adierazi du “nire esker ona agertu nahi dut sari honengatik, ilusio handiz jaso baitut Bilboko Udaleko alkateorde naizen aldetik, baina aldi berean, Bilboko Udaleko Osasun eta Kontsumo Saileko eta, baita Bilbao Zerbitzuak erakundearen talde osoaren ordezkari naizen aldetik; esan gabe doa aitortza hau eurentzat dela. Nire poza agertu nahi dut denon aurrean, nire lantaldean dena ematen duten profesionalak daudelako, eta gauzak ondo egiten direnean, eta Bilbon ondo egiten ditugu, saria dutelako”. Bilboko Udaleko alkateordeak Bilboko Udalaren estrategia nabarmendu du, alegia, udal-hilerriak ulertzeko eta eraldatzeko estrategia, hain konnotazio handiak dituzten espazioak izanik, modernitatera egokitutako zerbitzuak ematen dituztelako, hau da, “bizitzaren eta heriotzaren kontzeptu berrietara egokitua”. Estrategia hori funtsezko helburu hauetan laburbildu du: hilerrien interes historikoa, soziala, ingurumenaren arlokoa, artistikoa eta ondare-interesa aitortzea; bizi izan zen jendearen tokitzat aldarrikatzea, bizitzaz eta oroitzapenez betea; uriaren atal garrantzitsua, kontserbatu eta balioa eman behar zaiona; herritarrak jabearaztea hilerrietan ondare garrantzitsua dagoela, eta heriotzaren kontzeptua desdramatizatzea, bizitzaren zikloa baita; eta, nola ez, baliabide turistiko gisa duen ahala sustatzea.

Ingurumen Ekimen Onenaren lehen saria

Epaiaren arabera, Bilboko Udal Hilerria bat dator uriko ingurumen-estrategiarekin, CO₂ren arloan neutrala izateko, klima-aldaketaren aurrean erresilientea izateko eta ingurumen-kalitatean osasungarria izateko erronka betetzeko. Horretarako, eguzki-plaka fotovoltaikoak instalatu ditu eta, 2022aren amaieran, errekuntza-bidezko ibilgailu guztiak ibilgailu elektriko bihurtuko ditu.

Jarduera publiko onenaren hirugarren saria

Epaiak beste sari bat ere eman dio Bilboko hilerriari: hirugarren saria Jarduera Publiko Onenaren kategorian, uda honetan gauez egindako bisita gidatu eta antzerti-formakoengatik. Bilboko Hilerrian ehun bat pertsona bildu ziren uztailean, eta ordu eta erdian zehar, gutxi gorabehera, aukera izan zuten udal-hilerria ezagutzeko antzezpenez lagundutako ikustaldi batean; Bilbao Zerbitzuak erakundeak antolatu zuen, Bizkaiko Arte Elkartearekin lankidetzan.

Bilboko Udal Hilerriak Ingurumen Ekimen Onenaren kategorian lehen postua lortu du eta Adiós Cultural aldizkariak antolatutako Espainiako Hilerrien Lehiaketako Jarduera Publiko Onenaren atalean hirugarrena.

Asturias, Bilbo, Kantabria, Redondela eta Valentzia izan dira beren ortu santuen berezitasunagatik saritutako udalerri eta eskualdeak.

Yolanda Díez Bilboko Udaleko alkateorde eta Osasun eta Kontsumo Saileko zinegotziak datorren martitzenean, azaroak 22, jasoko du Bilboko Udal Hilerriak jaso duen saria, Adiós Cultural aldizkariak antolatutako 2022ko Espainiako Hilerrien Lehiaketaren epaiaren ondoren. Bilboko Udal Hilerriak Ingurumen Ekimen Onenaren kategorian lehen postua lortu du eta Jarduera Publiko Onenaren atalean hirugarrena. Asturias, Bilbo, Kantabria, Redondela eta Valentzia izan dira beren ortu santuen berezitasunagatik saritutako udalerri eta eskualdeak.

“Bilboko Udala, Osasun eta Kontsumo Saila eta Bilbao Zerbitzuak pozik eta eskertuta sentitzen gara, baina, batez ere, harro sentitzen gara aitorpen honetaz, Bilboko hilerriaren interes historiko, sozial, artistiko eta ondarezkoa eta uriburuan daukan trakzio-gaitasuna saritzen baititu” adierazi du Yolanda Díez Bilboko Udaleko alkateorde eta Osasun eta Kontsumo zinegotziak, azaroaren 22an Madrilen sariak jaso baino egun batzuk lehenago.

Asturias, Bilbo, Kantabria, Redondela eta Valentzia izan dira beren ortu santuen berezitasunagatik saritutako udalerri eta eskualdeak. Bilbao Zerbitzuak erakundeak Bilboko Udal Hilerria aurkeztu zuen Espainiako 2022ko Hilerriak Lehiaketan, hiru hautagaitzatan: Monumenturik Onena, COVID-19aren osasun-krisialdian hildakoen memorialagatik; Ingurumen Ekimen Onena, eguzki-plakak instalatu direlako eta errekuntza-bidezko ibilgailu guztiak ibilgailu elektriko bihurtu direlako urte amaierarako; eta Jarduera Publikorik Onena, uda honetan gauez egindako bisita gidatu eta antzerti-formakoengatik.

Ingurumen ekimen onenaren lehen saria

Epaiaren arabera, Bilboko Udal Hilerria bat dator uriko ingurumen-estrategiarekin, CO₂ren arloan neutrala izateko, klima-aldaketaren aurrean erresilientea izateko eta ingurumen-kalitatean osasungarria izateko erronka betetzeko. Horretarako, eguzki-plaka fotovoltaikoak instalatu ditu eta, 2022aren amaieran, errekuntza-bidezko ibilgailu guztiak ibilgailu elektriko bihurtuko ditu.

“Bilboko hilerria erabat jasangarria izatea lortu du Bilbao Zerbitzuak erakundeak”, azpimarratu du Yolanda Díez alkateordeak. Jarduera hau nitxoen hamar eraikinen teilatuetan eta hilerriko langileen aldagela-eraikineko bi isurialdeko teilatuan egin da. Hain zuzen ere, instalazioa autokontsumo erregimenean dabil, sare elektrikoari konektatuta. Hau da, soberan geratzen den energia sarera sartzen da, eta horrela konpainia elektrikoaren fakturan soberakinak konpentsatzen dira. Hala, Bilbao Zerbitzuak erakundeak soberan sortutako energiaren etekinak eskuratzen ditu, kontsumorako beharrezkoa ez bada.

Bigarren fasean, Bilbao Zerbitzuak erakundeak ibilgailu elektrikoak kargatzeko 4 puntu jarriko ditu: haietako bi bisitariek erabiltzeko, eta beste biak hilerriko mantentze-lanetako ibilgailuentzat. Era berean, kontratazio-prozedura bi hasi ditu, gaur egungo errekuntza-bidezko ibilgailuen flotaren ordez ibilgailu elektrikoak erabiltzeko. Ingurumen- eta jasangarritasun-neurri horiek guztiek irabazi dute Espainiako hilerrien artean Ingurumen Ekimen Onenaren kategoria.

Jarduera publiko onenaren hirugarren saria

Epaiak beste sari bat eman dio Bilboko hilerriari, eta hirugarren saria eman dio Jarduera Publiko Onenaren kategorian, uda honetan, zehazki uztailean, gauez egindako bisita gidatu eta antzerti-formakoengatik. Castro Urdialesko (Kantabria) Ballenako hilerria lehen saria lortu badu ere, kategoria horretan Valentziako hilerriak zeuden, bigarren postua eskuratu dutenak, bai eta Reus eta Bilboko hilerriak ere, beren ekimen publikoekin hirugarren postuan geratu direnak.

Bilboko Hilerrian ehun bat pertsona bildu ziren uztailean, eta ordu eta erdian zehar, gutxi gorabehera, aukera izan zuten udal-hilerria ezagutzeko antzezpenez lagundutako ikustaldi batean; Bilbao Zerbitzuak erakundeak antolatu du, Bizkaiko Arte Elkartearekin lankidetzan. Ikustaldia beste kultur jarduera bat da, Bilboko udal-hilerria ezagutarazteko eta kulturaren, historiaren eta artearen, paisaiaren eta hileta-kulturaren aldetik hilerria zer ondare baliotsua den agertzeko egiten ari diren kultur jardueren artean.