Jarduera pertsonaia ospetsu batzuek eta gidari edo aurkezle batek egingo dute, guztiak ere Bizkaiko Arte Elkarteko kideak. Pertsona horiek lurperatutako pertsonak ordezkatuko dituzte, eta haien bizitzaren alderdi garrantzitsu eta bitxiak kontatuko dituzte.

Gehienez ere, 100 lagunentzako ekitaldia da, eta hortaz, erreserba egin behar da Bilbao Zerbitzuak erakundearen bulegoetan, 944 231 019 telefonora deituta edo Bilbao Zerbitzuak erakundearen webgunearen bidez, uztailaren 6ko 13:00ak arte.

Bilboko hilerriak bisita antzeztua eta gidatua antolatu du uztailaren 9ko (zapatua) gauean, 21:00etatik 22:30era bitartean. Bisita horretan, parte-hartzaileak hainbat espaziotatik (sarrera, hilobiak, panteoiak …) ibiliko dira eta horiek ezagutuko dituzte (edo berriro deskubrituko dituzte). Bilboko historia hilerrian lurperatuta dauden pertsonen bitartez, inoiz imajinatu gabeko moduan, kandelen argitan. Bilboko Udal Hilerria ezagutarazteko eta hilerriko ondare kulturalari, historiko-artistikoari, paisaia-ondareari eta hileta-ondareari balioa emateko Bilbao Zerbitzuak egiten ari den kultura-jardueren barruan kokatzen da honako hau.

Bilboko Udaleko alkateorde eta Osasun eta Kontsumo Saileko zinegotzi ordezkari Yolanda Díezek azaldu duenez, “heriotzaren kontzeptua, askotan, arindu eta ahuldu egin da alderdi morbosoenak goraipatuz. Horregatik, ekimen honekin heriotza modu naturalagoan eta lasaiagoan ulertzeko modu bat erakatsi nahi diogu gizarteari. Testuinguru horretan, ikuspegi hori ahaztu gabe eta oztopoei aurre egiteko borrokatuz, gure proiektua Europako hilerriek gaur egun duten joerarekin bat dator, hau da, hilerriak hurbiltzea pertsonei, bizidunei, hartara, hilerriez bizitzan goza dezaten, bake-, lasaitasun-, kontsolamendu- eta gogoeta-leku gisa, ondare historiko kulturalaz gozatzeko eta denboran zehar bilakaera soziala zer-nolakoa izan den ikusteko leku gisa.

Bisitan, hilerrian lurperatutako hainbat pertsonaia ospetsuren istorioa antzeztuko da, txistu-musikarekin eta musika klasikoarekin lagunduta. Era horretan, Bilbao Zerbitzuak erakundeak hileta-kultura gizarteari hurbilduko dio, «tresna pedagogiko» baten moduan, osagai batzuk eta besteak nahastuko dituen ekimen batean, bitariko formatu batekin, alegia, bisita gidatu eta «performance» gisara.

Giroko soinuen, musikaren, ekintza performatiboen eta dinamikoen bidez, parte-hartzaileak hilerrian paseoan ibiliko dira ilunpetan, kandelen eta ilargiaren argia lagun. Kandelak bisitaren hasieran banatuko zaizkie, inork xehetasunik gal ez dezan.

Bilboko hilerria bisitatzea aukera ezin hobea da uriari, jendeari eta lurrari buruz dakiguna ezagutu, gogoratu eta zabaltzeko. Hilerri bat bisitatzean iragana ezagutu daiteke, hildakoen istorioen bidez hiriaren bizitza jasotzen baita, eta horrek gure ingurua eta hilerri hau beste modu batera ikusteko aukera ematen baitigu” zehaztu du Diezek.

Jarduera pertsonaia ospetsu batzuek eta gidari edo aurkezle batek egingo dute, guztiak ere Bizkaiko Arte Elkarteko kideak. Pertsona horiek lurperatutako pertsonak ordezkatuko dituzte, eta haien bizitzaren alderdi garrantzitsu eta bitxiak kontatuko dituzte.

Hala, gauaren aterpean, Bilboko udal-hilerriaren historia, hilerriak gordetzen duen artea eta hilerrian dauden XX. mendeko pertsonaia garrantzitsuen bizitza (Casilda Iturrizar eta Tomás José de Epalza senar-emazteak, Juana Mir idazlea, Gabriel Aresti poeta eta Rafael Moreno Aranzadi (Pichici) Athleticeko jokalaria, besteak beste) kontatuko digute, panteoi liluragarrien eta harrizko edo brontzezko estatuen artean.

Ez hori bakarrik, 1902ko apirilaren 27an inauguratu zenetik gaur egunera arte Bilboko XX. mendeko historia astindu duten gertaera mingarriak ere gogoraraziko dizkigute, hala nola hauek: Zabalguneko Zirkuko haurren tragedia, 1912an; Espainiako Gerra Zibila, ekialdeko harresia lekuko, 538 pertsona fusilatu baitzituzten, batez ere miliziano errepublikanoak; Larrinagako espetxeko erasoko, La Galerako eta Aingeru Zaindarietako biktimak; Altuna Mendi eta Cabo Quilates itsasontzietako biktimak, Kriptan ehortziak; eta Oiz mendiko 1985eko hegazkin-istripuko biktimak.

Bitxikeria asko dira Bilboko udal-hilerrirako bisita hori esperientzia ahaztezina egiten dutenak; udal-hilerria Espainiako hilerri zaharrenetako bat eta Europako hilerri esanguratsuenetako bat da.

Izena emateko epea

Jarduera horretan parte hartzeko, beharrezkoa izango da aldez aurretik izena ematea, gehienezko kopuru bat izango baita, segurtasunagatik. Edukiera 100 lagunekoa izango da.

Bisita antzeztura joateko erreserba uztailaren 6ko 13:00ak arte egin daiteke, Bilbao Zerbitzuak erakundearen bulegoetan (30 plaza), 944 231 019 telefonora deituta (30 plaza) edo Bilbao Zerbitzuak erakundearen webgunearen bitartez (40 plaza) [Bitarteko honen bidez agortutako plazak], pertsona guztiek bisitan sartzeko aukera izan dezaten, beren baliabide edo trebetasun teknologikoak edozein izanik ere. Sarbide-kanal horietako batean betetzen ez diren plazak beste kanaletara bideratuko dira.

Ibilbidean zehar audio-sistemak erabiliko dira, bertaratzen direnek gidariaren azalpenez modu inguratzaileagoan gozatu ahal izan dezaten.

Gurutze Gorriaren lankidetza

Ekitaldia egiteko, Bizkaiko Gurutze Gorriak oinarrizko laguntza-ekipoa jarriko du -boluntario 2 eta ibilgailu bat- 20:00etatik 23:00etara bitartean, prest egongo direnak ekitaldira bertaratutako pertsonei berehalako arreta eman behar izanez gero eta bestelako osasun-gorabehera edo istripu prebenitzeko.

Bestelakoak

• Bisita ez da 12 urtetik beherakoentzat gomendatzen.
• Ezingo da argazkirik, bideorik edo audio-grabaziorik egin.
• Antzezpenak ibiltariak izango dira, eta, hortaz, ez da esertzeko leku espezifikorik egongo.
• Oinetako erosoak eta hotzetik babesteko arropa eramatea gomendatzen da.
• Ekitaldira joan ahal izateko, ezinbestekoa da erreserbaren ziurtapena aurkeztea ekitaldiaren sarreran.
• Ezinbestekoa da Bilboko udal hilerriko ate nagusian egotea (Santimami Auzoa 4, Zamudio/Derio) bisita hasi baino 15 minutu lehenago.
• Bisita ez da bertan behera geratuko euria eginda ere; bai, ordea, alerta horia edo gehiago ezarrita badago. Euria bada, zira, aterki eta oinetako egokiak eraman.
• Jarduera bertan behera utzi ahal izango da gutxieneko jende-kopurua ez badago edo antolatzaileekin zerikusirik ez duten arrazoiengatik.

Aida Mauri Crusat-ek izan da Bilbao Zerbitzuak-ek antolatutako Bilboko Hilerriko aire zabaleko pintura azkarreko I. Lehiaketaren irabazlea, ‘Entrada a la cripta’ obrarekin. Lehiaketa gaur, ekainak 4, larunbata, egin da, goiz osoan zehar, Bilbao Zerbitzuak-en Bilboko Udal Hilerriaren 2022ko kultur programazioaren Barruan, Bilboko Udaleko Osasun eta Kontsumo Sailarekin lankidetzan. Bigarren saria José Reyes Ramos Rodriguez-ek egindako ‘Capilla somonte basabe’ lanak jaso du, eta hirugarren saria Carlos Espiga Alfonso-k irabazi du ‘Esculturas’ lanarengatik. Epaimahaiak Josep Millas Chia margolariaren ‘Cementerio de Bilbao’ lana accesit batekin saritzea erabaki du.

“Gozamena eta esperientzia ederra izan da lehiaketako epaimahaikide izatea. Lehiaketak, batez ere, Hilerriko xarma euren lanetan modu sinestezinean islatzen jakin duten parte-hartzaile guztien talentu eta sormen handia bildu du”, adierazi du Yolanda Díez Bilboko Udaleko alkateorde eta Osasun eta Kontsumoko Zinegotzi Ordezkariak. Epaimahaia pinturaren arloan ospe eta ezagutza aitortua duten pertsonek osatu dute: Enrique López Suárezek; José Ramón Muro Pereg-ek; Yolanda Díez Bilboko Udaleko alkateordea eta Bilbao Zerbitzuak elkarteko presidenteak; eta José Antonio Fernández erakundeko zuzendariak.

Lehen saria kanposantuko kaperaren fatxada nagusian inspiratu da, eta adierazpen-indar handia, konposizio ona eta marrazki bikaina dituen lana da, perspektiba konplexua eta testura iradokitzaileak islatzen dituena. Bigarren saria kanposantuko kariatide batean inspiratu da, argi eta itzalen jokoagatik, gaiaren soiltasunagatik eta marrazkiagatik nabarmentzen dena. Hirugarren saria akuarela bat da, epaimahaiari gustatu zaion tonu okredun marrazki on batekin. Akzesit bat ematen zaio estilo figuratiboko laugarren lan bati, kanposantuko kapera klaustrotik erakusten duena. Bilboko hilerria ondo baino hobeto ezagutzen da, eta nolabaiteko konplexutasuna du.

Laster jakinaraziko da saridunei sariak noiz banatuko zaizkien eta saritutako lanak katalogo digital batean ikusgai non jarriko diren. Katalogo hori Bilbao Zerbitzuak-en webgunean egongo da eskuragarri.

Gainera, gaur gerturatutako pertsonak, bai parte-hartzaileak, bai bisitariak, Bizkaiko Elkarte Artistikoak emandako pintura-klase magistral batera joan ahal izan dira. Bertan, Hilerriko panteoien estatuak esku hutsez arkatzez edo ikatzez marraztea landu da.

Lehiaketa girotzen laguntzeko, eguerdiko 12:00ak aldera, bertaratutakoek Bizkaiko Elkarte Artistikoaren hiru rapsodak une horretarako aukeratutako 15 poemen poesia errezitaldiaz gozatu ahal izan dute. Irakurketarekin batera, Zuriñe De Diego (biolina) eta Miren De Diego (biola) artistak aritu dira.

Gero eta hurbilago dago. Datorren ekainaren 4an, pinturaren eta artearen zale amorratuek hitzordua dute Bilboko Udal Hilerrian. Aire zabaleko pintura azkarreko I. lehiaketa egingo da, Bilbao Zerbitzuak-ek Bilboko leku enblematikoaren kultura eta ondare arkitektoniko, artistiko eta paisajistikoa sustatzeko eta balioesteko antolatua. Lehiaketa 9:00etan hasiko da eta parte-hartzaileek bost ordu izango dituzte lanak egiteko. Parte-hartzaileek ekainaren 3ko 12:00ak arte eman ahal izango dute izena Bilbao Zerbitzuak-en webgunean horretarako irekitako atalean. Halaber, interesdunek Bilbao Zerbitzuak-en webgunean kontsulta eta deskarga ditzakete lehiaketaren oinarriak.

«Aire zabaleko jardueraz gozatu nahi dugu, eta parte-hartzaileek panoramaz goza, euren lanetan gure udal-hilerriko arkitektura eta paisaia arloetako ikuspegi ederrak islatzen dituzten bitartean», adierazi du Yolanda Díez Bilboko Udaleko alkateorde eta Osasun eta Kontsumoko Zinegotziak. Jatorrizko asmoa lehiaketa aire zabalean egitea bada ere, eguraldiak laguntzen ez badu Hilerriko Klaustroko galeriara eramango da.

Pintura klase magistrala eta soinu poetikoak

Egun horretan bertan, Bizkaiko Elkarte Artistikoak pintura-klase magistrala emango du, bai lehiaketan parte hartzen duten margolarientzat, bai bat egitera animatzen diren kanpoko pertsonentzat. Saioa Hilerriko panteoietako estatuak arkatzez edo ikatzez esku hutsez marraztera egongo da bideratuta.

Gainera, eguerdiko 12:00ak aldera, Kaperak, Bizkaiko Elkarte Artistikoaren hiru rapsodak une horretarako aukeratutako 15 poemen poesia errezitaldia jasoko du. Irakurketarekin batera, Zuriñe De Diego (biolina) eta Miren De Diego (biola) artistak arituko dira. Aurreikuspenen arabera, ekitaldiak 55 minutuko iraupena izango du.

Lehiaketak hil-artearekin zerikusia duten margolanik onenak sarituko ditu, bereziki udal kanposantuko monumentu-, arte- eta ondare- alderdiak nabarmentzen dituztenak.

Inskripzioak ekainaren 3ko 12ak arte egin ahal izango dira Bilbao Zerbitzuak-en webgunean horretarako irekitako atalean.

Jardunaldia beste jarduera batzuekin osatuko da; besteak beste, bertaratzen diren pertsona guztientzako pintura klase bat eta 12:00etan Kaperan eskainiko den poesia errezitaldia.

Bilbao Zerbitzuak-ek ekainaren 4an, larunbatean, Bilboko Hilerriko Aire Zabaleko Pintura Lasterreko I. Lehiaketa antolatu du udal kanposantuari kolorerik onenak ateratzeko. Parte-hartzaileek denbora nahikoa izango dute euren irudimena askatzeko, 9:00etatik 14:00etara, hain zuzen ere. Dena den, jardunaldia jarduera gehiagorekin osatuko da, aipagarrienen artean, bertaratzen diren pertsona guztientzako pintura-klase magistral bat eta eguerdiko 12:00etan Kaperan eskainiko den poesia errezitaldia.

Parte-hartzaileek ekainaren 3ko 12:00ak arte eman beharko dute izena Bilbao Zerbitzuak-en webgunean horretarako irekitako atalean. Halaber, lehiaketaren oinarriak Bilbao Zerbitzuak-en webgunean kontsulta eta deskarga ditzakete interesdunek.

Lehiaketak hil-artearekin zerikusia duten margolanik onenak sarituko ditu, bereziki monumentuekin, artearekin, paisaiarekin eta alderdi bereziekin erlazionatutakoak, bai eta hil-sinbologia eta ondare-balioa eta Bilboko udal hilerriko esparruan nagusi den bake eta harmonia sentsazioa nabarmentzen dituztenak ere. Lehiaketa Hilerri osoan zehar egingo den arren, Bilbao Zerbitzuak-ek artearen ikuspegitik leku onenak identifikatuko ditu, artistei ikuspegia errazteko. Eguraldiak laguntzen ez badu, lehiaketa Hilerriko Klaustroko galeriara eramango da.

“Hilerriko I. Argazki Lehiaketa arrakastatsuaren ondoren, beste hitzordu batekin animatu gara, oraingo honetan pintzelekin, parte-hartzaileek guk bezainbesteko ilusioa izango dutelakoan. Ziur gaude gure hilerri dotoreari beste ikuspegi batzuetatik begiratzen lagunduko digula, eta haren aberastasun artistiko, kultural, historiko-artistiko, paisajistiko eta hiletakoari balioa emango diola”, adierazi du Yolanda Díez Bilboko Udaleko Alkateorde eta Osasun eta Kontsumo Zinegotzi Ordezkariak.

Teknika librea

Lehiaketa edozein motatako pintura-tekniketara dago irekita: olioa, akrilikoak, akuarelak edo teknika mistoak. Ez da onartuko argazki-tekniken edo teknika digitalen bidez egindako lanik, ez akaberan, ez argazki bat kopiatuz egiten dena ere. Izan ere, lehiaketaren helburu nagusietakoa parte-hartzaileek euren lana jatorrizko elementuaren aurrean aire zabalean egitea da.

Formatua librea izango da, eta lanen gutxieneko neurria 80×60 zentimetrokoa; akuarela bada, gutxieneko neurria 50×30 zentimetrokoa izango da. Euskarriak zurrunak izango dira edo bastidore gainean muntatuko dira (taula edo mihisea), eta inprimazioa kolore bakarrekoa izango da, zuria edo kolore uniformekoa, testurarik gabea, laua eta zurruna. Papera eta kartoi mehea erabili ahal izango dira akuarela edo antzeko teknikak erabiliz gero, eta horiek ere euskarri zurrunaren gainean emango dira. Euskarriak zigilatu eta zenbakitu egingo dira, segurtasun-neurri gisa, lehiaketaren egunean bertan, 08:45etik 09:15era, Bilbao Zerbitzuak-en bulegoetan.

Lehiaketaren metodologia

Parte-hartzaile bakoitzak instalazioetan bertan egindako obra bakarra entregatuko du, sinatu barik. Lehiatzaileak obra bakoitzari eman gura dion izenburua adieraziko du, edo, hala badagokio, katalogoan sartzeko testua (gehienez 20 hitz, euskaraz, gaztelaniaz edo ele bitan), lehiaketaren egunean bertan Bilbao Zerbitzuak-en bulegoetan horretarako emango zaion dokumentuan. Lehiaketa amaitzean dokumentu hori lehiaketaren antolatzaileek emango dioten gutun-azal itxian sartu eta entregatu beharko du. Egileek geroago sinatuko dituzte saritutako lanak, sariak eman ondoren.

Lanak zuzenean entregatuko dira Kaperan, 13:30etik 14:15era bitartean. Obrarekin batera, lehiaketa egiten den egunean hilerrian aurkezten den unean parte-hartzaile bakoitzari eman zaion gutun-azala entregatu beharko da, itxita. Gutun-azal horretan egilearen datuak (izen-abizenak, helbide osoa, telefono-zenbakia eta helbide elektronikoa) eta egindako obraren izenburua jasoko dira.

Epaimahaiak ez du onartuko inskripzioa gauzatzeko unean parte-hartzaile bakoitzak lehiaketa honetan gehienez ere lan argitaragabe eta original bat aurkezten duela egiaztatzeko euskarrian jarri den zigilua ez duen obrarik. Lan hori ezin izango da lehiaketa egin baino lehen beste modu batean sortutakoa izan. Parte-hartzaile bakoitzak bere obra sortzeko behar dituen material eta baliabide guztiak eraman beharko ditu, astoa, aulkia, margotzeko produktuak, etab. Kutsadura-ondoriorik ez izateko, parte-hartzaile bakoitzak pinturak edo disolbatzaileek sortutako edo baztertutako hondarrak edo hondakinak jasotzeko material egokia ere eraman beharko du, eta ez ditu horiek txorkoetan, estoldetan eta abarretan botako, eta Bilbao Zerbitzuak-ek horretarako jarriko dituen garbiguneetan utziko ditu.

Hiru sari

• Lehen saria, 1.000 eurokoa.
• Bigarren saria, 500 eurokoa.
• Hirugarren saria, 250 eurokoa.

Irabazleez gain, aurreko sariren bat lortzen ez duten lehiakideek euren lana laga ahal izango dute, saritutako lanekin batera, Bilbao Zerbitzuak-ek adierazitako egunean eta lekuan egingo den baterako erakusketan erakutsi ahal izateko.

Aukeratu gabeko obrak ekainaren 17a baino lehen eraman beharko dira, 09:30etik 13:30era, astelehenetik ostiralera. Bestela, ulertuko da egileak behin betiko uko egiten diola jasotzeari eta horren gaineko edozein eskubide erabili ahal izateari. Eraman ez diren obrak suntsitu ahal izango dira, eta ez dira inolaz ere Bilbao Zerbitzuak-en funts artistikotzat hartuko.

Poesia atzean

Egun horretan bertan, Bizkaiko Elkarte Artistikoak pintura-klase magistrala emango du, bai lehiaketan parte hartzen duten margolarientzat, bai bat egitera animatzen diren kanpoko pertsonentzat. Saioa hilerriko panteoietako estatuak arkatzez edo ikatzez esku hutsez marrazten ikastera egongo da zuzenduta.

Gainera, eguerdiko 12:00etan, Bizkaiko Elkarte Artistikoaren hiru rapsodak poesia errezitaldia eskainiko dute Kaperan. Irakurketarekin batera, Zuriñe De Diego (biolina) eta Miren De Diego (biola) artistek hainbat musika-pieza joko dituzte. Ekitaldiak 55 minutuko iraupena izango duela aurreikusten da.

Bilboko udal Hilerria Netflixek ekainean telebista-pantailetan estreinatuko duen “Intimidad” telesail berriaren agertokietako bat da. Laura Sarmiento eta Verónica Fernándezek sortutako telesaila grabatzeko hainbat gune laga zituen Bilbao Zerbitzuak-ek zenbait egunez. Zortzi kapitulu horiek 20 astez filmatu dira Bizkaiko 90 lekutan.

Yolanda Díez Bilboko Udaleko Alkateorde eta Osasun eta Kontsumo Zinegotzi Ordezkariak adierazi duenez, «beti da ilusionagarria proiektu garrantzitsuetan parte hartzea, zinemak, telebistak eta bestelako euskarriek maite duten Bilboko udal-hilerri ospetsuaren bidez, kasu honetan bezala”.

Itziar Ituño, Patricia López Arnaiz, Verónica Echegui, Ana Wagener, Emma Suárez eta Yune Nogueiras dira ekoizpenaren protagonistak, eta emakume politiko baten bideo sexual baten filtrazioak haien bizitzetan eragina izan duten lau emakumeren istorioa kontatzen du. Garai berriek sortzen duten babesgabetasunari buruzko seriea da, ikuspegi feministatik ikusita.

Bigarren saria Eduardo López Arceoren “Txoria txori” irudiari egokitu zaio, eta hirugarrena Jesús Ángel Esteras Lópezen “Zerua laztantzen” lanari.

Saritutako lanak katalogo birtual batean egongo dira ikusgai, Bilbao Zerbitzuak-en webgunean.

Begoña Guillén Monteroren “Itxaropenik eza” argazkiak irabazi du Bilboko Udal Hilerriko I. Argazki Lehiaketaren lehen saria. Lehiaketa joan den apirilaren 23an egin zen, Bilbao Zerbitzuak erakundea Bilboko Udaleko Osasun eta Kontsumo Sailarekin elkarlanean egiten ari den Bilboko udal hilerriko kultur programazioaren barruan, eta 25 pertsonak hartu zuten parte. Bigarren saria Eduardo López Arceoren “Txoria txori” irudiari eman diote, eta hirugarrena Jesús Ángel Esteras Lópezen “Zerua laztantzen” lanari.

“Lehiaketari esker, Bilboko udal Hilerria parte hartu duten argazkilarien objektibotik ezagutu ahal izan dugu, eta irudi horiek are ederrago egiten duten xehetasun asko eman dizkigute. Helburua kultur sorkuntza bultzatzea eta Hilerriko kultura eta ondarea sustatzea zen, argazkigintzaren bidez, adierazpen artistiko gisa, eta obren kalitatea ikusita lortu dugula ematen du”, adierazi du Yolanda Díez Bilboko Udaleko Alkateorde eta Osasun eta Kontsumo Zinegotziak.

Argazkigintzan ospe eta izen handia duten Ignacio Pérez El Correoko argazkilariak eta Óscar González DEIAko argazkilariak osatu dute epaimahaia, eta eurekin batera Yolanda Díez Bilboko Udaleko Alkateorde eta Bilbao Zerbitzuak erakundeko presidenteak eta José Antonio Fernández Bilbao Zerbitzuak-eko zuzendariak ere.

Epaimahaiak “originaltasuna, kalitate teknikoa eta estetikoa, sentsibilitatea, gaitasun kritikoa eta komunikatiboa, eta proposatu zen Bilboko udal Hilerriko heriotzaren inguruko artea esanahirik zabalenean gaira egokitzen jakitea” baloratu ditu. Era berean lehiaketara aurkeztutako lanen maila altua nabarmendu du, sarituez gain. Horren ondorioz oso zaila izan da azken erabakia hartzea

Sariak apirilaren 29an, ostiralean, banatu ziren Bilboko Udaletxean, eta obrak astebetez egongo dira ikusgai Erriberako Merkatuko kartel digitaletan, astebetez, eta Bilbao Zerbitzuak elkartearen webgunean. Gainera, lehiaketaren oinarrien arabera, saritutako argazkiak eta dohaintzan emandakoak Bilboko hilerrian ere jarriko dira ikusgai, Santu Guztien kultur programazioan.

Ekitaldia maiatzeko lehen igandean, maiatzaren 1ean, izango da, 12:00etan, Bilboko udal Hilerriko Kaperan. Ekitaldi horrekin, Bilbao Zerbitzuak-en helburua, Amaren Egunaren ospakizunaren bidez, familiak maite dituzten guztiekin batera egon ahal izatea da, bake eta lasaitasun giroan, jada ez dauden ama guztiak gogora ekartzeko eta gure maiteekin egotea eta merezi duten maitasuna ematea zein garrantzitsua den ikusteko.

Ekitaldia poesia errezitaldia izango da. Emanaldia Bidane Txopitearekin, 4kote emakumezkoen laukotea, batera egingo da. Gainera, txiribitaz eta askotariko lorez osatutako 150 lore sorta emango zaizkie ekitaldira doazenei, izakinak agortu arte.

Bizkaiko Elkarte Artistikoaren hiru rapsodak irakurriko dute poesia, eta 40 minutu ingurutan ekitaldi horretarako aukeratutako 15-18 poema errezitatuko dituzte.

Poesia irakurketa honekin batera, Bidane Txopitea 4kote emakumezkoen laukoteak 15 minutu inguruko musika errezitaldia eskainiko du.

Ekitaldia zuzenean emango da oso-osorik, eta gura denean ikusi ahal izango da Bilbao Zerbitzuak-en youtubeko kanalaren bidez.

Lehiaketa 2022ko apirilaren 23an, larunbatean, egin zen, 8:30etik 13:30era, hilerria irekita dagoen ordutegian, Bilbao Zerbitzuak-ek Bilboko Udaleko Osasun eta Kontsumo Sailarekin lankidetzan prestatu duen Bilboko udal Hilerriko 2022ko kultur programazioaren barruan.

Bilboko udalerriko kultur politikaren barruan, lehiaketaren helburua kultur sorkuntza bultzatzea eta Bilboko udal hilerriko kultura eta ondarea sustatzea da, argazkigintza adierazpen artistiko gisa erabiliz. Bilbao Zerbitzuak-ek deitutako lehiaketan 25 pertsonak hartu dute parte, 7 emakumek eta 18 gizonek, 31 pertsonak eman dute izena.

Begoña Guillén Montero-ren “Desesperanza” lanak jaso du lehen saria; bigarren saria, berriz, Eduardo López Arceo-ren “Txoria txori” izeneko lanak jaso du, eta hirugarrena, Jesús Ángel Esteras López-ren “Acariciando el cielo” lanak.

Argazkigintzan ospe eta izen handia duten pertsonek osatu dute epaimahaia, Ignacio Pérez El Correoko argazkilariak eta Óscar González DEIAko argazkilariak eta baita Yolanda Díez Bilboko Udaleko Alkateorde eta Bilbao Zerbitzuak erakundeko presidenteak eta José Antonio Fernández Entitateko Zuzendariak ere.

Epaimahaiak “originaltasuna, kalitate teknikoa eta estetikoa, sentsibilitatea, gaitasun kritikoa eta komunikatiboa, eta proposatu zen Bilboko udal Hilerriko heriotzaren inguruko artea esanahirik zabalenean gaira egokitzen jakitea” baloratu ditu. Epaimahaiak lehiaketara aurkeztutako lanen maila altua nabarmendu du, sarituez gain. Horren ondorioz oso zaila izan da azken erabakia hartzea eta, azkenik, larunbateko 18:45ean gertatu da.

Laster emango da jakitera noiz banatuko zaizkien sariak sarituei eta non erakutsiko diren saritutako lanak katalogo digital batean. Katalogo hori Bilbao Zerbitzuak-en webgunean egongo da eskuragarri.

Poesia eta musika klasiko errezitaldia

Horrez gain, eguerdiko 12:00etan, poesia eta musika klasikoaren zaleak Kaperan egin den poesia errezitaldian izan dira. Bertan, Bizkaiko Elkarte Artistikoko kide diren María José Domínguez, María Blanca Tinquero eta José Ramón López rapsodek ekitaldirako hautatutako euskal poeten 18 poema errezitatu dituzte. Aukeratutako poeten artean Javier de Bengoetxea, Blas de Otero, Gabriel Aresti eta Gabriel Celaya egon dira, besteak beste.

Poesiaren irakurketarekin batera, Zuriñe De Diego (biolina) eta Miren De Diego (biola) artistek, Joaquín Rodrigoren Aranjuezko Kontzertuaren Adagioa, Johann Pachelbelen Canon eta Luigi Boccheriniren Madrilgo kaleetako Serenata interpretatuko dituzte, besteak beste.

Amaren Egunaren ospakizuna

Maiatzaren 1ean, maiatzeko lehen igandean, 12:00etan, Amaren Eguna ospatuko dugu Bilboko udal Hilerrian, helburu batekin: familiak maite dituzten guztiekin batera egon ahal izatea da, bake eta lasaitasun giroan, jada ez dauden ama guztiak gogora ekartzeko eta gure maiteekin egotea eta merezi duten maitasuna ematea zein garrantzitsua den ikusteko.

Horretarako, amei eta abesbatzen musikari eskainitako poesia errezitaldia egingo dugu, 1945etik margolariak, poetak, rapsodak eta artea maite duten kide ugari biltzen dituen Bizkaiko Elkarte Artistikoaren, Bilbon egoitza duen Bizkaiko lehen kultur elkartearen, eskutik.

Eta 4kote emakumeen abesbatzak hartuko du parte Edurne Eguiaren, Bidane Txopitearen, Iratxe Uribelarrearen eta Igone Amestiren ahotsekin.

12etan poesia eta musika klasiko errezitaldia ere egingo da Kaperan

Bilbao Zerbitzuak Bilboko Hilerriko kultura eta ondare arkitektonikoa, artistikoa eta paisajistikoa sustatu eta balioetsiko ditu, apirilaren 23an udal kanposantuan egingo den argazki-lehiaketaren bidez. Lehiaketa 9etan hasiko da eta goiz osoan zehar luzatuko da, 14ak arte.

Lehiaketak Bilboko udal Hilerriarekin zerikusia duten argazkirik onenak sarituko ditu, irudiaren bidez kanposantua sustatzeko eta goratzeko helburuarekin.

Lehiaketan adinez nagusi den edozeinek hartu ahal izango du parte, bai zaleak bai profesionalak, nazionalitatea edo bizilekua edozein dela ere, baldin eta Bilbao Zerbitzuak-ekin lan-harremanik ez badu.

Parte-hartzaileek apirilaren 22ko 10ak orduko eman beharko dute izena, Bilbao Zerbitzuak-en webgunean horretarako irekitako atalaren edo info@zbk.bilbao.eus helbidera bidalitako mezu elektronikoaren bidez, eta gehienez ere bi lanekin lehiatu ahal izango dira. Argazkiak 2022ko apirilaren 23an, larunbatean, atera beharko dira, 9etatik 14etara.

Gaia hilobi-arteari buruzkoa izango da, horren adierazpenik zabalenean, monumentuei, paisaiari eta berezitasunei, hilobi-sinbologiari eta ondare-balioari garrantzi berezia emanez, bai eta Bilboko Udal-hilerriko esparrua betetzen duen bake- eta harmonia-sentsazioari ere.

Informazio gehiago gura izanez gero, interesatuek Bilbao Zerbitzuak-en webgunean kontsultatu eta deskargatu ditzakete lehiaketaren oinarriak: https://bilbaozerbitzuak.bilbao.eus/

Eguerdiko 12etan, poesia eta musika klasikoa maite dutenek Kaperan Bizkaiko Elkarte Artistikoaren eskutik egingo den poesia errezitaldira joateko aukera izango dute. Halaber, zuzenean jarraitu ahal izango da Bilbao Zerbitzuak-en YouTube kanalaren bidez. Ekitaldirako aukeratutako euskal poeten 18 poema errezitatuko dira. Aukeratutako poeten artean Javier de Bengoetxea, Blas de Otero, Gabriel Aresti eta Gabriel Celaya daude, besteak beste. Ahotsak María José Domínguez, María Blanca Tinquero eta José Ramón López rapsodek jarriko dituzte.

Poesiaren irakurketarekin batera, Zuriñe De Diego (biolina) eta Miren De Diego (biola) artistek, Joaquín Rodrigoren Aranjuezko Kontzertuaren Adagioa, Johann Pachelbelen Canon eta Luigi Boccheriniren Madrilgo kaleetako Serenata interpretatuko dituzte, besteak beste.

Bilbao Zerbitzuak-etik tokiko kultura eta ondarea sustatzen lagundu gura dugu; horregatik, Argazki Lehiaketa honen deialdia egin dugu, gure Hilerria irudiaren bidez sustatzeko eta goratzeko. Horrez gain, Bizkaiko Arte Elkartearen eskutik, euskal poeten poesia-emanaldia eta musika klasikoa ere eskainiko dugu. Bizkaiko kultur elkarte horrek Bilbon du egoitza, eta 1945az geroztik margolariak, poetak, rapsodak eta artea maite duten bazkide ugari biltzen ditu. Eurekin batera, Espainiako panorama artistiko instrumentalean ibilbide nabarmena izan duten Bilbao Bel Canto String Duet taldeko Zuriñe de Diego (biolina) eta Miren de Diego (biola) musikariak arituko dira”, azaldu du Yolanda Díez Bilboko Udaleko Osasun eta Kontsumo zinegotzi delegatuak.

Bilboko Hilerria Hiriak duen espaziorik preziatuenetakoa da, ez bakarrik arkitekturari dagokionez, baita historiari eta paisaiari dagokienez ere, aberastasun artistiko handia izateaz gain. Hala ere, duen antzinatasunarengatik eta bisitatzen duten pertsona-kopuruarengatik, denborak aurrera egin ahala instalazioak hondatuz joan dira, eta Hilerriko espazioetarako irisgarritasuna izan da gehien kaltetu den elementuetako bat. Horregatik, Bilbao Zerbitzuak hainbat hobekuntza-jarduera egiten ari da modu mailakatuan.

“Balio handiko obrak dira, oinez joatea erraztu eta arazoak saihestu gura dituztelako, batez ere mugitzeko gaitasun txikiagoa izan dezaketen pertsonengan pentsatuta”, azaldu du Yolanda Díez Bilbao Zerbitzuak-eko Presidente, Bilboko Alkateorde eta Udaleko Osasun eta Kontsumo Saileko zinegotziak.

Hain zuzen, aurten Klaustrorako edo Galeriarako sarbidea hobetu da, egungo eskailerak gainditzeko eta gurpil-aulkiak, umeen orgatxoak eta mugikortasun urriko pertsonak errazago sartzeko, oztopo arkitektonikoak kenduz. Horretarako, espaloia handitu egin da, batez beste 1,80 metroko zabalerara iritsi arte, eta Klaustrora atzeko aldetik iristeko moduko ibilbidea egokitu da. Horrez gain, kalearen alde bakoitzean beherapena egin da, eta Kaperaren alboetan bi arrapala egin dira jarduketa osatzeko.

Kaleak Klaustroarekiko zuen desnibelari dagokionez, bi arrapala egokituren bitartez salbatu da. Arrapala horiek bi tartetan banatuta daude, metro eta erdiko gutxieneko zabalera duen eskailera-buru batez bereizita, eta lauza irristagaitz batean bukatuta, erorketak edo labankadak saihesteko. Babes moduan, alboetan, arrapalek altzairu herdoilgaitzezko baranda bana dute. Horrela, ibilbide egokitua sortu da Klaustrora iristeko, oztopo arkitektonikoak kenduz. Jarduketak, batez ere, adinekoen edo mugitzeko arazoak dituzten pertsonen beharrei erantzuten die, hemendik aurrera Klaustrora modu erosoago eta seguruagoan sartu ahal izango direlako.

Gogorarazi behar da, lehen fasean, ibilgailuen sarrerak eta aparkalekuak, Errausketa-labeak, Biltegiak eta bulegoetarako sarbideak mugatutako eremuaren irisgarritasuna hobetu zela, espaloiak zabalduz, espaloietako pasabide naturalak jaitsiz eta Hilerriko erdiko gunea edo sarrera nagusia farolen bidez argiztatuz.