Erriberako Sukaldaritza Eskolak show cooking-ak eramango ditu merkatu guztietara

Bilboko Udal Merkatuak eta bertako bisitariak zorioneko daude. Erriberako Sukaldaritza Eskolak show cooking-ak eramango ditu guztietara, eta oso gai anitzetako sukaldaritza saioak jasoko dituzte, Bilbao Zerbitzuak erakundearen eta Bilboko Ostalaritza Goi Eskolaren (ESHBI) arteko lankidetza hitzarmenaren barruan.

Hiriari erosketa saski onena ematen dioten zazpi Udal Merkatuek –Erriberak, Zabalguneak, Deustuk, San Inaziok, Labayruk, Otxarkoagak eta Traukok– bat egingo dute, kalitatezko, gertuko eta prezio oneko merkatua balioan jartzen duen ekimen honetan, hori guztia, beti ere mezu osasungarria duen kontzeptuaren barruan.

Erriberako Merkatua izango da show cooking programa zabala estreinatuko duena, urriaren 18an, gozatzen ari garen udazkeneko denboraldiko produktuak prestatzeari buruzko saioarekin. Erriberako Merkatuaren ondoren Labayrukoa etorriko da, urriaren 25ean, antzeko gaia landuko duen saioarekin, eta Deustuko merkatua izango da azaroko protagonista, 22an nazioarteko sukaldaritzari eta munduko sukaldaritzako plater tipikoak prestatzeari buruzko show cooking-arekin, merkatuan bertan eskuratu daitezkeen produktuetan oinarrituta. 2019ko azken hiruhilekoari amaiera emateko, Erriberako Merkatuak beste show cooking bat jasoko du, dagokion denboraldiari, neguari, buruzkoa, Gabonetako menuen eta plateren inguruan.

2020ko agenda osoa

2020ko urtarriletik aurrera, programak bere proposamenak aberasten jarraituko du, sukaldaritza osasungarriarekin, inauterietako platerrekin, merkatuko ortuari, haragi eta arrainekin, udako produktuekin, basokoekin… Saioak 11:00etan izango dira. Honela banatuko dira: urtarrilaren 24an, Zabalguneko Merkatuan; otsailaren 14an, Erriberako Merkatuan; martxoaren 20an, Otxarkoagako Merkatuan; apirilaren 24an, Erriberako Merkatuan; maiatzaren 22an, San Inazioko Merkatuan; ekainaren 19an, Erriberako Merkatuan; uztailaren 24an, Traukoko Merkatuan; eta irailaren 18an eta urriaren 16an, Erriberako Merkatuan.

Saridunak azaroaren 6an ezagutuko dira Merkataritza Sariaren hamahirugarren edizioan

Urtero Bilboko dendak, berritzen eta egoera berriei moldatzen ari dira. Baina ez dute inoiz kalitatea eta tratu ona albo batean uzten. Hala ere, egunero arazoei aurre egiten diete negozioak aurrera eramateko eta merkataritza txikia ez ixteko. Javier Garcinuño Bilbao Ekintzako zuzendariak, adierazi duen bezala, “Produktu hauek bakarrak dira, ezin dira Interneten erosi.”

Denden sufrimendua kontuan hartuta, Bilbao Dendak, Arraztoa uzten duten dendak lemarekin, sari banaketa bat eskaintzen du urtero. Aurten, hamahirugarren edizioa da eta Erribera Merkatuan, saria eskuratzeko hautagaiak izendatu zituzten, 18 hautagai, hain zuzen ere. Saridunak azaroaren 6an ezagutuko dira.

Rafael Gardeazabal, BilbaoDendako, presidenteak, adierazi duen bezala, “sari hauen bitartez merkatarien lana baloratzeko aukera ikaragarria da”. Sariak sei kategorietan banatuta daude, Tradizioa Etorkizunarekin, HemenGO Shopping, Konektaturik Onena, Hemengo Jan, Ostalaritzako Kontzepturik Onena eta Euskararen Sustapena.

Lehen aukeraketa

Merkatari batzuk oso gutxi daramate merkataritza munduan, baina beste batzuk aldiz, denbora gutxian bilbotarrak konkistatu dituzte. Honako hau, Alberto Atauri eta Fernando Cabo giza hezitzaileak, lortu dute, izan ere, duela sei hilabete La Zapa 2 de Mayo denda irekitzea erabaki zuten. Modu honetan zapatagilearen ofizioa berreskuratuz. Basquery kasuan, berriz, Peso Neto eta Residence merkatariekin batera, Ostalaritzako Kontzepturik Onena saria lortzeko aukera dute. “Bilbon dagoen mailarekin, izendatuta egotea sari bat da”, adierazi du, José Luis García Mazas, Basquery bazkideak.

Bilboko hilerria orain dela 100 urte baino gehiago sortu zen, eta baldintzak gaur egungoen oso bestelakoak ziren. Beraz, urte hauetan hilerriak hainbat hobekuntza egin ditu; besteak beste, eskaintzen diren zerbitzuak hobetu dira.

Zerbitzuen aldaketak hainbat esparrutan egin dira. Aparkalekuen arloan, honako aldaketak egin dituzte. Lehenik eta behin, aparkalekua berritu eta margotu dute. Zirkulazioaren segurtasuna hobetzeko asmoz, aparkalekuko zorua berritu eta margotu dute; lineak, oinezkoen pasabideak eta 2 aparkaleku plaza gordetzen dituzten ikurrak mugikortasun arazoak dituztenentzat.

Bigarrenik, aparkalekuaren inguruko zirkulazio-espazioa zabaldu dute, 4,40 metrotik 5,50 metrora, maniobrak errazteko. Azkenik, oinezkoen pasabidearen segurtasuna hobetu da, babes eremua handituz.

Komunen eremuan, ordea, honako aldaketak egin dituzte. Lehenik eta behin, komun berriak jarri dira erabiltzaileentzako zerbitzuak hobetzeko, eta komun berri bat sortu da hilerrira sartzeko gunean, Mungiako errepidearen sarreratik. Bigarrenik, arketadea eta euri ura biltzeko hodiak aldatu eta lorategiko zintarria jarri dute.

«Bilbao Zerbitzuak erakundearen barne-funtzionamendurako jarraibideak kontratazioaren arloan» erakundearen Administrazio Kontseiluak onartu zituen gobernu-organo horrek 2018ko ekainaren 15ean egindako bilkuran.

 «Bilbao Zerbitzuak erakundearen barne-funtzionamendurako jarraibideak kontratazioaren arloan» erakundearen Administrazio Kontseiluak onartu zituen gobernu-organo horrek 2018ko ekainaren 15ean egindako bilkuran.

Aipatutako jarraibideetako 3. kapituluak Kontratazio Mahaia kide anitzeko organo gisa eratzeko beharra jasotzen du, eta kontratazio-organoari lagunduko dio Erakundeak egiten dituen kontratuen esleipenean, prozedura ireki, arrunt eta sinplifikatuetan, elkarrizketa lehiakorrean, lizitazio negoziatuan eta berrikuntzarako elkartzean.

Sumarioko prozedura ireki sinplifikatuaren bidez izapidetutako kontratuetan, kontratu txikietan eta publizitaterik gabeko prozedura negoziatuetan ez da nahitaezkoa izango kontratazio-mahaiaren laguntza.

Bilbao Zerbitzuak erakundearen estatutuen 10.2 f) eta g) artikuluetan ezarritakoarekin bat etorriz, Lehendakaritzari dagokio Administrazio Kontseiluari proposatzea zer erabaki hartu behar dituen, eta, bereziki, erakundearen antolaketa-egitura; beraz, 2019ko maiatzaren 26an egindako toki-hauteskundeetatik sortutako korporazio berria eratzearen ondorioz, Administrazio Kontseiluak 2019ko urriaren 8an egindako bilkuran Bilboko Kontratazio Mahaiaren osaera onartu du, aldeko 8 botorekin, kontrako 0rekin eta 2 abstentziorekin.

• • Lehendakaria:
  • Yolanda Díez Saiz, Bilbao Zerbitzuak erakundeko presidentea, titular gisa.
  • Jon Bilbao Urquijo, Bilbao Zerbitzuak erakundeko presidenteordea, ordezko gisa.
  • Batzordekideak:

Gerentziaren ordezkari gisa:

• • José Antonio Fernández Celada, Zuzendari kudeatzailea, titular gisa.
  • Adriana Mª Soga Guinea, Aholkulari juridikoa, ordezko gisa.

Erakundearen ekonomia- eta finantza-arloko kontrol-funtzioa dutenen ordezkari gisa

• • Javier León López, Zerbitzu Ekonomikoetako burua, titular gisa.
  • Ana María Barrutia Gastaca, Administratiboa, ordezko gisa.

Erakundearen aholkularitza teknikoaren eginkizuna dutenen ordezkari gisa

• • Xabier Begoña Ellacuria, Zerbitzu Tekniko Anitzeko burua, titular gisa.
  • María Jesús Menica Bengoetxea, Administratiboa, ordezko gisa.
  • Idazkaritza:
  • Marina Lizarralde Palacios, Bilboko Udaleko Osasun eta Kontsumo Arloko Administrazio zuzendariorde juridikoa, titular gisa.
  • Javier Victoria de Lecea Echebarria, Bilboko Udaleko Osasun eta Kontsumo Arloko Idazkaritza Teknikoaren azpiarloko burua, ordezko gisa.

Era berean, udal-ordezkaritza duten talde politikoetako ordezkariak Kontratazio Mahaira joan ahal izango dira, hitzarekin baina botorik gabe, udal-gobernua sostengatzen ez duten udal-talde politiko bakoitzeko ordezkari baten parte-hartzearen bidez, arlo horretako kontrol- eta fiskalizazio-funtzioak errazteko.

MGZ sustatzailea Erribera Merkatua aukeratu du, bihar Bilbao Arenan egingo den topaketaren pisaketa ofiziala egiteko lekua

MGZ sustatzailea Erribera Merkatua aukeratu du, bihar Bilbao Arenan egingo den topaketaren pisaketa ofiziala egiteko lekua. Biharko borroka Kerman Lejarragaren eta David Avanseyanen artean izango da, irabazlea wélter pisuaren Europako Txapelketaren garailea izango da.

Pisuari dagokionez, ez dira inolako sorpresarik egon, biak behar den pisua bete dute, hau da, 66,700kilo baino gehiago ezin dute pisatu. Kasu honetan, Kermanek 66,500 pisatu du eta bere aurkaria, Avanseyanek, bera baino 100 gramo gutxiago.

Kermanek izugarrizko arrakasta du gazteen artean eta bere alboan beti jarraitzaile pila bat izaten ditu. Nola ez, ekitaldi garrantzitsu honetan ez dira jarraitzaileak falta izan. Hauek uneoro egon dira Kerman animatzen, ondorengo oihuekin, “Let´s go Kerman”; “jo ta ke irabazi arte” eta “300”pelikularen garrasi klasikoarekin. Baina jarraitze onak direnez, aurkaria, hau da, Avenesyan, ez dute gutxietsi eta behar izan denean txaloz murgildu dute.

Azken urteotan Bilboko hilerria hainbat berriztapen egin ditu bertan dauden estatuetan eta hilarrietan.

 Azken urteotan Bilboko hilerrian, hainbat berriztapen lan egin ditu, estatuetan, hilarrietan eta monumentuetan. Izan ere, denbora pasa ahala bere lilura galdetzen dute.

Esku Hartzeko Planan kontratatutako lau pertsonek garbiketa lanak, finkatze eta berriztapen lanetan egon dira, hain zuzen ere, Bilboko hilerriko panteoiak lantzen. Hala nola, kripta, umeen zirkuko panteoia, Oiz Mendiko panteoia, Casilda Iturrizar Andrearen panteoia…

Lanen helburu nagusia piezek higadurarekiko eta eragile klimatologikoekiko esposizioaren ondorioak ekiditea edo zuzentzea izan dira, izan ere, eguraldia dela eta, askotan, pieza horiek jatorrizko itxura galtzen baitute. Horretarako, kasu guztietan eskulturen eta artelanen azaleko garbiketa egin da, haien narriadura geldiarazteko, baina denboran zehar sortutako «patina» galtzeko bezain zehatza izan gabe.

Eskulturak eta artelanak garbitu ondoren, junturak garbitu dira eta silizezko hondarra duen karezko mortero bat aplikatu da. Horri kolore mineral bat gehitu zaio, esku hartzen den eskulturarekin edo arkitektura-multzoarekin harmonizatzen dena.

Proiektu hau behar bezala burutzeko, UPV/EHUko irakasle eta ikertzaile baten laguntza izan dugu. Hark Bilboko Hilerriko panteoiak, eskultura-piezak eta apaindura-elementuak Esku Hartzeko Planaren diseinua gainbegiratu du, eta prozesu osoan kultura-ondasunak zaharberritzen dituzten lau pertsonei lagundu die, astero 20 bisita eginez, programatutako zaharberritze- eta kontserbazio-lanei buruz aholkatzeko.

Azken urteotan Bilboko hilerriaren lorategian hainbat hobekuntza egin dira.

Azken urteotan Bilboko hilerria hainbat hobekuntza egin ditu, hala nola, lorategiak, eskuragarritasuna, argiztapena… Modu honetan, hiritar guztiak hilerriak eskaintzen dituen instalazioaz gozatu ahal izateko inolako arazo barik.

Hilerriaren helburu nagusia, hilerriko fauna eta flora hobetzea da, izan ere, modu honetan, hiritarrak gune eroso batez gozatzeko aukera izango dute. Honako hau lortzeko ondoren azalduko diren aldaketak egin dira.

Lehenik eta behin, 4 palmondoren inausketa eta mantendua egin da. Hau da, adar lehorrak, sasiak eta landare-hondarrak kendu dira hazten dauden adar osasuntsuak aurkitu arte. Bigarrenik, Bilboko hilerria inguratzen duten horma guztien landareen garbiketa egin da. Hirugarrenik, hilerriko sarrera nagusian era askotako zuhaixken landaketa egin da. Ondoren, errausketa-labera sarbidean landare eta zuhaixka usaintsuak landatu dira inguru atseginago bat egiteko.

Aipatutako aldaketaz gain, beste hainbat egin dira. Hala nola, tamaina handiko zuhaitzen ordezkapena beste zuhaixka espezie batzuengatik, txikiagoak, aireko zirkulazioan arazorik ez eragiteko. Hilerriko sarreraren aurreko zuhaitzen ordezkapena landare eta zuhaixkagatik. Horrela sartzean, kapera eta klaustroa hobeto ikusten dira. Soropil eta zuhaixken landaketa Oiz Mendiaren tragediaren oroimenaren monumentuari garrantzia emateko. Bulegoa aurreko plaza berrian lorategi txiki baten sorrera. Azkenik, adakera eta inausketa hondar guztien birrinketa eta konpost-egiteko gunearen lekualdaketa.

Juan Mari Aburtok, Juan Carlos Anduezak eta Miguel Moradok ONCEren kupoi berezia aurkeztu dute, Erriberako Merkatuaren 90. urteurrena dela eta.

Juan Mari Aburto Bilboko Alkateak, Juan Carlos Andueza ONCEren Euskadiko Lurralde Ordezkariarekin eta Miguel Morado ONCEren Euskadi eta Kantabriako Joku-Buruarekin batera, ONCEk zapatu honetan, abuztuak 24, Erriberako Merkatuaren 90.urteurrenari eskainiko dion kupoi berezia aurkezteko ekitaldian parte hartu du gaur goizean Udaletxeko Arabiar Aretoan.

Bost milioi eta erdi aleko zabalkundea duela, ONCEren zapatu honetako kupoiak Erriberako Merkatua du ikusgai Bilboko Itsasadarraren gainean eta San Antongo eliza eta zubia atzean dituela. Juan Mari Aburto Alkateak esan duenez, “ez da hau ONCEk kupoia Bilbori eskaini dion lehenengo aldia, izan ere, azken bi hamarkadak errepasatuz gero, gure hiriaren sinbolo nagusiak ONCEren kupoiaren irudian agertu dira hainbat aldiz; hala nola, Athletic Club taldea, San Tomasetako Azoka, Euskalduna Jauregia, Guggenheim Museoa, Abandoko Geltokia, Udaletxea bera edo On Migel Unamuno, haren jaiotzaren 150. urteurrenean”.

ONCEri Bilborekin eta bilbotarrekin betidanik erakutsi duen atxikimendua eskertu ondoren, Alkateak zorterik onena opa die zapatuko kupoia erosten duten guztiei eta “saria Bilbon geratzea” desiatu du.

90 urteko historia itsasadarraren ondoan

Erriberako Merkatua 1929ko abuztuaren 22an inauguratu zen, Pedro Ispizua arkitektoak egindako proiektu arrazionalistari jarraituz. Hormigoi armatuzko eraikina zen; garairako oso modernoa, funtzionala eta monumentalista. 1971an, Mercabilbaoren inaugurazioaren eraginez, Erriberako Merkatuak jardueraren zati handi bat galdu zuen, Zazpi Kaleetako nahiz Bilbo Zaharreko bezeroentzako auzo-merkatu bihurtu zelarik.

Bizkaia hondatu zuten 1983ko uholdeen ondoko berreraiketan eraldaketa sakona egin zitzaion. Erriberako Merkatuak Udal Horniketa Merkatu Osatuenaren Guinness Errekorra lortu zuen 1990an, izan ere, une horretan merkaturik handiena zen saltzaile eta postu kopuruari dagokionez, baita Europako merkatu estalirik handiena ere, 10.000 metroko koadroko azalerari esker.

2008an merkatuaren egituraz egindako azterlanaren harira, sakoneko eraberritze integrala bideratu eta esparruak eta ekipamenduak modernizatu ziren, itsasadarraren gaineko zirga-bidea berreskuratuz. 2012an, hiru urteko lanen ondoren, Emilio Puertas arkitektoak izenpetutako proiektua osatu eta Bilboko egungo Erriberako Merkatua inauguratu zen.

Kupoi berezia

ONCEk 3.400 afiliatu eta 540 saltzaile inguru ditu Euskadin, eta aurten 22 milioi euro banatu ditu dagoeneko, inoizko markarik handiena 2018an lortu zuelarik, 37 milioi eurorekin.

ONCEk zapatuan, hilak 24, Erriberako Merkatuaren 90. Urteurrenari eskainiko dion kupoiak bost milioi eta erdi aletako zabalkundea izango du, eta asteburuko kupoia izanik, sari bereziak banatuko ditu. ONCEren produktuak Salmenta Terminaletan, www.juegosonce.es webgune ofizialean eta baimendutako establezimenduetan eskura daitezke.

Hauexek dira ONCEk Bilbori azken bi hamarkadetan eskainitako kupoi aipagarri batzuk: Athletic Cluben mendeurrena (1998ko azaroak 16-19); Guggenheim Museoaren hamargarren urteurrena (2007ko urriak 21); Euskalduna Jauregia (2007ko ekainak 8); San Tomasetako Azoka (2009ko abenduak 27); Bilbo, Kirolaren Europako Hiria (2012ko ekainak 3); Bilbo World Cities Summiten egoitza (2013ko ekainak 9); Migel Unamunoren jaiotzaren 150. urteurrena (2014ko irailak 29); Loiuko Aireportua (2015ko urriak 27); Udala egungo eraikinera aldatu izanaren 125. urteurrena (2017ko apirilak 18); Bilbo, Ekonomia Sozialaren Foro Globalaren egoitza (2018ko urriak 3) eta Abandoko Geltokiko erlojua (2019ko ekainak 27).