Larunbatean, azaroaren 30rean, Bilboko Musika banda gaztea eta Bartzelonako Nou Barris Udal Musika Eskola, Erriberako Merkatuan aldaketa kontzertu bat eskaini zuten.

Emaldia eguerdiko 13:00 hasi zen eta gutxi gora behera ordu bat iraun zuen. Gazteek mota desberdinetako kantak jo zituzten, hau da, kanta modernoak zein tradizionalak, hala nola, Piratas del Caribe edo Rey León filmen soinu banda. Modu honetan Bilboko Musika eskola, Holandan, EEUU eta Ingalaterran dagoeneko egiten den joerari batzen da. Alegia, merkatu zentroak (kasu honetan Erribera Merkatua) antzeztoki modura erabiltzen dituzte, ikusleengana errazago ailegatzeko helburuarekin.

Kasu honetan, esan daiteke, aipatutako helburua lortu dela. Izan ere, musikariak bertara hurbildu zen jendearen eta merkatuaren epeltasunez inguratuta zeuden. Publikoa gustura zegoela nabarmendu zitekeen, baina aldi berean, harrituta zegoen, musikariek zuten mailarekin. Dena den, kasu honetan kolaborazio berezi bat nabarmendu behar da, Bilboko Txistu bandaren kolaborazioa. Bartzelonako banda gaztea, Txistulariekin biribilketa bat jotzeko aukera paregabea izan zuen.

Bilbao Musika eskola duela 5 urte jaio zen eta 14 eta 20 urte gazteek osatzen dute. Ekitaldi honekin bere lehenengo trukea egin du. Bartzelonako banda, aldiz, dagoeneko hainbat truke egin ditu, izan ere, Danimarkan, Frantzian, Ingalaterran eta Holandan egon dira. Eskarmentu handiko banda bat denez, larunbatean ikuskizun handi bat ikusteko aukera izan zen.

Batzelonako Nou Barris Udal Eskola Musikala, 50 gazteez osatuta dago. Mota azkotako kantak jotzen ditute baina batez ere, Kataluniako kanta, pelikula eta musikal tradizionalak nabartzen dira. Eskola honek Bartzelona Udaleko eskola musikalen barruan dago eta Nou Barris-en kokatuta dago.

Azaroaren 30eko hitzordura joan ezin zirenentzako, gazteek ekitaldia errepikatuko zuten, igandean bertan, hau da, abenduaren 1ean Arenaleko Kioskoan, eguerdiko 13:00etan.

Yolanda Díez Osasun eta Kontsumo Saileko zinegotzi ordezkariak eta Álvaro Ortiz de Zarate T4ko koordinatzaile nagusiak, bi erakundeen izenean, manifestu bateratu bat irakurri dute gaur.

Une hauetan, GIBa denen ahotan dabil, dela esposizio aurreko profilaxia (PrEP), dela diagnostikatzen diren kasuen kopurua, edo kasu horiekin zerikusia duten praktikak; eta, horren aurrean, Bilboko Udalak eta T4 elkarteak adierazi dute konpromisoa hartuta daudela GIBa erauzteko eta GIBaren bereizkeriaren kontra ekiteko, eta orobat prebentzioaren alde eta haren diagnostiko goiztiarraren alde. GIBaren-hiesaren aurkako Nazioarteko Eguna abenduaren 1ean izango den arren, Yolanda Díez Osasun eta Kontsumo Saileko zinegotzi ordezkariak eta Álvaro Ortiz de Zarate T4ko koordinatzaile nagusiak, bi erakundeen izenean, manifestu bateratu bat irakurri dute gaur.

Bilboko Udaleko Osasun eta Kontsumo Saileko zinegotzi Yolanda Díezek “prebentzioaren funtsezko eginkizuna” azpimarratu du. Zinegotziaren esanetan, “Bilboko Udalak bere konpromisorik zintzoena agertu nahi du “GIBak eragindako estigmaren eta diskriminazioaren aurkako borrokaren alde, bai eta prebentzio eta diagnostiko goiztiarraren alde ere”.

Diezek Bilboko Udala izan du aipagai, osasuna eta prebentzioa sustatzeko egiten duen lanagatik, lehentasunezko 6 ildo hauen bidez: gurasoen prestakuntza; prebentzioa nerabezaroan; prebentzioa gaztaroan; talde kalteberen prebentzioa indartzea; pertsona seropositiboen eta haien familien inklusioa faboratzea; eta gizarte- eta hezkuntza-bitartekariak gaitzea. Osasun eta Kontsumo Sailak hitzarmen bat du T4 elkartearekin, HIESaren birusak kutsatutako pertsonen eta haien sare sozialen Autolaguntza, Prebentzio eta Osasuna Sustatzeko Programak sustatu eta garatzeko udal esparruan.

Era berean, Erriberako Merkatuko topaketa baliatu da “Zu zeu zara serofobiaren aurkako sendabidea” goiburua daraman kanpaina hirukoitz hau osatzen duten totemetako bat jasotzeko, zeina haren alde bakoitzean ageri baita. 2,5 metro baino garaiago da totema, eta Deustuko Letren Fakultatean, Ertzilla kalean, Deustuko Ingeniaritza Fakultatean eta Leioako Hezkuntza Fakultatean egon da erakusgai, dagoeneko. Hurrengo kokagunea Arte Ederren Fakultatea izango du. Hiru kanpaina daramatza euskarri bakar batean: lehena, ” Orgullo de Cuidarnos /Harro eta Osasuntsu”; beste bat, “Hautemanezina=Kutsaezina”; eta, bestea, GIBarekin bizi diren pertsonen estigma eta bazterketa erauztearen alde egiten duena bertatik bertara: “Hau da GIBa duen pertsona baten itxura”.

Hiru kanpaina horiek euskarri grafikoen bidez gauzatzen dira, baliabide desberdinekin, ele bitan, eta guztiak Euskadiko eta Estatuko gizarte- eta osasun-eragileekin elkarlanean. Apustu egiten dute, hala, herritarrengana hurbiltzeko eta haiekin harremanetan sartzeko metodo eta modu berri baten alde.

Kanpaina hirukoitzaren xedeak, ispilua barne

“Harro eta Osasuntsu” kanpainak aldezkatzen du sexualitate balioetan aberats, positibo, atsegingarri, errespetuzko eta osasungarri baten bizitzea eta hartan heztea. Nabarmentzen ditu aniztasunaren balioa, desberdina izatearen aberastasuna eta T4 Elkarteak duela 27 urtetik egiten duen lan eta elkarrekiko sorkuntza komunitarioa: alegia, GIBari eta STIei (Sexu Transmisiozko Infekzioei) buruzko informazioa ematea, laguntza terapeutikoa, autolaguntzako taldeak, informazio sexologikoa, lubrifikatzaileen eta preserbatiboen banaketa, aholkularitza GIBaren tratamenduetan, sexu-hezkuntza, lagun egite sozial espezializatua eta komunitate-dinamizazioa. Totemaren bi aldek hori nabarmentzen dute; totema osatzen, bestalde, Fran Alvarador 2018ko Mr. Gayk lagundu du, urririk.

“Hautemanezin=Kutsaezin” kanpainak, bestalde, serofobia erauztearen alde egiten du, eta, orobat, bultzatu nahi du jendeak jakin dezan ezen GIBa duen pertsona batek, tratamendua jasotzen badabil eta birus-karga hautemanezina badu, ezin diola kutsatu birusik beste pertsona bati. Totemean lelo hori erakusteaz landara, elkarteak elastikoak egin ditu, mezu hori eta #T4elkartea hastag-a agerian daramatzatenak. Elkarteko hainbat kide Bilboko GIBaren Oroimenezko banku gorrian kokatu dira argazkiak egin diezazkieten; hain zuzen, elkarte horrek berak inauguratu zuen duela bi urte Areatzan banku gorri hori. Eskerrak agertu zaizkie pertsona horiei parte hartzeagatik eta orobat Apoyo Positivo GKEari, lagundu egin baitu diseinuan.

Azkenik, totemak harrera egiten dio bera ikuskatzera datorrenari, mirail batekin, non haren aurpegia islatzen baita, mezu argi eta irmo baten ondoan: “Hau da GIBa daukan pertsona batek duen itxura”. T4 elkartea oso pozik dago emaitza hau lortu arte egindako bidearekin, zeinean gizarteko eta osasunaren arloko eragileek lagundu baitiote.

Ausardia, berrikuntza, kalitatea eta berotasuna esku-hartzeetan

T4 elkartea 1992az geroztik ari da gizartetik baztertuta dauden edo geratzeko arriskuan dauden pertsonen bizi-kalitatea hobetzen, batez ere Bizkaian eta EAEn GIBarekin bizi direnena. Elkartea Bilbon sortu zen, eta beti nabarmendu izan da bere proiektu eta programen eta haien bidezko esku hartzearen ausardiagatik, berrikuntzagatik, kalitateagatik eta berotasunagatik. Gaur egun, erreferentziazko elkarteetako bat da, EAEko eta estatuko esku-hartze soziosanitarioan eta STIaren (Sexu Transmisiozko Infekzio) eta GIBaren prebentzioan.

Balea distiratsu eta urreztatu handi bat, sei metroko altuera eta hamabi metroko luzera eta hiru metroko zabalera duena, distira du aurten La Merced zubiaren eta La Ribera merkatuaren artean.

Argiak piztuta iritsi da jada Gabonak Bilbora. Juan Mari Aburto alkateak botoia sakatu du, eta, aldi berean, hiria piztu du eta #BilbaoGabonak programari hasiera eman dio, Gabonetan 400 kultura- eta aisialdi-jarduera baino gehiagorekin. Areatza izan da Gabonetako ekitaldi sinboliko honen agertokia.

Gaurtik aurrera eta urtarrilaren 6ra arte, ehun urtetik gorako 120 zuhaitzek baino gehiagok, Baso magikoa osatzen dutenek, Areatza argitzen dute, girlanda eta gortina itxurako ehunka led argirekin. Horrez gain, udaletxe inguruetan, 14 metroko zuhaitza eta Gabonetako bola erraldoia piztu dituzte.

Sei metroko altuera eta hamabi metro luze eta hiru metroko zabalera duen balea distiratsu eta urreztatu handi batek distira egingo du aurten gune berri batean, La Merced zubiaren eta La Ribera merkatuaren artean. Horrela, Bilboko puntu guztiak Gabonetako izpirituaz blaituta geratzen dira.

1.200.000 argi baino gehiago banatzen dira Bilbo osoan, Udalak jarritako eta Zazpikaleetako, Bilbo erdialdeko, Errekaldeko, Deustuko, Uribarri-Castañoseko eta Santutxuko merkatarien elkarteek kontratatutako argiteriari esker. Horrela, barruti guztiak argituko dira, eta gabonetako giroa, jai girokoa eta hiri osoan atsegina izango da.

#BILBAOGABONAK

Argiztapenarekin batera, #BilbaoGabonak Gabonetako aisia eta kulturako jardueren programa dugu, Gabonetan Bilbon egingo direnak. Era guztietako jarduerak ziren, adin guztietako jendearentzat, haien artean, kontzertuak, erakusketak, musika-emanaldiak eta antzerki-emanaldiak, azokak, kaleko animazioa, patinaje-pista, neskato-mutikoentzako jarduerak eta jakina, baita Olentzeroren kalejira eta Erregenetako kabalgata ere.

Reumatologoek herritarrei kontsultak erantzun zieten Erriberako Merkatuan.

Gaixotasun erreumatikoen ezagutza hobetzeko, Espainiako Erreumatologia Fundazioak (Fer), Euskadiko Erreumatologia Elkartearen (ser) eta Bizkaiko Lupus Eritematoso Gaixoen Elkartearen laguntzarekin, Reumasalud 2019 antolatu zuen Erriberako merkatuan. Gune horretan, mediku erreumatologoek gaixotasun erreumatikoen inguruan interesa duten guztien galderei erantzun eta horien berri eman zuten. Gaixotasun horiek 4 helduetatik 1i eragiten diete Espainian, hau da, milioi erdi ingururi Euskadin.

Aurtengo edizioan, herritarrek azaroaren 22an, ostirala, 10: 30etik 14: 30era eta 17: 00etatik 20: 00etara kontsultatu ahal izan zituzten zalantzak, eta larunbatean, larunbata, 09: 30etik 15: 00etara. Espazioa bisitatu zutenek informazioa eta gomendioak jasotzeaz gain, erreumatologoen taldeak haien zalantzak artatu zituen, eta, behar izanez gero, proba diagnostiko batzuk egin zitzaizkien, hala nola dentsitometriak eta ekografiak.

Horrela, gaixotasun erreumatikoak ikusarazi nahi dira, eta diagnostiko goiztiarraren eta Erreumatologia Zerbitzuaren jarraipenaren garrantziaz kontzientziatu, horiei hobeto heltzeko.

Ekimen hau Hesperia Hotelean azaroaren 29an eta 30ean egingo den ser erakundearen bilera zientifikoaren atarikoa da.

Informazio gehiago

Fundación Española de Reumatología web gunean

Atzo, BilbaoDendak urtero egiten duen sari banaketa ospatu zuen, modu honetan publikoki merkatariak behar duten merezimendua lortu zuten

Atzo, BilbaoDendak urtero egiten duen sari banaketa ospatu zuen, modu honetan publikoki merkatariak behar duten merezimendua lortu zuten. BilbaoDendako izendatu berri duten, Rafael Gardeazabal presidenteak izan zen ekitaldiaren anfitrioia.

Ekitaldian merkataritzako, ostalaritzako eta instituzioko hainbat aurpegi ezagun elkartu ziren. Haien arten, Juan Mari Aburto, Bilboko alkatea egon zen, baita Isabel Muela Turismo eta Merkataritza sailburuordea.

Baina kasu honetan, protagonistak merkatariak izan ziren. Ekitaldia aurrera joan ahala saridunak ezagutu ziren. Tradizioa Etorkizunaren kategorian sariduna Eurosport denda izan zen. 1968 kirol munduan erreferentea den denda. HemenGO Shopping, kategorian Capra Izozkiak izan ziren saridunak. Konektaturik Oneneari dagokionez, El almacén secreto, una frikitienda eraman zuen saria. Hemengo Jan saria Erribera Merkatuak. Ostalaritzako Kontzepturik Onena, Basquery gastronomia kontzeptua eraman zuen saria eta azkenik Euskararen Sustapena Mongolia, arropa denda eraman zuen saria.

Aipatutako sariaz gain, auzo desberdinetan kokatutako merkataritza enblematikoei aipamen berezi bat egin zitzaien. Honako hauek izan ziren aipamena lortu zuten merkatariak. Café Bar Zidor (Basurto); Los chicos (Bilbao Centro); Lucía y Maribel ileapaindegia (Bilbao La Vieja); Itziar (Casco Viejo); Foto Santamaría (Deusto); Autoservicio Álvaro (El distrito 2); La hojalatería (Hiru auzo); Joyería relojería Marimar (Otxarkoaga); Bolsos Pili (Rekalde); Santutxu Loradenda (Santutxu): Lourdes Amayuelas Farmazia (Txurdinaga) y Librería Lápices (Zorrotza).

Ekitaldiari amaiera emateko, gerturatutakoei koktel bat eskaini zieten, Bilboko merkatariek eskaintzen duten produktuekin.