Kopa irabazteko ametsa bizirik duten milaka eta milaka athletic zaleren ilusioaren erakusle bihurtu da egunotan Bilboko Erriberako Merkatuko pantaila. Larunbat honetatik, apirilaren 3tik, eta egunero, 08:00etatik 21:00etara, Bilboko udal-merkatu nagusiko pantaila handiak azken Superkoparen ospakizun-bideoa emango du, erabiltzaileek eta bisitariek une oro gozatu ahal dezaten, Athletic Cluben eta Bilbao Zerbitzuaken arteko lankidetzari esker.

Bilbao Zerbitzuakek bat egin du pandemiaren ondorioz une gazi-gozoa bizitzen ari den hiria ereiten duten Athletic bultzatzeko ehunka ekimenekin. Egoera horregatik hain zuzen ere, hiriak horrelako pozak behar ditu. Pauso zailenak dira, baina baita politenak eta desiratuenak ere. Erriberako merkatuak alaitasuna, harrotasuna eta grina zabalduko ditu zelai kanpotik, baina ertzetik oso gertu. Superkopako ametsa lortu dugu. Segi dezagun elkarrekin ametsetan! Aupa Athletic!

Bilboko Goi Mailako Ostalaritza Eskolak (ESHBI) ikastaro eta tailer gastronomiko sorta zabala
eskaintzen du Erriberako Merkatuko Gastronomia Gelan. Tako mexikarrak, euskal sukaldaritza, barazki beteak edo Thai sukaldaritza dira, zalantza barik, parte hartzen duten sukaldari afizionatuak gozatzera eramango dituzten gai nagusietako batzuk. Izena emateko azkar ibili beharko dute, plazak hegan doaz eta.
Ikastaroak prezio desberdinetakoak dira, bi ordu inguruko iraupena dute eta Erriberako Merkatuko bigarren solairuan dagoen Gastronomia Gelan ematen dira. ESHBIk urtean zehar programatutako jardueren artean hauek daude: zaleentzako ikastaro laburrak, Bilbo bisitatzen duten turistentzako proposamen gastronomikoak, prestakuntza-zentroetarako jarduera gastronomikoa hiru hizkuntzatan (euskaraz, gaztelaniaz eta ingelesez), enpresa eta talde itunduentzako ikastaroak… Aukera ugari denentzat.

Bideoa

“Milan Pact Awards”-ek Erriberako Merkatuko bideo bat aukeratu du finalista gisa. Bizitzen ari garen une zail honetan, Milan hiriak eta Cariplo Fundazioak Milan Pact Awards, “Milan Pact Talks” delakoaren edizio berezi bat egitea erabaki zuten. Hirietako elikadura-politikez arduratzen diren taldeak, udal-merkatuak horren adibide garbia izan dira, neurri ugari hartu dituzte pandemiak ezarri dituen erronkei aurre egiteko, eta Erriberakoa izan da horietako bat.

Bilboko Udaleko Osasun eta Kontsumo Sailak aukera baliatu du hiriak eta bertako eragileek bat egin dezaten, pertsonen eta ezagutzen komunitatea indartzeko ez ezik, baita indarrak konbinatzeko ere, elikadura-sistemaren egungo eta etorkizuneko erronkei hobeto aurre egiteko. Pandemia garaian, lankidetza izan da arrakastaren giltza, eta hala izaten jarraitzen du.

Martxoaren 15etik eta apirilaren 15era, musika-tresnen soinuak sortu ahal izango dira erabiltzaileek Erriberako Merkatuko eskailerak zapaltzen dituztenean; pianoarenak, tronboiarenak, kontrabaxuarenak eta organoarenak entzungo dira, besteak beste. Pandemiak kaltetutako sektoreei laguntzeko udalak prestatutako Bilbao Aurrera Planean jasotako sormen- eta kultura-proiektuetako bat da

Martxoaren 15etik, astelehena, eta apirilaren 15era, asteazkena, eskailera musikolorista bat izango dugu Erriberako Merkatuko eskaileretan. “Erriberako Soinuak” da instalazioaren izena, eta Bilbao Aurrera 2020 Planaren barruan kultura- eta sormen-industriari zuzendutako laguntzen deialdian Bilboko Udalak hautatutako sormen- eta kultura-proiektuetako bat da.

Merkatuko erabiltzaileek Erriberako Merkatuko eskailerak zapaltzen dituztenean, kolore bati lotutako dardara bat sortuko da, eta horrek, aldi berean, soinuak igorriko ditu, kanpaiena, pianoarena, tronboiarena, kontrabaxuarena, bibrafonoarena, organoarena, txalapartarena, saxofoiarena edo sitarrarena, besteak beste. Soinuak ordu erdiro entzungo dira 09:00etatik 19:00etara.

Soinuak: Kanpaiak,pianoa, tromboa, kontrabajoa, bibrafonoa, organoa, txalaparta, saxoa, sitarra

Informazio gehiago izateko: JYT Kreaktibos. Txarly Marqués 638138445

Agustin Herranz kazetari ezagunak gidatzen duen “Asuntos Exteriores” Herri Irratiko irratsaioaren set bihurtu da Erriberako Merkatua gaur goizean. Merkatuaren erdiko ataritik zuzenean eman da saioa, Yolanda Díaz Bilboko Udaleko Osasun eta Kontsumo zinegotzi eta Bilbao Zerbitzuak-eko presidentearen, Ana Collia Udaleko Sail horretako zuzendariaren eta Asier Beato Erriberako Merkatuko Merkatarien Elkarteko presidentearen bisitarekin, besteak beste.

Bilboko udal merkatuek pizten duten interes mediatikoaren beste erakusgarri bat da; izan ere, gero eta maizago bihurtzen dira bat-bateko telebista-plato, irrati-set, elkarrizketa-topagune. Azken batean, merkataritza-topagune, gizarte-topagune, aisialdi-gune eta bizitza-gune horietan interesa duten komunikabideetarako oso gune garrantzitsu bilakatu dira.

Erriberako Merkatuko Merkatarien Elkarteak saria jaso du pandemian egindako lanarengatik eta ekarpen aktiboarengatik. Bilboko hurbileko merkataritza sustatzeko konpromisoari leial, otsailaren 23an eta 24an, Mercabilbaok aintzatespena eman die Bilbao Dendak osatzen duten 13 merkatari elkarteei eta Bizkaiko Ostalaritza Elkarteari, osasun-krisi honetan milaka familia produktu fresko eta kalitatezkoekin elikatzen jarraitzeko egiten ari diren lanarengatik eta ahaleginarengatik.

“Gertu erosiz, urruti iritsiko gara” lelopean, kanpainaren irudi den Gurutze Beitia aktoreak, diploma bat eta Juan Mari Aburto Bilboko alkatearen gutun bat eman dizkio Asier Beato Erriberako Merkatuko Merkatarien Elkarteko presidenteari, eta, horrela, inoiz baino gehiago, hurbilago dagoen eta arduratsuagoa den merkataritzaren eta ostalaritzaren alde apustu egitearen garrantzia azpimarratu du.

ETB-2ko “a Bocados” sukaldaritza saioak Erriberako Merkatua bisitatu du, baina oraingoan bere interesa ez da horrenbeste bere jarduera komertzialera bideratu, horretara ere zuzendu den arren, gehien bat bere historian zentratu da. Jose Antonio Fernandez Celada Bilbao Zerbitzuak-eko gerentearen eta Ascen Andres eta Floren Crespo merkatari beteranoen eskutik, Bizkaiko hiriburuko udal merkatuaren historia eta legatuaren sustrai sakonak, eta urteak igaro ahala merkataritza jarduerak izan duen bilakaera errepasatu dituzte.

Telebista taldea, San Anton zubitik, irteeraren zain dagoen itsasontzi distiratsu bat gogorarazi dezakeen Erriberako perlaren kanpoaldean aritu da, eta baita barrualdean ere. Merkatari, erosle, turista eta bisitarien, kalitatezko produktuen usain eta koloreen, eta preziorik eta traturik onenaren artean ibili dira.

Bilboko XI. Ja Jaialdiaren barruan dagoen Umore Grafikoaren VI. Eskola Lehiaketaren sari banaketa Erriberako Merkatuan izan zen abenduaren 19an. Oso edizio berezia eta beharrezkoa, zalantza barik, umore onari eustea zailtzen ari den pandemiaren erdian. Izan ere, hori da hamarkada bat baino gehiagoko ibilbidea duen lehiaketaren helburua. lLehiaketaren irabazleak bertara hurbildu dira sariak jasotzera: 100 euroko kupoiak, Cámara eta Joker Comics liburu-dendetan gastatzeko.

Lan irabazleak eta finalistak, abenduaren 19tik 27ra Erriberako Merkatuan ikusgai dagoen erakusketa baten parte dira. Yolanda Diez Bilbao Zerbitzuak elkarteko presidentea ere bertara hurbildu da, urtero bilbotarren umore ona goratzen duen jarduera honetan Erriberako Merkatuak duen prestasuna erakusteko. Zorionak, irabazleei eta irakasleei.

AZOKARTEAN Bilboko 5 udal merkatutan erabiltzen ez diren 6 postutan gertatzen den erakusketa-proiektua da, non 6 artista desberdinen lana erakusten den, Bilbao Arte Fundazioarekin elkarlanean aukeratu direnak.

Proposamenak BILBAO BIZKAIA DESIGN WEEK 2020-aren (BBDW20) ospakizunarekin batera geratuko dira instalatuta azaroaren 23an, eta irekita egongo dira hilabetez, abenduaren 19ra arte.

Lanak hainbat diziplina artistikori buruzkoak dira: argazkilaritza, pintura, arte digitala, ikus-entzunezkoak, arte plastikoak, etab. Lan guztien abiapuntua Covid-19 da, eta gure artean 2020. urtearen hasieran sartu zenetik eratorritako errealitateak.

AZOKARTEAN gure artisten lana zabaltzen laguntzeko helburuarekin sortu da, pandemiaren ondoriozko murrizketetatik eratorritako edozein eszenatokitan herritarrek kalitatezko ekimen kulturalak gozatu ahal izango dituztela ziurtatzeko. Gainera, artea espazio berri batera hurbildu nahi da, normalean horrelako ekimenak egiten edo kontsumitzen ez dituzten publikoentzat ateak ireki nahi dira eta, era berean, tokiko merkatuetan kontsumoa sustatu nahi da erakargarria den gehigarri baten bidez.

AZOKARTEAN Maraka diseinu estudioaren ekimena da, Bilboko Udalak bideratutako Bilbao Aurrera programak diruz lagundua. Marakak erakunde eta enpresek dituzten errealitate berrietarako erantzunak diseinatzen ditu. Diseinua aplikatzen du errealitate berriak erakunde, bezero eta erabiltzaileei balioa ematen dieten berrikuntza-aukera bihurtzeko.

KONTAKTUA: info@maraka.co

645739384 / 605720404

“Artea merkatuetan” kartela bistaratzea.

Erosketak Erriberako Merkatuaren webgunetik sartzen den Kibus plataformaren bidez egiten dira.

Erriberako merkatuko erosketak Bilbotik, Basauritik eta Etxebarritik bakarrik egin ahal izango dira. Erosketa Kibus webgunetik egiten da, eta merkatuaren webgunean bertan kontsulta daiteke.

Webgunearen bidez, merkatutik buelta bat eman, postu bakoitza bisitatu eta egun horretako salgaiak zuzenean ikus daitezke. Eskaerak ere egin daitezke, hau da, arraina nola nahi den eta merkatuan bertan nola zehaztu daiteke.

Eskaera goizeko 10:00etatik gaueko 9:00etara banatuko da, eta larunbatetan 17:00ak arte. Nahi den ordu-tartea aukera daiteke: bi ordu-tarte ditugu goizez eta bi ordu-tarte arratsaldez.

Eskatutako produkturen bat eduki ezean, zuzenean kenduko dira orgatik eta, jakina, baita zenbatekoa ere. Nolanahi ere, webguneak beste aukera bat emango dio aukeratu duen produktuari, betiere prezioari eta ezaugarriei dagokienez antzekoena den produktua kontuan hartuta.

Erosketa eguneko edozein unetan egin daiteke; izan ere, erosketa lehen orduan eginez gero, baina arratsaldeko azken orduan entregatzea nahi izanez gero, espazio hoztuetan eta kontserbatzeko behar diren baldintzetan egongo da erosketa. Kontuan izan behar da merkatuko postuak 15: 00etan ixten direla; beraz, ordu hori igarotakoan eskaera eginez gero, eskaera hurrengo egunean egingo da.

Edonola ere, edozein kontsulta egin daiteke 680 390 680 telefonora deituz edo idatziz edo hola@kibus.onlinehelbide elektronikora mezua bidaliz.