Euskal sukaldaritza tradizionala mundu mailan ezagunenetakoa da, bai bere aniztasunagatik, bai bere aberastasun eta zaporeagatik. Plater tradizionalenak belaunaldiz belaunaldi transmititzen joan dira, ezaugarritzen dituen zapore berezi eta bakarra zainduz.

Ikastaroa datorren irailaren 21ean, larunbata, egingo da, 11etan, Erriberako Merkatuko Sukaldaritza Eskolan, eta aukera paregabea da gure lurraldeko gastronomian aditua izateko eta gure kostaldeko produkturik onenetako baten, legatzaren, sekretuak ezagutzeko.

Tailerra Bilboko Ostalaritza Goi Eskolak (ESHBI) emango du, eta produktu honen bi prestaketa tradizionaletan oinarrituko da, legatza ondarrutar erara eta saltsa berdean.

Lehenengoa, bere sinpletasunaz gain, zaporez beteriko gisatua da, non legatza tomate saltsarekin, piperrekin eta tipularekin prestatzen den, produktuaren zaporea nabarmenduz. Bestalde, legatza saltsa berdean, gure sutegietan gehien estimatzen den beste plater bat, perrexil, baratxuri eta ardo zuriz egindako saltsan prestatzen da.

Erriberako Merkatuan aurkitzen dugun bertako produktu zoragarriak, ESHBIren esperientziarekin batera, partaide guztiek bi errezeta egingo dituzte lagunak eta senideak harritzeko.

Inoiz ez da berandu benetako chef izateko eta sukaldaritzako dohain berriekin senide eta lagunak harritzeko. Horregatik, Bilboko Ostalaritza Goi Eskolako (ESHBI) sukaldariak, Mikel Escuderok, sukaldaritzan hasteko ikastaro oso bat emango du. Erriberako Merkatuko Sukaldaritza Eskolan egingo diren tailer hauek aukera paregabea dira gastronomiaren mundu zoragarrian murgildu nahi dutenentzat.

Lau saio praktikoz osatutako ikastaro hau sukaldaritzan esperientzia osoa eta praktikoa eskaintzeko diseinatuta dago. Oinarrizko tresnak eta barazki-mozketak ezagutu, saltsak eta menu osoak prestatu, saio bakoitzak sukaldeko sekretuak modu dibertigarri eta eskuragarrian ezagutzera eramango zaitu.

Lehen saioa irailaren 3an izango da, eta ikasleek sukaldeko tresnak eta barazki-mozketak ikasiko dituzte. Bigarren klasean, irailaren 10ean, Mikel Escudero sukaldariak plater askoren oinarriak aztertuko ditu: saltsak adibidez. Gainera, fumet-a, hegazti hondoa, saltsa amerikarra eta saltsa bizkaitarra egiteko trikimailurik onenak erakutsiko ditu, baita otorduei zaporea emateko nola erabili ere.

Hirugarren klasean, irailaren 17an, arrozak eta lekaleak aztertuko dira, eta mota desberdinei eta egosteko metodoei buruz ikasiko da. Egun honetan babarrun zuriak saltsa berdean eta risotto goxoa prestatuko dira. Azken saioan, Erriberako Merkatuko Sukaldaritza Eskolako sukaldeen artean ikasitako guztia praktikan jartzeko, menu oso bat sortuko da, lehenengo plateretik hasi eta azkeneraino. Egunero menuak etxean antolatzeko trikimailuak erakutsiko dira eta tagliatelle perretxiko saltsarekin, lupia kalabazin eta tomate, soja eta almendra ozpinarekin, eta euskal goxua postrea prestatuko dira.

Erribera Merkatuko sukaldaritza eskola koilarazko plater aberatsez beteko da uztailean. Lehen prestakuntzak Peruko gastronomian zentratuko da, uztailaren 2an. Arroza errezetak ere, denak harritzeko modukoak, bere hitzordua izango dute hilaren 5ean.

Thai eta asiar gastronomia ere presente egongo da Erribera Merkatuko sukaldaritza eskolako sutegietan uztailaren 6an eta 17an, edozein mahaikide txunditzeko errezetekin. Sukaldaritza euskalduna ere egongo da, sukalki eta marmitako ikastaroarekin hilaren 18an. Baina, hori baino lehen, kroketak maite dituztenek hilaren 13an antolatutako tailerrean parte hartu ahal izango dute.

Bakailaoa pilpilean, legatza saltsa berdean, txipiroia, atuna… Uda sasoiko produktuek zapore aberatsez beteko dute berriro Erriberako Merkatuko sukaldaritza eskola ekainean zehar. Izan ere, uda, eguzkia, beroa, familia eta lagunekin biltzea… une ezin hobea da mahaikideak errezetekin harritzeko.

Teknika tradizionalenak eta abangoardistenak ikasteko, udak dakarren arrain barietate handiari etekina ateratzearren, ekainean 4 ikastaro egingo dira bertako eta sasoiko produktuei txinpartak ateratzeko.

Zehazki, hauek izango dira Erriberako Merkatuko sukaldaritza eskolak eskainiko dituen ikastaroak:

• Ekainak 8, larunbata (11:00etan): Legatza
• Ekainak 11, asteartea (18:30): Txipiroia
• Ekainak 22, larunbata (11:00etan): Bakailaoa bizkaitar erara eta pil-pil erara
• Ekainak 28, ostirala (18:30): Hegaluzea eta hegalaburra

Ekainaren 14an, ostirala, Bilboko Udal Merkatu batzuek ordutegiak aldatuko dituzte irailaren 14ra arte, biak barne, uda garaian erosketak egitea errazteko.

Zabalguneko edo Traukoko udal-merkatuek ohiko ordutegiari eusten dioten bitartean, Deustukoak, Otxarkoagakoak, Labayrukoak eta Erriberakoak aldatu egingo dituzte. Deustuko merkatua, adibidez, 8etatik 14etara irekiko da astelehenetik larunbatera eta uztaileko ostiraletan 17etatik 20etara. Otxarkoagakoa ere 08:00etatik 14:00etara irekiko da astelehenetik larunbatera eta 17etatik 19:30era ostiraletan eta jai-bezperetan. Eta Labayrukoak 9etatik 14etara emango du zerbitzua astelehenetik larunbatera eta 17etatik 20etara astelehenetik ostiralera, salbuespen batekin: ostegunetan fruta-denda bakarrik egongo da irekita. Abuztuan zerbitzua hiru merkatuetan murriztuko da, Deustuan eta Otxarkoagan ostiral arratsaldeetan itxita egongo da eta Labayrun zuzenean ez da arratsaldeko zerbitzurik egongo.

Erriberako azoka, bestalde, 8etatik 14:30era egongo da irekita astelehenetik ostegunera, 8etatik 14:30era eta 17etatik 20etara ostiral eta jai-bezperetan, eta larunbatetan 8etatik 15etara.

Urtero bezala, udaberriak, sasoiko produktuekin, usain aberatsez eta kolore biziz bete ditu berriro Bilboko zazpi Udal Merkatuak: Erribera, Zabalgunea, Deustu, Labayru, Otxarkoaga eta Trauko. Dieta osasungarri baterako osagairik onenez gain, urtaro bakoitzeko zaporeak nabarmentzen dituzten produktu lokal ugari aurkitzen dira; Bilboko merkatuetan Km0 produktuen kalitatea nabarmentzen baita.

Garai honetako frutak eta barazkiak, hala nola marrubi mamitsuak, gerezi lehergarriak, orburu moldakorrak, zainzuri samurrak, babarrun berde goxoak, edo udan berezkoak diren beste batzuk, albarikoke gozoak esaterako, azoketako postuetako erakusmahaiak betetzen dituzte jada, sukaldaritza freskoa eta osasungarria maite dutenentzat benetako esperientzia gastronomikoa eskainiz. Baina ez hori bakarrik, adituen arabera sasoiko elikagaiak kontsumitzeak organismoa hobeto garatzen laguntzen duelako, bereziki beroa gehiago estutzen duen urte sasoi honetan. Baratzeko produktuez gain, Bilboko merkatuak ere nabarmentzen dira arrain eta itsaski freskoen eskaintza zabalagatik, tokiko ekoizleen haragiagatik, artisau-gaztengatik eta ogi eta gozoki tradizional ugariengatik.

Horregatik guztiagatik, Bilbao Zerbitzuak tokiko produktuen kontsumoa sustatzearen eta inguruko ekoizle txikiei laguntzearen aldeko apustua egiten du, tokiko ekonomia dinamizatzen eta bizimodu jasangarriagoa eta osasungarriagoa sustatzen lagunduz.

Maiatzean Erriberako Merkatu Eskolako sukaldaritza ikastaroak kontinente ezberdinetako gastronomian murgilduko dira bertaratutakoei zapore berriak aurkezteko. Izan ere, lehen prestakuntza maiatzaren 3an eta 10ean izango da (18:30ean) eta Asiako gastronomiaren zaleei zuzenduta egongo da, sushi errezeta goxoekin: makis, uramakis, nigiris, sushi en tempura eta futomaki.

Pikantea maite dutenentzat hilaren 8an (18:30ean) tako mexikar ikastaroa izango da. Saioan zehar, saltsa eta lau tako mota prestatuko dira: artzainari takoak, arrachera takoak, pibil kotxinita eta suaderoko takoak.

Azkenik, arrainen munduan murgildu nahi dutenek izokin- eta atun gorri-tartar ikastaroa izango dute eskura maiatzaren 25ean, 11etan.

Apirilaren 5ean, 18:30etatik aurrera, Erriberako Merkatuko Sukaldaritza Eskolak gourmet hanburgesa ikastaroa eskainiko du. Parte-hartzaileek behi zahar eta pulled pork hanburgesak egingo dituzte, besteak beste.

Erriberako Merkatuko Sukaldaritza Eskolako sutegiek aktibo jarraituko dute hurrengo egunean, apirilaren 6an. Kasu honetan, jardunaldia arrozei eskainiko zaie. Bertaratzen direnek arroza egiteko teknika eta errezeta berriak ikasiko dituzte hastapen ikastaro honetan: arroza ahatearekin eta gari-zainzuriekin; eta arroza txirlekin saltsa berdean.

Udaberriko sasoiko produktuek usain gozoz eta kolore biziz beteko dituzte Erriberako Merkatuko sukaldaritza eskola. Izan ere, apirilaren 2an eta 9an, 18:30etik aurrera, bertako eta sasoiko produktuei txinpartak ateratzeko sukaldaritza ikastaroa egingo da.

Hain zuzen ere, udaberriak dakarren barazki eta ortuko produktuei etekina ateratzeko, beste ikastaro gastronomiko bat izango da apirilaren 13an. Parte hartu nahi dutenek bi errezeta prestatuko dituzte: berenjenen currya eta brokoli entsalada, babarrunak eta edamame lima eta kokorekin. Prestakuntza 18:30ean hasiko da.

Arrainak eta itsaskiak protagonista izango dira berriro ere martxo honetan Erriberako Merkatuko sukaldaritza eskolan. Plater aberats bezain ikusgarriak prestatzen ikasi nahi dutenek Bilboko Goi Mailako Ostalaritza Eskolak (ESHBI) arrain eta itsaskiei buruz antolatu duen ikastaroan parte hartu ahal izango dute hilaren 5, 12, 19 eta 26an, 18:30ean.

Itsas munduak bere tokia izaten jarraituko du hilaren 16an, atun eta izokin marinatuen sukaldaritza ikastaroarekin. Bertaratzen direnek gatzez eta azukrez marinatuko dituzte arrainak, hau da, denbora jakin batez urperatu eta lehortu egingo dituzte, hainbat emaitza lortzeko. Zenbat eta denbora gehiago marinatu, orduan eta kontzentratuago geratuko da zaporea, baita lehorrago ere.

Baina arrain eta itsaskien ikastaroen aurretik, Peruko sukaldaritza-tailer bat egingo da Erriberako Merkatuko sukaldaritza-eskolan. Prestakuntza martxoaren 2an izango da, 18:30ean.